1 Որդեակս, իմ օրէնքը մի մոռանար, եւ թող պահէ ա քո սիրտը իմ պատուէրները.
2 Որովհետեւ նորանք երկայն օրեր եւ կենդանութեան տարիներ, եւ բ խաղաղութիւն կ’շատացնեն քեզ համար.
3 Շնորհքն ու ճշմարտութիւնը քեզ չեն ձգիլ. գ նորանց պնդացրու քո պարանոցի վերայ, նորանց դ գրիր քո սրտի տախտակի վերայ։
4 ե Այսպէս դու շնորհք եւ հաճութիւն կ’գտնես Աստուծոյ եւ մարդկանց առաջին։
5 Տիրոջն ապաւինիր զ քո բոլոր սրտովը, եւ է քո հասկացողութեանը մի վստահիր։
6 ը Քո բոլոր ճանապարհներումը ճանաչիր նորան, եւ նա թ կ’ուղղէ քո ճանապարհները։
7 ժ Դու քո աչքի առաջին իմաստուն մի լինիր, ի վախիր Տէրիցը եւ հեռացիր չարից։
8 Սա առողջութիւն կ’լինի քո մարմնի համար, եւ լ պարարտութիւն՝ քո ոսկորներին։
9 խ Պատուիր Տիրոջը քո ստացուածքիցը, եւ քո բոլոր բերքերի երախայրիներիցը.
10 ծ Այն ժամանակ կ’լցուին քո շտեմարաններն առատութիւնով, եւ քո հնձանները պիտի զեղանեն նոր գինիով։
11 Որդեակս, մի անարգիր կ Տիրոջ խրատը, եւ նորա յանդիմանութիւնիցը մի ձանձրանար.
12 Որովհետեւ Տէրը որին որ սիրում է՝ յանդիմանում է, եւ հ ինչպէս մէկ հայր որ իր որդիին սիրում է։
13 ձ Երանի այն մարդին որ իմաստութիւն է գտել, եւ այն մարդին որ հանճար է ստանում։
14 ղ Որովհետեւ նորա շահը լաւ է արծաթի շահիցը, եւ նորա արդիւնքը՝ մաքուր ոսկիից։
15 Նա պատուական է գոհարներից, եւ ճ քո բոլոր ցանկալի բաները նորան չ’արժեն։
16 մ Նորա աջ ձեռքին օրերի երկայնութիւն կայ, նորա ձախ ձեռքին՝ հարստութիւն եւ փառք։
17 յ Նորա ճանապարհները հաճելի ճանապարհներ են, եւ նորա բոլոր շաւիղները խաղաղութիւն են։
18 Նա ն կենաց ծառ է նորանց համար որ բռնել են նորան, եւ նա իրան պինդ բռնողին երջանիկ կ’անէ։
19 շ Տէրը իմաստութիւնով հիմնեց երկիրը, հանճարով հաստատեց երկինքը։
20 Նորա գիտութիւնովն անդունդները յորդեցին, եւ ո ամպերը ցօղ ցանեցին։
21 Որդեակս, սորանք չ’գնան քո աչքի առաջից, պինդ պահիր խոհեմութիւնն ու խորհուրդը։
22 Եւ նորանք քո հոգիի համար կեանք լինին, եւ շնորհք՝ չ քո պարանոցի համար։
23 պ Այն ժամանակ ապահով կ’գնաս քո ճանապարհովը, եւ ոտքդ չի գայթիլ։
24 ջ Եթէ պառկես, չես վախենալ. Եւ կ’պառկես եւ քունդ քաղցր կ’լինի։
25 ռ Յանկարծահաս երկիւղիցը չես վախենալ, եւ ամբարիշտների փոթորիկիցը, երբոր գայ։
26 Որովհետեւ Տէրը կ’լինի քո յոյսը, եւ նա կ’պահէ քո ոտքը, որ չ’բռնուի։
27 ս Բարութիւնը մի խնայիր որին որ կ’վայելէ, երբոր ձեռքումդ զօրութիւն կայ անելու.
28 վ Մի ասիր քո ընկերին. Գնա՝ միւս անգամ եկ, եւ էգուց կ’տամ. Քանի որ քեզ մօտ կայ։
29 Քո ընկերի դէմ չարութիւն մի մտածիր, քանի որ նա վստահաբար կենում է քեզ մօտ։
30 տ Մարդի հետ զուր տեղը մի վիճիր, եթէ նա քեզ չարութիւն չէ արել։
31 ր Բռնաւոր մարդին մի նախանձիր, եւ նորա բոլոր ճանապարհներին մի հաւանիր.
32 Որովհետեւ խոտորնակ մարդը զզուելի է Տիրոջը, ց բայց Նորա մտերմութիւնը ուղիղների հետն է։
33 ւ Ամբարշտի տանը Տիրոջ անէծքը կայ, բայց փ արդարների բնակարանը նա օրհնում է։
34 ք Իրաւ նա ծաղր անողներին ծաղրում է, իսկ խոնարհներին շնորհք է տալիս։
35 Փառք պիտի ժառանգեն իմաստունները, բայց յիմարները կ’բարձրանան անարգանքով։
Առակաց 3