1 ա Տէր Եհովայի հոգին ինձ վերայ է, ըստ որում Տէրը բ օծել է ինձ. Նա ուղարկել է ինձ աղքատներին աւետիք տալու, գ կոտրած սիրտ ունեցողներին բժշկելու, դ գերիներին ազատութիւն հրատարակելու եւ կապեալներին՝ արձակում. 2 ե Տիրոջ համար հրատարակելու ընդունելի տարին, եւ զ վրէժխնդրութեան օրը՝ մեր Աստուծոյ համար. է բոլոր սգաւորներին մխիթարելու համար. 3 Սիօնի սգաւորների համար որոշելու, որ ը նորանց փառք տրուի մոխրի տեղ, ուրախութեան իւղ՝ սուգի տեղ, գովութեան պատմուճան՝ հանգուած սրտի տեղ. Եւ նորանց պիտի կոչեն արդարութեան բեւեկնիներ, որ թ Տէրը տնկել է ժ իր փառաւորութեան համար։ 4 Եւ նորանք պիտի ի շինեն այն աւերակները որ ի վաղուց կան, առաջի փլատակները պիտի կանգնեցնեն, եւ պիտի նորոգեն աւերման քաղաքները, դարէ ցդար ամայի մնացած տեղերը։ 5 Եւ լ օտարականները պիտի կանգնեն եւ ձեր հօտերը հովուեն. Եւ օտարների որդիքը ձեր երկրագործներն ու այգեգործները պիտի լինեն։ 6 Եւ խ դուք պիտի Տիրոջ քահանաները կոչուիք, «Մեր Աստուծոյ պաշտօնեաներ» են ասելու ձեզ. ծ ազգերի հարստութիւնը պիտի ուտէք, եւ նորանց փառքովը պանծաք։ 7 կ Ձեր ամօթի փոխարէն կրկնապատիկ ուրախութիւն, եւ անարգանքի փոխարէն պիտի ցնծան իրանց բաժնի վերայ, սորա համար կրկնապատիկը պիտի ժառանգեն իրանց երկրումը, յաւիտենական ուրախութիւն են ունենալու նորանք։ 8 Որովհետեւ հ ես Տէրս սիրում եմ իրաւունքը, ձ ատում եմ անիրաւութիւնն եւ յափշտակութիւնը, եւ պիտի տամ նորանց գործերի վարձքը հաւատարմութիւնով, եւ ղ նորանց հետ յաւիտենական ուխտ պիտի դնեմ։ 9 Եւ պիտի ճանաչուին ազգերի մէջ նորանց սերունդը, եւ նորանց զաւակունքը ժողովուրդների մէջ. Բոլոր նորանց տեսնողները պիտի գիտենան թէ ճ նորանք Տիրոջ օրհնած սերունդն են։
10 մ Ես ուրախութեամբ պիտի ուրախանամ Տէրովը, իմ անձը պիտի խնդայ իմ Աստուծովը. Որովհետեւ նա յ ինձ փրկութեան հանդերձներ հագցրեց, արդարութեան պատմուճանը գցեց ինձ վերայ. Ինչպէս մի փեսայ, որ դնում է իր խոյրը, եւ ն մի հարսի պէս՝ որ զարդարվում է իր զարդերովը։ 11 Որովհետեւ ինչպէս որ երկիրը բուսցնում է իր տունկը, եւ ինչպէս որ պարտէզը ծլիլ է տալիս իր մէջ սերմուածը, այսպէս էլ Տէր Եհովան բուսցնելու է շ արդարութիւնը եւ ո օրհնաբանութիւնը բոլոր ազգերի առաջին։
Եսայիա 61