1 Բէլը ա խոնարհուեցաւ, Նեբովը խորտակուեցաւ, նորանց կուռքերը գազաններին ու անասուններինն են. Ձեր կրածները բեռներ են դառել, բ ծանրոցք՝ վաստակածների համար։ 2 Խորտակուել խոնարհուել են միասին, չ’կարողացան ծանրոցն ազատել, գ իրանք էլ գերի գնացին։
3 Ինձ լսեցէք, ով Յակոբի տուն, եւ Իսրայէլի տան բոլոր մնացորդը, որ դ բեռնուած էիք մօր արգանդից ի վեր, եւ տարվում էք որովայնից հետէ։ 4 Եւ մինչեւ ծերանալն էլ ե ես եմ, եւ մինչեւ ալեւորութիւնը պիտի կրեմ ձեզ, ես ստեղծեցի եւ ես պիտի կրեմ, եւ զ ես պիտի վեր առնեմ եւ ազատեմ։
5 է Ո՞ւմ էք նմանեցնում ինձ եւ հաւասարեցնում, եւ ինձ նմա՞ն անում, որ նման լինենք։ 6 ը Ոսկին թափում են քսակիցը, եւ արծաթը կշռով կշռում, վարձում են ոսկերիչ, որ նորան աստուած շինէ, յետոյ պաշտում եւ երկրպագում էլ են։ 7 թ Նորան կրում են ուսի վերայ եւ բեռնում, եւ պնդացնում են իր տեղը, եւ նա կանգնում է, իր տեղիցը չէ շարժում. ժ Նորան աղաղակում էլ է, բայց նա չէ պատասխանում. Նորա նեղութիւնիցը նորան չէ ազատում։
8 ի Յիշեցէք այս, եւ արիացէք, ձեր միտքը բերէք, ով յանցաւորներ։ 9 լ Յիշեցէք առաջինները ’ի յաւիտենից, որովհետեւ ես եմ Աստուած, եւ խ ուրիշը չ’կայ աստուած. Եւ ինձ պէս մի ջոկը չ’կայ. 10 ծ Որ պատմում եմ առաջուց վերջինը, եւ վաղուց՝ այն որ չէ եղած. Որ ասում եմ, թէ կ իմ խորհուրդը պիտի հաստատուի, եւ անում եմ իմ բոլոր ուզածը. 11 Որ կանչում եմ հ արեւելքից գիշատիչ թռչունը հեռու երկրից ձ իմ խորհրդի մարդին. Ես ղ խօսել եմ, կատարելու էլ եմ, ես որոշել եմ, անելու էլ եմ։ 12 Ինձ լսեցէք, ով խստասիրտներ, որ ճ հեռացած էք արդարութիւնիցը. 13 մ Ես մօտեցրել եմ իմ արդարութիւնը, նա չէ հեռանալու, եւ իմ փրկութիւնը յ չէ ուշանալու. Եւ ն Սիօնի մէջ փրկութիւն եմ տալու Իսրայէլի համար, որ իմ փառքն է։
Եսայիա 46