1 ա Ամեն ով որ հաւատում է թէ բ Յիսուսն է Քրիստոսը, գ Աստուածանից է ծնուած դ եւ ամեն ով որ ծնողին սիրում է, նորանից ծնուածին էլ սիրում է։ 2 Սորանով ենք ճանաչում թէ Աստուծոյ որդիներին սիրում ենք, երբոր սիրում ենք Աստուծուն, եւ նորա պատուիրանքները պահում։ 3 ե Որովհետեւ սա է Աստուծոյ սէրը որ նորա պատուիրանքները պահենք. զ եւ նորա պատուիրանքները ծանր չեն։ 4 է Որովհետեւ ամեն ով որ Աստուածանից է ծնուած յաղթում է աշխարհքին. Եւ սա է յաղթութիւնն, որ աշխարհքին յաղթեց, այսինքն մեր հաւատքը։ 5 Եւ ո՞վ է որ յաղթում է աշխարհքին, ը եթէ ոչ նա, որ հաւատում է, թէ Յիսուսն Աստուծոյ Որդին է։
6 թ Սա է որ եկաւ ջրով եւ արիւնով՝ Յիսուս Քրիստոսը. Ոչ թէ միայն ջրով, բայց ջրով եւ արիւնով. Եւ ժ Հոգին է վկայողը. Որովհետեւ Հոգին է ճշմարտութիւնը։ 7 Որովհետեւ երեք են որ [երկնքումը վկայում են, Հայրը եւ ի Բանը եւ Սուրբ Հոգին. Եւ լ այս երեքը մի են։ 8 Եւ երեք են որ երկրումը] վկայում են. Հոգին, եւ ջուրը, եւ արիւնը. Եւ այս երեքը միաբան են։ 9 խ Եթէ մարդկանց վկայութիւնն ընդունում ենք, Աստուծոյ վկայութիւնն աւելի մեծ է. ծ որովհետեւ սա է Աստուծոյ վկայութիւնն, որ վկայեց իր Որդու մասին։ 10 Ով որ հաւատում է Աստուծոյ Որդուն, կ վկայութիւնն ունի իր անձումը. Ով որ չէ հաւատում Աստուծուն, հ ստախօս է արել նորան. Որովհետեւ չ’հաւատաց այն վկայութեանն, որ Աստուած վկայեց իր Որդու մասին։ 11 ձ Եւ սա է վկայութիւնը, որ Աստուած յաւիտենական կեանք տուաւ մեզ. ղ եւ այս կեանքը նորա Որդու մէջ է։ 12 ճ Ով որ Որդուն ունի, նա կեանքն ունի. Եւ ով որ Աստուծոյ Որդուն չ’ունի, կեանքը չ’ունի։
13 մ Այս բաները գրեցի ձեզ՝ Աստուծոյ Որդու անունին հաւատացեալներիդ, յ որ գիտենաք թէ յաւիտենական կեանք ունիք։ 14 Եւ սա է այն համարձակութիւնը որ ունինք դէպի նորան, ն թէ ինչ որ նորա կամքի պէս խնդրում ենք, լսում է մեզ։ 15 Եւ եթէ գիտենք թէ լսում է մեզ, ինչ որ խնդրում ենք, գիտենք որ առնում ենք մեր խնդրուածքներն, որ խնդրեցինք նորանից։
16 Եթէ մէկը տեսնէ իր եղբօրը որ մեղանչել է եւ այնպիսի մեղքով որ դէպի մահ չէ, թող խնդրէ, շ եւ Աստուած կեանք կ’տայ նորան այսինքն նորան որ մեղանչել է ոչ թէ դէպի մահ. ո կայ մեղք որ դէպի մահ է, չ նորա համար ես չեմ ասում որ խնդրես։ 17 պ Ամեն անիրաւութիւն մեղք է. Եւ կայ մեղք որ դէպի մահ չէ։
18 ջ Գիտենք որ ամեն ով որ Աստուածանից է ծնուած, մեղք չէ գործում, բայց նա որ Աստուածանից է ծնուած, ռ իր անձը պահում է, եւ չարը չէ մօտենում նորան։ 19 Գիտենք որ Աստուածանից ենք, եւ ս բոլոր աշխարհքը չարութեան մէջ է կենում։ 20 Եւ գիտենք որ Աստուծոյ Որդին եկաւ եւ վ մեզ միտք տուաւ, տ որ ճշմարիտը ճանաչենք. Եւ ճշմարիտումն ենք, այսինքն նորա որդի Յիսուս Քրիստոսումը, ր նա է ճշմարիտ Աստուածը եւ ց յաւիտենական կեանքը։ 21 Որդեակներ, ւ պահեցէք ձեր անձերը կուռքերիցը։
Ա Հովհաննես 5
