1 Ծովի անապատի պատգամը։
1 ա Հարաւից յարձակուող մրրիկների պէս անապատիցն է գալիս՝ սոսկալի երկրիցը։ 2 Մի խիստ տեսիլք է ինձ յայտնուել. բ յափշտակողը յափշտակում եւ կործանողը կործանում է։ Վեր եկ, գ Եղամ. Պաշարիր, ով Մարաց ազգ, նորա բոլոր հառաչանքը դադարեցրել եմ։ 3 Սորա համար դ երանքս լիքն են ցաւերով, ծննդականի ցաւերի պէս ե ցաւեր են բռնել ինձ. Գալարվում եմ, չեմ լսում. Վրդովուած եմ, չեմ տեսնում։ 4 Սիրտս շփոթուել է, արհաւիրքն ինձ զարհուրեցրել է, նա զ իմ ցանկալի գիշերն ինձ համար սրտադողի դարձրեց։
5 է Սեղանը գցում են, դէտը դիտում է. Ուտե՜լ, խմե՜լ։ Վեր կացէք, ով իշխաններ, օծեցէք վահանները։ 6 Որովհետեւ Տէրն ինձ այսպէս է ասել. Գնա դէտին կանգնեցրու, որ տեսածը յայտնէ։ 7 Եւ ը նա ձիաւորներ տեսաւ զոյգ հեծեալներ, էշի վերայ հեծեալներ, ուղտի վերայ հեծեալներ, եւ մեծ ուշադրութեամբ ուշադրութիւն արաւ։ 8 Եւ առիւծօրէն աղաղակեց. Ով Տէր, ես միշտ թ ցերեկը կանգնած եմ դիտանոցի վերայ, եւ իմ պահապանութեան տեղը ես բոլոր գիշերը կանգնած եմ։ 9 Եւ ահա գալիս են՝ ձիաւորներ, զոյգ հեծեալներ. Եւ պատասխանեց ու ասեց. ժ Ընկա՜ւ, ընկաւ Բաբիլոնը, եւ ի նորա աստուածների բոլոր արձանները փշրեց գետնովը տալով։ 10 լ Ով իմ կասուածներ, եւ իմ կալի պտուղը, ինչ որ լսել եմ Զօրաց Տէր՝ Իսրայէլի Աստուածանից, այն իմացրել եմ ձեզ։
11 խ Եդովմի պատգամը։
11 Դէպի ինձ ձայն է գալիս Սէիրից. Պահապան, ի՞նչ կայ գիշերիցը. Պահապան, ի՞նչ կայ գիշերիցը։ 12 Պահապանն ասում է. Առաւօտը եկած էլ լինի, էլի գիշեր է. Եթէ հարցնում էք՝ հարցրէք, ետ դարձէք, եկէք։
13 ծ Արաբիայի պատգամը։
13 Արաբիայի անտառումը պիտի օթեւանէք, ով կ Դեդանեանց կարաւաններ։ 14 Ծարաւին դիմաւորելու գնացէք ջրով, ով Թեմայի երկրի բնակիչներ նորա հացովը փախստականի առաջը եկէք։ 15 Որովհետեւ նորանք փախչում են սուրերի երեսից, քաշած սուրի առաջից, եւ լարած աղեղի առաջից, եւ պատերազմի սաստկութեան առաջից։ 16 Որովհետեւ Տէրն ինձ այսպէս է ասել. Դեռ մէկ տարի էլ կայ՝ հ վարձկանի տարի, որ պիտի վերջանայ ձ Կեդարի բոլոր փառքը։ 17 Եւ Կեդարի որդկանց զօրաւոր աղեղնաւորաց մնացորդների թիւը քիչ է լինելու. Որովհետեւ Իսրայէլի Աստուած Եհովան է խօսել։
Եսայիա 21
