1 Լսեցէք այս, ով Յակոբի տուն, որ Իսրայէլի անունովը կոչուած էք, որ ա Յուդայի ջրերիցն էք դուրս եկել, որ բ երդում էք անում Եհովայի անունովը եւ Իսրայէլի Աստուծուն յիշում, գ բայց ոչ թէ ճշմարտութիւնով եւ ոչ թէ արդարութիւնով։ 2 Որովհետեւ նորանք դ սուրբ քաղաքիցն են կոչվում, եւ ե Իսրայէլի Աստուծոյ վերայ են կռնում, որի անունը Զօրաց Տէր է։ 3 զ Առաջի բաները վաղուց եմ իմացրել, եւ իմ բերանիցը դուրս եկան, եւ ես նորանց իմացրի. Ես յանկարծ կատարեցի, եւ է նորանք եղան։ 4 Որովհետեւ գիտէի, որ դու պինդ ես, եւ ը քո շլինքը երկաթի ջիղերից է, եւ քո ճակատը պղնձից է. 5 թ Նորա համար վաղուց քեզ պատմեցի, եւ գալուց առաջ քեզ լուր տուի, մի գուցէ ասես՝ Իմ արձանս արաւ սորանց. Եւ իմ քանդակած ու ձուլած կուռքս է հրամայել այն։ 6 Դու լսեցիր, մտիկ արա ամենին. Եւ դուք չէ՞իք խոստովանելու. Քեզ այսուհետեւ նորանոր բաներ եմ լուր տալու եւ ծածուկ բաներ, որոնք դու չ’գիտէիր։ 7 Հիմա են նորանք ստեղծագործուել եւ ոչ թէ վաղուց, եւ այս օրից առաջ դու նորանց չես լսել, որպէս զի չ’ասես թէ Ահա ես գիտէի նորանց։ 8 Դու ոչ լսել ես, եւ ոչ էլ գիտէիր, եւ ոչ էլ ականջդ բաց էր վաղուց. Որովհետեւ ես գիտէի, որ դու խիստ նենգաւոր ես, եւ ժ որովայնիցը քեզ ապստամբ են կոչում։ 9 ի Իմ անուան համար լ ուշացնում եմ իմ բարկութիւնը, եւ իմ փառքի համար ինձ պիտի ետ պահեմ քեզ դէմ, որպէս զի քեզ չ’փչացնեմ։ 10 խ Ահա ես քեզ մաքրեցի, եւ ոչ թէ ծ արծաթի կերպով, ես քեզ փորձեցի նեղութեան հալոցում։ 11 կ Իմ պատճառով, իմ պատճառով պիտի անեմ, հ որովհետեւ ի՜նչպէս պղծվում է իմ անունը. Եւ ձ ես իմ փառքը ուրիշին չեմ տալ։ 12 Լսիր ինձ, ով Յակոբ եւ իմ կանչած Իսրայէլ, ղ ես նոյնն եմ, ճ ես առաջինն եմ, հէնց վերջինն էլ ես եմ։ 13 մ Հէնց իմ ձեռքն է հիմնել երկիրը, եւ իմ աջ ձեռքը տարածել երկինքը. յ ես նորանց կանչելիս, մէկտեղ կ’կանգնեն. 14 ն Ամենքդ ժողովուեցէք ու լսեցէք. Նորանցից ո՞րն է իմացրել այս բանը. շ Եհովայի սիրածը պիտի կատարէ նորա կամքը ո Բաբիլոնում, եւ նորա բազուկը Քաղդէացիների վերայ։ 15 Ես՝ ես եմ խօսել, եւ չ նորան կանչել էլ, ես նորան բերել եմ, եւ նորա ճանապարհը պիտի յաջողուի։ 16 Մօտեցէք ինձ, լսեցէք այս բանը. Ես պ ծածուկ չեմ խօսել առաջուց. Սա լինելու ժամանակից ’ի վեր ես այնտեղ եմ, եւ հիմա ջ Եհովայ Տէրն է ինձ ուղարկել, եւ նորա հոգին։ 17 Այսպէս է ասում Տէրը, ռ քո Փրկիչը Իսրայէլի Սուրբը. Ես եմ քո Աստուածը, որ քեզ սովորեցնում եմ օգտակար եղողը, որ ս քեզ առաջնորդում եմ քո գնալու ճանապարհումը։ 18 վ Երանի թէ ուշադրութիւն անէիր իմ պատուէրներին, այն ժամանակ տ գետի պէս պիտի լինէր քո խաղաղութիւնը, եւ քո արդարութիւնը՝ ծովի ալիքներին պէս. 19 ր Եւ աւազի նման կ’լինէր քո սերունդը, եւ քո երանքի զաւակունքը՝ նորա խիճին չափ, նորա անունը իմ առաջից չէր կտրուիլ եւ չէր փչանալ։
20 ց Դուրս եկէք Բաբիլոնից, փախէք Քաղդէացիներիցը, ցնծալի ձայնով պատմեցէք հրատակարեցէք այս, հռչակեցէք այս մինչեւ երկրի ծայրը. Ասեցէք, Եհովան փրկել է ւ իր ծառայ Յակոբին։ 21 Եւ փ նորանք չ’ծարաւեցին՝ նա նորանց անապատներում ման ածելիս, ք ջուրը վէմիցը հոսեցրեց նորանց համար, եւ պատառեց վէմը, եւ ջուրերը բղխեցին։ 22 օ Խաղաղութիւն չ’ունին ամբարիշտները, ասում է Տէրը։
Եսայիա 48