1 Ղեւտացի քահանաները՝ Ղեւիի բոլոր ցեղը ա Իսրայէլի հետ բաժին եւ ժառանգութիւն չ’ունենան. բ Եհովայի պատարագները եւ նորա ժառանգութիւնն ուտեն։ 2 Եւ իրանց եղբայրների մէջ ժառանգութիւն չ’ունենան. Նորանց ժառանգութիւնը Եհովան ինքն է, ինչպէս որ նորան ասեց։
3 Եւ այս լինի քահանաների իրաւունքը ժողովրդի կողմից եւ մատուցրած զոհերի կողմից, թէ արջառ լինի թէ ոչխար. Եւ քահանային տան երին, գ ծնօտները եւ քաղիրթը։ 4 դ Քո ցորենի, գինիի եւ իւղի երախայրիները, եւ նաեւ քո ոչխարների առաջին բուրդը նորան տաս. 5 Որովհետեւ ե քո Եհովայ Աստուածը քո բոլոր ցեղերումը նորան է ընտրել, որ զ կանգնէ Եհովայի անունովը ծառայութիւն անելու՝ ինքն եւ իր որդիքը ամեն ժամանակ։
6 Եւ երբոր մի Ղեւտացի քո դռների մէկից այսինքն բոլոր Իսրայէլի մէջ է իր պանդխտացած տեղիցը դուրս գայ, եւ ը իր սրտի բոլոր փափաքովը թ Եհովայի ընտրած տեղը գայ, 7 Այն ժամանակ իր Եհովայ Աստուծոյ անունովը ծառայութիւն անէ ժ իր բոլոր Ղեւտացի եղբայրների պէս, որ այնտեղ կանգնել են Եհովայի առաջում. 8 ի Բաժինը իրանց կերածի բաժինի չափ լինի բացի իր հայրենական ստացուածքը ծախելուց։
9 Երբոր քո Եհովայ Աստուծոյ քեզ տուած երկիրը մտնես, լ այն ազգերի գարշելի գործքերի պէս անել չ’սովորես։ 10 Ձեր մէջ չ’գտնուի իր տղային կամ աղջկան խ կրակից անցկացնող, ծ դիւթութիւն դիւթող, կ գուշակող եւ հ հմայող եւ կամ ձ հաւահարց, 11 ղ Նաեւ կախարդ, կամ վհուկ, կամ նշանագէտ, կամ ճ մեռելահարցուկ. 12 Որովհետեւ մ բոլոր այս բաներն անողը Եհովայի առաջին գարշելի է. Եւ այս գարշելի բաների պատճառով քո Եհովայ Աստուածը հալածում է նորանց քո առաջիցը։ 13 Քո Եհովայ Աստուծոյ հետ յ կատարեալ լինես. 14 Որովհետեւ այն ազգերը, որոնց դու կ’տիրես, գուշակների եւ դիւթիչների էին լսում. Բայց քեզ քո Եհովայ Աստուածը այսպէս անելու հրաման չէ տալիս։
15 ն Քո Եհովայ Աստուածը քո միջիցը քո եղբայրներիցը ինձ պէս մի մարգարէ վեր կ’կացնէ քեզ համար. Նորան լսեցէք. 16 Բոլորովին այնպէս ինչպէս որ Քորեբումը շ ժողովքի օրը քո Եհովայ Աստուածանից խնդրեցիր, ասելով. ո Իմ Եհովայ Աստուծոյ ձայնը այլ եւս չ’լսեմ, եւ այս մեծ կրակը այլ եւս չ’տեսնեմ, որ չ’մեռնեմ։ 17 Եւ Եհովան ինձ ասեց. չ Լաւ է ինչ որ ասում են. 18 պ Քեզ պէս մի մարգարէ վեր կ’կացնեմ նորանց համար իրանց եղբայրների միջիցը, եւ ջ իմ խօսքերը նորա բերանումը կ’դնեմ. Եւ ռ նա կ’ասէ նորանց ինչ որ նորան պատուիրեմ։ 19 Եւ ս լինի՝ այն մարդը որ չ’լսէ իմ խօսքերին, որ նա իմ անունովը կ’խօսէ, ես այն մարդիցը կ’պահանջեմ։
20 Իսկ այն վ մարգարէն որ յանդգնէ իմ անունովը խօսք խօսել, այն բանը որ ես չեմ պատուիրել եւ կամ տ օտար աստուածների անունով մի բան խօսէ, այն մարգարէն պիտի մեռնէ։ 21 Եւ եթէ քո սրտի մէջ ասես, թէ Ի՞նչպէս գիտենանք այն խօսքը որ Եհովան չէ խօսել. 22 Եթէ ր այն մարգարէն Եհովայի անունովը մի բան ասէ, եւ այն բանը չ’կատարուի, ահա այն է Եհովայի չ’ասած խօսքը. Մարգարէն յանդգնութեամբ է խօսել այն. Նորանից չ’վախենաս։
Երկրորդ Օրինաց 18
