1 Վայ ա Արիէլին, Արիէլին, բ Դաւիթի բանակ տուած քաղաքին, աւելացրէք տարին տարուայ վերայ, տօները թող պտոյտ տան. 2 Եւ ես պիտի նեղացնեմ Արիէլին, եւ պիտի լինի հառաչել եւ հառաչանք, եւ նա կ’լինի ինձ համար Արիէլի պէս։ 3 Եւ բանակ պիտի տամ շրջանի պէս քեզ վերայ, եւ քեզ պիտի նեղեմ պատնէշներով, եւ քեզ դէմ պիտի հողաբլուրներ կանգնեցնեմ։ 4 Եւ պիտի ցածանաս՝ հողիցը խօսես, եւ պիտի փոշիիցը մնչես քո խօսքերը, եւ գ վհուկի պէս՝ տափիցն է դուրս գալու քո ձայնը, եւ փոշիիցը պիտի ճվճվաս քո խօսքերը։
5 Եւ մանր փոշիի պէս պիտի լինի դ քո օտարականների բազմութիւնը, եւ ե անցնող մղեղի պէս՝ բռնաւորների բազմութիւնը. Եւ զ յանկարծակի մէկ վայրկեանի մէջ կ’լինի։ 6 է Զօրաց Տիրոջ կողմանէ այցելութիւն է լինելու որոտմունքով, գետնաշարժով, եւ մեծ ձայնով, մրրիկով, ու փոթորիկով, եւ մաշող կրակի բոցով։ 7 Եւ ը գիշերուայ տեսիլքի երազին պէս են լինելու թ Արիէլի վերայ պատերազմի եկող բոլոր ազգերի բազմութիւնը, եւ բոլոր նորա եւ նորա բերդի վերայ յարձակողները եւ նորա նեղիչները։ 8 ժ Եւ կ’լինի, ինչպէս որ սովածը երազ է տեսնում, թէ ուտում է, եւ վեր է կենում տեսնում, որ փորը դարտակ է, եւ ինչպէս որ ծարաւն է երազ տեսնում, թէ խմում է, եւ զարթնում է տեսնում, թէ նուաղած է եւ սիրտը պապակվում է, այսպէս է լինելու բոլոր ազգերի բազմութիւնը, որ պատերազմի են դուրս գալիս Սիօն սարի դէմ։ 9 Ապշեցէք եւ զարմացէք, շլացրէք ձեզ եւ շլացէք. ի նորանք արբած են, բայց չէ թէ գինիով, նորանք դանդաչում են, լ բայց չէ թէ ցքիից։ 10 Որովհետեւ խ Տէրը ձեզ վերայ թմրութեան հոգի է թափել, եւ ծ կապել է ձեր աչքերը, մարգարէներին, եւ ձեր գլխաւորներին, որ տեսիլք էին տեսնում, քօղարկել է։ 11 Եւ ամեն մի բանի տեսիլքը պիտի լինի ձեզ համար կ կնքուած գրքի խօսքերին պէս, որ կ’տան գրագէտին եւ կ’ասեն. Մէկ կարդա այս. Եւ հ նա կ’ասէ. Չեմ կարող որովհետեւ կնքուած է։ 12 Եւ կամ կ’տան այն գիրքը մէկ անգրագէտի ասելով. Մէկ կարդա այս. Եւ նա կ’ասէ. Ես կարդալ չ’գիտեմ։ 13 Եւ Տէրն ասում է. ձ Որովհետեւ այս ժողովուրդը իր բերանովն է մօտենում եւ իր շրթունքներովն են ինձ պատւում, իսկ նորանց սիրտը հեռու է ինձանից, եւ նորանց ինձ պատուելը ղ մարդկանց սովորեցրած պատուէր է. 14 ճ Դորա համար ահա ես այսուհետեւ զարմանալի բաներ եմ անելու այս ժողովրդի հետ՝ զարմանալիք եւ զարմանք. Եւ պիտի փչանայ նորանց մ իմաստունների իմաստութիւնը, եւ հանճարեղների հանճարը պիտի խափանուի։ 15 յ Վա՜յ նորանց, որ խորհուրդը խոր տեղերում ծածկում են Տէրիցը, եւ խաւարում է լինում նորանց գործքը, եւ ն ասում են. Ո՞վ է մեզ տեսնում, եւ ո՞վ է մեզ իմանում։ 16 Ո՜հ ձեր խոտորնակութեանը. Մի՞թէ կաւի պէս կ’համարուի բրուտը, շ որ շէնքը ասէ իր շինողին՝ Նա ինձ չէ շինել. Եւ արարածն ասէ իր արարչին թէ Նա չէ հասկանում։ 17 Ահա մի փոքր քիչ ժամանակից յետոյ ո Լիբանանը կ’դառնայ պտղաբեր արտ, եւ պտղաբեր արտը անտառ պիտի համարուի։ 18 Եւ չ այն օրը կ’լսեն գրքի խօսքերը, եւ մէգիցն ու խաւարիցը կ’տեսնեն կոյրերի աչքերը։ 19 Եւ պ խեղճերը ուրախութիւն պիտի աւելացնեն Տէրով, եւ ջ չքաւոր մարդիկը պիտի զուարճանան Իսրայէլի Սուրբովը։ 20 Որովհետեւ բռնաւորը պիտի չքանայ, եւ ռ ծաղրողը՝ վերջանայ, եւ պիտի ս փչանան բոլոր չարութիւն խորհողները. 21 Նորանք որ մարդիս դատի մէջ յանցաւոր են շինում, եւ վ դատարանում յանդիմանողին որոգայթ են դնում, եւ դարտակ բանով վայր են գցում արդարին։ 22 Սորա համար Տէրը, տ նա որ փրկեց Աբրահամին, այսպէս է ասում Յակոբի տան մասին. Այլ եւս պիտի չ’ամաչէ Յակոբը, եւ նորա երեսը պիտի չ’սպրտնի։ 23 Որովհետեւ նա՝ նորա որդիքը ր իմ ձեռքի գործը իրանց մէջ տեսնելիս փառաւորելու են իմ անունը, եւ փառաւորելու են Յակոբի Սուրբին, եւ Իսրայէլի Աստուածանից սարսելու են։ 24 Եւ ց հոգով մոլորուածներն իմաստութիւն են հասկանալու, եւ տրտնջողները խրատ են սովորելու։
Եսայիա 29
