1 ա Որդիք, լսեցէք հօր խրատը. Եւ ականջ դրէք որ իմաստութիւնն իմանաք.
2 Որովհետեւ ես ձեզ բարի ուսում եմ տալիս, իմ օրէնքը մի ձգէք.
3 Որովհետեւ ես իմ հօր որդին էի, բ փափուկ եւ միամօր էի։
4 գ Նա ինձ սովորեցնում էր եւ ասում ինձ. Թող քո սիրտը բռնէ իմ խօսքերը, դ պահիր իմ պատուէրները, եւ կ’ապրես։
5 ե Իմաստութիւն ստացիր, հանճար ստացիր. Մի մոռանար, եւ մի խոտորիր իմ բերանի խօսքերիցը։
6 Մի թողիր նորան, եւ նա քեզ կ’պահէ. զ նորան սիրիր, եւ նա քեզ կ’պաշտպանէ։
7 է Իմաստութեան սկիզբն է՝՝, «իմաստութիւն ստացիր». Եւ քո ամեն ստացուածքի հետ հանճար ստացիր։
8 ը Դու նորան մեծարիր, եւ նա քեզ կ’բարձրացնէ. Նա քեզ կ’պատուէ, երբոր նորան գրկես։
9 Նա քեզ թ գեղեցիկ պսակ կ’տայ քո գլխի համար, եւ փառքի թագ կ’պարգեւէ քեզ։
10 Լսիր, որդեակս, եւ ընդունիր իմ խօսքերը, եւ ժ կ’շատանան քո կեանքի տարիները։
11 Իմաստութեան ճանապարհը քեզ սովորեցրի, քեզ առաջնորդեցի ուղղութեան շաւիղներումը։
12 Դու գնալիս՝ ի քո քայլերը պիտի չ’նեղուին, եւ լ վազելիս չես գայթակղուիլ։
13 Պինդ բռնիր խրատը, մի ձգիր. Նորան պահիր, որ նա քո կեանքն է։
14 խ Անզգամների ճանապարհը մի մտնիր. Եւ մի ման գար չարերի ճանապարհումը։
15 Թող տուր նորան, նորա վերայ մի գնար, նորանից խոտորիր եւ անցիր։
16 ծ Որովհետեւ նորանք չեն քնիլ, մինչեւ որ չարութիւն չ’անեն. Եւ քնից կ’զրկուին, եթէ չ’կործանեն։
17 Նորա համար որ նորանք ամբարշտութեան հացն են ուտում եւ անիրաւութեան գինին խմում։
18 կ Բայց արդարների ճանապարհը հ ծագող լոյսի պէս է. Որ գնալով լուսաւորվում է, մինչեւ որ կատարեալ օր է դառնում։
19 ձ Ամբարիշտների ճանապարհը խաւարի նման է, նորանք չ’գիտեն թէ ինչով են գայթակղում։
20 Որդեակս, ուշադիր եղիր իմ խօսքերին, եւ ականջդ տուր իմ ասածներին.
21 ղ Թող նորանք չ’գնան քո աչքի առջեւից, ճ պահիր նորանց քո սրտի մէջ։
22 Որ նորանք կեանք են նորանց գտնողներին, եւ մ նորանց բոլոր մարմնին՝ բժշկութիւն։
23 Ամեն զգուշութիւնից առաւել զգուշացիր քո սրտին, որ նորանից է կեանքի ելքը։
24 Հեռացրու քեզանից բերանի ծռութիւնը, եւ նենգաւոր շրթունքները թող հեռու լինին քեզանից։
25 Թող քո աչքերն ուղիղ նային, եւ քո արտեւանունքները ուղղուած լինին դէպի քո առաջը։
26 Շիտակ արա քո ոտների շաւիղը, եւ քո բոլոր ճանապարհները կ’հաստատուին։
27 Մի խոտորիր յ աջ եւ ձախ, ն ոտքդ հեռացրու չարիցը։
Առակաց 4