1 Վա՜յ նորանց, ա որ իջնում են Եգիպտոս օգնութեան համար, եւ բ ձիերի են ապաւինում եւ կառքերի վստահում, որ շատ են. Եւ ձիաւորների, որ խիստ զօրաւոր են. Եւ չեն ապաւինում Իսրայէլի Սուրբին, եւ գ Տիրոջը չեն խնդրում։ 2 Բայց նա էլ իմաստուն է, եւ չարիք է բերում, եւ դ իր խօսքերը դէն չէ գցում. Եւ վեր է կենում չարերի տան վերայ եւ անօրէնութիւն գործողների օգնութեան դէմ։ 3 Եւ Եգիպտացիք ե մարդ են, եւ ոչ թէ Աստուած. Եւ նորանց ձիանքը մարմին են եւ ոչ թէ հոգի. Բայց Տէրը կ’մեկնէ իր ձեռքը, կ’սահէ օգնողը ու վայր կ’ընկնի օգնուողը, եւ ամենքը միասին կ’փչանան։ 4 Որովհետեւ այսպէս է ասում ինձ Տէրը. զ Ինչպէս մռնչում է առիւծը եւ կորիւնը՝ իր որսի համար, որի դէմ մէկտեղ կ’կանչուին հովիւների մի մեծ բազմութիւն, որ նա նորանց ձայնիցը չի զարհուրիլ, եւ նորանց աղմուկիցը չի ընկճուիլ. է նոյնպէս էլ իջնելու է Զօրաց Տէրը պատերազմելու՝ Սիօն սարի եւ նորա բլուրի համար։ 5 ը Թռթռացող թռչնիկների պէս ծածկելու է Զօրաց Տէրը Երուսաղէմին, թ պաշտպանելով եւ փրկելով, խնայելով, եւ ազատելով։
6 Ետ դարձէք դէպի նորան, որից Իսրայէլի որդիքը ժ շատ խոր ապստամբուեցին։ 7 Որովհետեւ այն օրը պիտի ամեն մարդ ի զզուի իր արծաթի կուռքիցը եւ իր ոսկի կուռքիցը, որոնք ձեր ձեռքերը շինեցին ձեզ համար լ մեղք անելով։ 8 Եւ խ վայր է ընկնելու Ասորեստանը ոչ թէ մարդի սրով, եւ մի սուր՝ որ մարդինը չէ՝ ուտելու է նորան. Եւ նա փախչելու է սուրի առաջիցը, եւ նորա երիտասարդները հարկատու են լինելու։ 9 ծ Նորա վէմը վախից պիտի անցնէ, եւ նորա իշխանները պիտի զարհուրեն դրօշակիցը, ասում է Տէրը, որի լոյսը Սիօնումն է, եւ որի հնոցը՝ Երուսաղէմումը։
Եսայիա 31