1 Ով ա բոլոր ծարաւներ, եկէք ջրերին մօտ. Եւ դուք որ փող չ’ունիք, բ եկէք, ծախու առէք եւ կերէք, եկէք առէք առանց փողի, առանց վճարի՝ գինի եւ կաթ։ 2 Ի՞նչու էք փող վճարում, եւ ոչ թէ հացի համար, եւ ձեր վաստակը՝ չ’կշտացնող բանի համար։ մէկ ինձ լսեցէք, որ բարիք ուտէք, եւ ձեր հոգին զուարճանայ պարարտութիւնով։ 3 Ձեր ականջը խոնարհեցրէք, եւ գ ինձ մօտ եկէք, լսեցէք եւ ձեր հոգին կ’ապրէ. Եւ դ ձեզ հետ յաւիտենական ուխտ պիտի դնեմ՝ ե Դաւիթի հաւատարիմ ողորմութիւնները։ 4 Ահա զ ես նորան ժողովուրդների վկայ եմ դրել, է ազգերի առաջնորդ եւ հրամանատար։ 5 Ահա ը չ’ճանաչած ազգիդ պիտի կանչես, եւ թ ազգեր որ քեզ չէին ճանաչում, վազելու են քեզ մօտ, քո Աստուած՝ Եհովայի պատճառով, եւ Իսրայէլի Սուրբի պատճառով, ժ որ քեզ փառաւորեց։
6 ի Խնդրեցէք Տիրոջը, քանի որ նա գտնվում է. Նորան կանչեցէք, քանի որ նա մօտ է։ 7 լ Ամբարիշտը թողէ իր ճանապարհը, եւ խ անօրէն մարդը՝ իր խորհուրդները, եւ դառնայ Տիրոջը, եւ ծ նա կ’ողորմէ նորան, եւ՝ մեր Աստուծուն, որովհետեւ նա շատ ներող է։ 8 կ Որովհետեւ իմ խորհուրդները ձեր խորհուրդները չեն, եւ ձեր ճանապարհները իմ ճանապարհները չեն, ասում է Տէրը. 9 հ Այլ ինչպէս որ բարձր է երկինքը երկրից, նոյնպէս էլ բարձր են իմ ճանապարհները ձեր ճանապարհներիցը եւ իմ խորհուրդները ձեր խորհուրդներիցը։ 10 Որովհետեւ ձ ինչպէս որ իջնում է անձրեւը եւ ձիւնը երկնքից եւ ետ չէ դառնում այնտեղ, այլ ոռոգում է երկիրը եւ նորան արգասաւոր անում եւ բողբոջեցնում նորան, եւ տալիս է սերմ սերմնացանին եւ հաց՝ ուտողին, 11 ղ Այնպէս էլ պիտի լինի իմ բերանից դուրս եկած խօսքը, նա պիտի պարապ ետ չ’դառնայ ինձ մօտ, այլ կատարէ իմ ուզածը, եւ յաջողուի նորանում, ինչի համար որ ես նորան ուղարկեցի։ 12 ճ Որովհետեւ դուք ուրախութեամբ պիտի դուրս գաք, եւ խաղաղութեամբ պիտի առաջնորդուիք, սարերն ու բլուրները մ պիտի բարձրաձայն ցնծան ձեր առաջին, եւ յ դաշտերի բոլոր ծառերը պիտի ծափ տան։ 13 ն Թուփի փոխարէն մայր պիտի բուսնի, դժնիկի փոխարէն մրտենի պիտի բուսնի. Եւ սա պիտի լինի Տիրոջ շ համբաւի համար իբրեւ յաւիտենական նշան, որ չի ջնջուիլ։
Եսայիա 55
