1 Այսպէս ցոյց տուաւ ինձ Տէր Եհովան, եւ ահա մի կողով ամառային պտուղ. 2 Եւ ասեց. Դու ի՞նչ ես տեսնում, ով Ամովս. Եւ ես ասեցի՝ Մի կողով ամառային պտուղ. Եւ Տէրն ինձ ասեց. ա Վերջը եկել է իմ Իսրայէլ ժողովրդի վերայ, բ այլ եւս չեմ անց կենալ միւսանգամ նորա մօտով։ 3 Եւ պիտի ողբան տաճարի գ երգերը այն օրը, ասում է Տէր Եհովան. դ շա՜տ դիակներ, ամեն տեղ ձգուած՝ լուռ։
4 Լսեցէք այս, ով դուք ե տնանկին կլանողներ, եւ երկրի աղքատներին փչացնելու ցանկացողներ. 5 Որ ասում էք. Ե՞րբ է անցնելու ամսագլուխը, որ ցորեն վաճառաշահենք, եւ զ շաբաթը՝ որ բանանք հացի շտեմարանները, է որ փոքրացնենք արդուն եւ մեծացնենք սիկղը, եւ նենգենք խարդախութեան կշիռքը։ 6 Որ ը փողով ծախու առնենք աղքատներին, եւ տնանկներին մի զոյգ կօշիկով. Եւ ցորենի խոտանովը շահավաճառուենք։ 7 Տէրը երդում արաւ Յակոբի մեծ վայելչութիւնովը, թէ թ նորանց բոլոր գործերը յաւիտեան չեմ մոռանալու։ 8 ժ Մի՞թէ այս բանի վերայ երկիրը չի դողալ, եւ սուգ բռնիլ ամեն նորանում բնակողը. Եւ վեր պիտի գնայ Նեղոսի պէս նորա ամենը, եւ պիտի քշուի եւ ի ոռոգուի Եգիպտոսի Նեղոսի պէս։ 9 Եւ այն օրը պիտի լինի, ասում է Տէր Եհովան, որ լ արեգակը մար եմ մտցնելու կէս օրին, եւ խաւարեցնելու եմ երկրի համար լոյս օրին։ 10 Եւ ձեր տօները պիտի սուգի դարձնեմ, եւ ձեր բոլոր երգերը՝ ողբի. Եւ խ ամեն մէջքի վերայ քուրձ պիտի դնեմ, եւ ամեն գլխի վերայ՝ կնտութիւն, եւ ծ պիտի անեմ ինչպէս մէկ հատիկի սուգ, եւ նորա վախճանը դառնութեան օրուայ պէս։
11 Ահա օրեր են գալիս, ասում է Տէր Եհովան, որ սով պիտի ուղարկեմ երկրի վերայ, ոչ թէ հացի սով եւ ոչ ջրի ծարաւ, այլ կ Տիրոջ խօսքը լսելու։ 12 Եւ պիտի թափառեն ծովից մինչեւ ծով եւ հիւսիսից մինչեւ արեւելք, եւ նորանք պիտի ման գան Տիրոջ խօսքը որոնելու համար, եւ պիտի չ’գտնեն։ 13 Այն օրը պիտի նուաղեն գեղեցիկ կոյսերը եւ երիտասարդները ծարաւով. 14 Որոնք հ երդնում են ձ Սամարիայի յանցանքովը եւ ասում. Կենդանի է քո աստուածը, ով Դան, եւ կենդանի է ղ Բերսաբէէի ճանապարհը. Նորանք պիտի ընկնեն եւ այլեւս վեր չ’կենան։
Ամովս 8
