1 Ահա ա դու գեղեցիկ ես, ով ընկերուհիս, գեղեցի՜կ. Աչքերդ աղաւնիի աչքերի նման են ծամերիդ ետեւիցը. Մազերդ Գաղաադի սարումը պառկող բ այծերի հօտին են նման։
2 գ Ատամներդ լուացարանից դուրս եկող խուզած հօտի նման են. Որոնք ամենքը երկուորեակ ծնողներ են, եւ ամուլը չ’կայ նորանց մէջ։
3 Որդան կարմրի թելի նման են քո շրթունքները, եւ բերանդ վայելուչ է. Կիսած նռնի նման՝ դ այտերդ ծամերիդ տակին։
4 ե Պարանոցդ նման է Դաւիթի աշտարակին՝ զ զինարանի համար շինուած. Ուր հազար ասպար կան կախուած, բոլորն էլ քաջազունների վահաններ։
5 է Զոյգ ստինքդ նման է մի զոյգ ուլերի, երկուորեակ այծեամի, որ տարածում են շուշանների մէջ։
6 ը Քանի որ փչում է օրուայ քամին, եւ փախչում են նորա ստուերները, գնամ ես զմուռսի սարովը եւ կնդրուկի բլուրովը։
7 թ Բոլորովին գեղեցիկ ես, ով ընկերուհիս. Եւ քեզ վերայ չ’կայ մի արատ։
8 Արի ինձ հետ Լիբանանիցը, ով հարս, ինձ հետ Լիբանանիցը. Մտիկ տուր Ամանայի գագաթից, Սանիրի եւ ժ Հերմոնի գագաթից. Առիւծների բանակատեղից, ինձերի սարերիցը։
9 Սիրտս յափշտակել ես, ով իմ քոյր հարս. Սիրտս յափշտակել ես նայուածքներիդ մէկովը, պարանոցիդ մանեակների մէկովը։
10 Ի՜նչ գեղեցիկ է քո սէրը, ով իմ քոյր հարս, ի ինչ լաւ է քո սէրը գինիից, եւ քո իւղերի բուրմունքը՝ ամեն խունկերից։
11 Մեղրախորիսխ է կաթում շրթունքներիցդ, ով հարս. լ մեղր ու կաթ կայ լեզուիդ տակին. Եւ հանդերձներիդ հոտը խ Լիբանանի հոտին նման է։
12 Փակուած այգի է իմ քոյր հարսը, փակուած ակն է, կնքուած աղբիւր է։
13 Քո ոստերը նռնենիների դրախտ է պատուական պտուղներով, ծ հինաներով ու նարդոսներով.
14 Նարդոս եւ քրքում, եղէգն ու կինամոն, ամեն խնկաբեր ծառով, զմուռսով եւ հալուէով, բոլոր գլխաւոր բուրմունքներով.
15 Պարտէզների աղբիւր, կ կենդանի ջրի ջրհոր, եւ Լիբանանից հոսած վտակներ։
16 Զարթնիր, ով հիւսիս, եւ եկ, ով հարաւ, փչիր իմ պարտէզին, թող փռուին նորա բուրմունքը։ հ Թող իմ սիրականը իր պարտէզը գայ, եւ ուտէ նորա պատուական պտուղները։
Երգ երգոց 4
