1 ա Իջիր ու բ նստիր հողի վերայ, ով Բաբիլոնի կոյս աղջիկ, տափին նստիր առանց աթոռի, ով Քաղդէացիների աղջիկ, որովհետեւ այլ եւս քեզ քնքուշ եւ փափուկ չեն կոչելու։ 2 գ Առ երկանքը եւ ալիւր աղա, լաչակդ բաց, քղանցքդ վեր բարձրացրու, սրունքդ բաց արա, անցիր գետերով։ 3 դ Պիտի բացուի քո մերկութիւնը, պիտի երեւայ քո նախատինքը. ե վրէժ պիտի առնեմ, եւ չեմ խնայելու մարդի։ 4 զ Մեր Փրկչի անունը Զօրաց Տէր է, Իսրայէլի Սուրբը։ 5 Լուռ նստիր եւ մտիր խաւարի մէջ, ով Քաղդէացիների աղջիկ. է որովհետեւ այլ եւս քեզ թագաւորութիւնների տիկին չեն կոչելու։ 6 ը Ես բարկացած էի իմ ժողովրդի վերայ, թ պղծեցի իմ ժառանգութիւնը, եւ նորանց յանձնեցի քո ձեռքը. Դու նորանց գթութիւն չ’արիր, ժ ծերի վերայ շատ ծանրացրիր քո լուծը։ 7 Եւ ասեցիր՝ ի Ես յաւիտեան տիկին պիտի լինեմ. Այնպէս որ լ այս միտք չ’արիր, խ սորա վախճանը չ’յիշեցիր։ 8 Եւ հիմա լսիր այս, ով հեշտասէրդ, որ անհոգութեամբ նստել ես. Որ սրտիդ մէջ ասում ես. ծ Ես եմ, եւ ինձանից ջոկ մէկը չ’կայ. կ որբեւայրի պիտի չ’նստեմ, եւ անզաւակութիւն պիտի չ’գիտենամ։ 9 հ Բայց քեզ վերայ գալու են այս երկուսը ձ յանկարծ մէկ օրուայ մէջ՝ անզաւակութիւն եւ որբեւայրութիւն. Սորանք բոլորը գալու են քեզ վերայ ղ քո շատ դիւթութիւնների պատճառով, եւ քո խիստ շատացած կախարդութիւնների համար։ 10 Եւ ճ դու ապաւինեցիր քո չարութեանը, մ ասեցիր՝ Ինձ տեսնող չ’կայ, քո իմաստութիւնը եւ քո գիտութիւնն են քեզ մոլորեցնողը. յ բայց դու ասում ես քո սրտումը. Ես եմ, եւ ինձանից ջոկ մէկը չ’կայ։ 11 Եւ քեզ վերայ չարիք է գալիս, որ չես հասկանալու դիւթել. Եւ քեզ վերայ մի թշուառութիւն է ընկնելու, որ չես կարողանալու քաւել. Եւ ն քեզ վերայ յանկարծ մի աւերում է գալու առանց քո գիտենալու։ 12 Մէկ կանգնիր քո կախարդութիւններովը եւ քո շատ դիւթութիւններովը, որոնցով վաստակել ես քո մանկութիւնից ի վեր. Գուցէ կարողանաս օգուտ բերել, գուցէ վախեցնես։ 13 Դու ձանձրացել ես շ քո խորհուրդների շատութիւնովը, թող մէկ կանգնեն եւ քեզ փրկեն ո երկինքը զննողները, աստեղագէտները, նոր լուսինով գուշակողները այն բանիցը, որ գալու է քեզ վերայ։ 14 Ահա չ նորանք մղեղի պէս են դառել. Կրակը պիտի այրէ նորանց, իրանց հոգին չեն ազատելու բոցի ձեռքիցը, մի կայծ չէ լինելու տաքանալու համար, կամ մի կրակ՝ առաջին նստելու համար։ 15 Այսպէս պէտք է լինեն քեզ համար նորանք, որոնցով դու վաստակել ես, նորանք՝ որոնց հետ դու վաճառականութիւն արիր քո մանկութիւնից ի վեր. Իւրաքանչիւրն իր ճանապարհովը մոլորուեցաւ գնաց, քեզ ազատող չ’կայ։
Եսայիա 47