1 ա Այն օրը այս երգն է երգուելու Յուդայի երկրումը.
1 Մենք մի զօրաւոր քաղաք ունինք, նա բ փրկութիւնը դնում է իբրեւ պարիսպ ու պատնէշ։ 2 Բացէք գ դռները, որ մտնէ արդար եւ հաւատարմութիւն պահող ժողովուրդը։ 3 Հաստատ միտքը պահում ես խաղաղ խաղաղութիւնով, որովհետեւ քեզ է յուսացած։ 4 Յաւիտեան Տիրոջը յուսացէք, դ որովհետեւ Տէր Եհովան յաւիտենական վէմ է։ 5 Որովհետեւ նա խոնարհեցնում է բարձր բնակողներին, ե բարձր բերդը. Նա նորան ցածացնում է, ցած է քաշում նորան մինչեւ գետինը, նա նորան նկուն է անում մինչեւ փոշին։ 6 Ոտքը նորան պիտի կոխէ՝ աղքատի ոտքը՝ չքաւորների կոխելը։ 7 զ Արդարի ճանապարհը ուղիղ է. Դու ուղիղդ, հարթում ես արդարի շաւիղը։ 8 է Հէնց քո դատաստանների ճանապարհին սպասել ենք քեզ, ով Տէր, քո անունին ու քո յիշատակին էր ցանկանում մեր հոգին։ 9 ը Հոգովս քեզ եմ փափաքում գիշերը, հէնց իմ ներսի հոգովը ես քեզ եմ բաղձանում. Որովհետեւ երբոր քո դատաստանները հասնում են երկրին, աշխարհի բնակիչները արդարութիւն են սովորում։ 10 Ամբարշտին թ ողորմութիւն է լինում, բայց նա արդարութիւն չէ սովորում, ժ նա ուղղութեան երկրումը ծռութիւն է անում եւ չէ տեսնում Տիրոջ մեծափառութիւնը։ 11 Ով Տէր, նորանք քո ձեռքի բարձրութիւնը ի չեն տեսնում, կ’տեսնեն ամաչելով քո ժողովրդի վերայ ունեցած նախանձը, կրակն է սպառելու քո թշնամիներին։ 12 Ով Տէր, դու կ’հաստատես մեզ համար խաղաղութիւնը. Որովհետեւ մեր ամեն գործերն էլ դու գործեցիր մեզ համար։ 13 Ով Տէր մեր Աստուած, լ քեզանից ջոկ ուրիշ տէրեր տիրեցին մեզ վերայ, բայց միայն քեզանով պիտի յիշենք քո անունը։ 14 մեռածները չեն կենդանանալ, ուրուականները չեն կանգնիլ, այնպէս ես դու նորանց այցելել եւ փչացրել, եւ բնաջինջ ես արել նորանց բոլոր յիշատակը։ 15 Դու աւելացրիր այս ազգը, ով Տէր, դու աւելացրիր այս ազգը եւ փառաւորուեցար. Երկրի ամեն ծայրերը ընդարձակեցիր։ 16 Ով Տէր, խ նեղութեան մէջ քեզ որոնեցին, հառաչանք թափեցին դու նորանց խրատելիս։ 17 Ինչպէս որ ծ յղին ծնելու մօտենալով երկունքի մէջ տանջվում եւ աղաղակում է, մենք էլ նոյնպէս ենք դառել քո առաջին, ով Տէր։ 18 Յղացանք, երկունք քաշեցինք, կարծես թէ քամի ծնեցինք, մենք փրկութիւն չ’գործեցինք երկրի համար, եւ կ աշխարհի բնակիչները չ’ընկան։ 19 հ Քո մեռելները պիտի կենդանանան, իմ մեռելների դիակները պիտի կանգնեն. ձ վեր կացէք եւ ցնծացէք, ով հողի բնակիչներ, որովհետեւ լոյսերի ցօղ է քո ցօղը. Քո երկիրը դուրս պիտի գցէ ուրուականներին։
20 Գնա, ով իմ ժողովուրդ, ղ մտիր քո սենեակները, եւ գոցիր քո դռները ետեւիցդ. Ծածկուիր ճ մի փոքրիկ վայրկեան, մինչեւ որ բարկութիւնն անցնէ։ 21 Որովհետեւ ահա Տէրը մ դուրս է գալիս իր տեղիցը, որ երկրի բնակիչներին այցելէ նորանց անօրէնութեան մասին, եւ երկիրը պիտի յայտնէ իր ընդունած արիւնները եւ պիտի չ’ծածկէ այլ եւս իր սպանուածներին։
Եսայիա 26
