1 Այսպէս է ասում Տէրը, իրաւունք պահեցէք, եւ արդարութիւն արէք. ա որովհետեւ իմ փրկութիւնը մօտ է որ գայ, եւ իմ արդարութիւնը՝ որ յայտնուի։ 2 Երանի այն մարդին, որ կ’անէ այս, եւ այն մարդի որդիին, որ պինդ կ’բռնէ այս, եւ բ շաբաթը կ’պահէ պղծելուց, եւ իր ձեռքը կ’պահէ որ եւ իցէ չարութիւն անելուց։
3 Եւ թող չ’ասէ գ Տիրոջը յարող օտարականի որդին այսպէս թէ Տէրը ինձ բոլորովին բաժանել է իր ժողովրդիցը, եւ թող չ’ասէ ներքինին. Ահա ես մի չոր ծառ եմ։ 4 Որովհետեւ Տէրը այսպէս է ասում այն ներքինիներին, որոնք պահում են իմ շաբաթները, եւ ընտրում են իմ ուզածը, եւ հաստատ են իմ ուխտումը. 5 Ես նորանց տեղ եւ դ անուն պիտի տամ ե իմ տանն ու իմ պարիսպներումը, աւելի լաւ քան թէ որդիք եւ աղջկերք. Եւ նորանց մի յաւիտենական անուն կ’տամ, որ չի ջնջուիլ։ 6 Եւ այն օտարականների որդիքը, որ յարել են Տիրոջը, նորան ծառայելու են Տիրոջ անունը սիրելու, եւ նորա ծառաները լինելու համար, այսինքն բոլոր իմ շաբաթը պղծելուց պահողները եւ իմ ուխտը բռնողները, 7 Նորանց էլ պիտի բերեմ զ իմ սուրբ սարը, եւ նորանց ուրախացնեմ իմ աղօթքի տան մէջ. է նորանց ողջակէզներն ու զոհերը ընդունելի պիտի լինեն իմ սեղանի վերայ, որովհետեւ ը իմ տունը աղօթքի տուն պիտի կոչուի թ բոլոր ազգերի համար։ 8 Տէր Եհովայի խօսքն է, ժ որ ժողովում է Իսրայէլի աքսորուածներին. ի Դեռ էլ պիտի ժողովեմ բացի նորանից նորա ժողովուածների վերայ։
9 լ Ով դաշտի բոլոր գազաններ, եկէք ուտելու, ով անտառի բոլոր գազաններ։ 10 Նորա պահապանները բոլորը խ կոյր են, չ’գիտեն, նորանք ծ ամենքը համր շուներ են, որ կարող չեն հաջել, տեսանողները քնում են, սիրում են մրափելը. 11 Եւ նորանք կ շատակեր շուներ են, ու հ կշտանալ չ’գիտեն. Եւ նորանք հովիւներ են, որ չ’գիտեն բան հասկանալը. Նորանք ամենքը իրանց ճանապարհին դարձան, ամեն մէկն իր շահի ետեւից իր մասին. 12 Եկէք, գինի բերեմ, եւ արբենք ցքիով. Եւ ձ էգուցուայ օրն էլ այսպէս լինի, եւ շատ առաւել մեծ։
Եսայիա 56