1 Խրատ սիրողը գիտութիւն է սիրում, բայց յանդիմանութիւն ատողը անխելք է։
2 ա Բարին Տէրիցը շնորհք կ’ստանայ, բայց նենգաւոր մարդին նա կ’դատապարտէ։
3 Մարդս չի հաստատուիլ ամբարշտութիւնով, իսկ բ արդարների արմատը չի սասանիլ։
4 գ Առաքինի կինը իր մարդի պսակն է. Բայց դ նորա ոսկորների մէջ փտութեան պէս է նախատինք բերողը։
5 Արդարների մտածողութիւնները իրաւունք են. Իսկ ամբարիշտների խորհուրդները՝ նենգութիւն։
6 ե Ամբարիշտների խօսքը արիւնի դարանամուտ լինել է, զ բայց ուղիղների բերանն իրանց կ’ազատէ։
7 է Ամբարիշտները կ’կործանուին ու կ’չքանան. Բայց արդարների տունը կ’մնայ։
8 Իր խոհեմութեան չափ կ’գովուի մարդս. ը բայց ծուռ սիրտ ունեցողը կ’անարգուի։
9 թ Լաւ է աննշան լինող՝ բայց ծառայ ունեցողը, քան թէ ինքն իրան մեծացնող ու հացի կարօտ եղողը։
10 ժ Արդարը գիտէ իր անասունի հոգսը, բայց ամբարիշտների աղիքները անգութ են։
11 ի Իր երկիրը գործողը կ’կշտանայ հացով, բայց դարտակներին հետեւողը լ պակասամիտ է։
12 Ամբարիշտը փափաքում է չարերի աւարին, բայց արդարների արմատը ճիւղեր կ’տայ։
13 խ Շրթունքների խորամանկութեան մէջ չար որոգայթ կայ. ծ բայց արդարը նեղութիւնից դուրս է գալիս։
14 կ Մարդս իր բերանի պտուղներիցը կ’կշտանայ բարիքներով, եւ հ մարդի ձեռքի արարքը ետ կ’դառնայ իրան։
15 ձ Յիմարի ճանապարհն ուղիղ է իր աչքի առաջին, բայց խրատ լսողն իմաստուն է։
16 ղ Յիմարի բարկութիւնը նոյն օրը կ’իմացուի. Բայց խորագէտը անարգանքը ծածկող է։
17 ճ Ճշմարտութիւն խօսողը արդարութիւն կ’յայտնէ. Բայց սուտ վկան՝ խաբեբայութիւն։
18 մ Շատախօս է լինում, որ սուրի պէս խոցոտում է. Բայց իմաստունների լեզուն բժշկութիւն է։
19 Ճշմարտախօս շրթունքը յաւիտեան կ’մնայ. յ բայց վայրկեանական է ստախօս շրթունքը։
20 Նենգութիւն կայ չարութիւն խորհողների սրտումը. Բայց խաղաղութիւն խորհուրդ տուողների համար՝ ուրախութիւն։
21 Արդարին ոչ մի չարիք չի հանդիպիլ, բայց ամբարիշտները լիքն են չարիքներով։
22 ն Զզուելի են Տիրոջ համար ստախօս շրթունքները, բայց հաւատարմութիւն անողները հաճելի են նորան։
23 շ Խորագէտ մարդը գիտեցածը ծածկող է, բայց յիմարների սիրտը տխմարութիւն կ’հրատարակէ։
24 ո Աշխատասէրների ձեռքը կ’իշխէ, բայց ծոյլը հարկատու կ’լինի։
25 չ Մարդիս սրտին վիշտը կ’ճնշէ նորան, բայց պ բարի խօսքը նորան կ’ուրախացնէ։
26 Արդարը ճանապարհ է ցոյց տալիս իր ընկերին՝՝, բայց ամբարիշտների ճանապարհը իրանց կ’մոլորեցնէ։
27 Թոյլը չի խորովիլ իր որսը, բայց մարդիս պատուական ստացուածքը աշխատասիրութիւնն է։
28 Արդարութեան ճանապարհումը կեանք կայ, եւ նորա շաւիղների ճանապարհումը մահ չ’կայ։
Առակաց 12