1 Խնդրեցէք ա Տէրից բ անձրեւ գ ետքի անձրեւի ժամանակին. Տէրը դ կայծակներ է շինում, եւ անձրեւ ու տարափ կ’տայ նորանց. Ամեն մէկին խոտ՝ իր ագարակումը։ 2 Որովհետեւ ե թերափիմները զ ունայնութիւն են խօսել, եւ գուշակողները սուտ են տեսել, եւ փուչ երազներ են խօսել, է դարտակ են մխիթարել. Սորա համար հօտի պէս պիտի չուեն, ը ճնշուելու են, որովհետեւ հովիւ չ’կայ։ 3 Հովիւների վերայ բորբոքուեցաւ իմ բարկութիւնը, եւ թ նոխազներին պիտի այցելեմ, որովհետեւ Զօրաց Տէրը այցելեց ժ իր հօտը՝ Յուդայի տունը, եւ նորանց շինեց ինչպէս ի իր փառաւոր երիվարը պատերազմի մէջ։ 4 Նորանից է անկիւնաքարը, նորանից է լ բեւեռը, նորանից է պատերազմի աղեղը, նորանից է դուրս գալիս ամեն զօրավար մէկտեղ։ 5 Եւ պիտի լինեն տղամարդկանց պէս, որ խ կոխ են տալիս պատերազմումը փողոցների ցեխի մէջ, եւ պիտի պատերազմեն, որովհետեւ Տէրը նորանց հետ է, եւ պիտի ամաչեն ձիանք հեծնողները։ 6 Եւ ես պիտի քաջացնեմ Յուդայի տունը, եւ փրկեմ Յովսէփի տունը, եւ ծ նորանց պիտի բնակեցնեմ, որովհետեւ կ նորանց ողորմել եմ. Եւ նորանք պիտի լինեն իբր թէ ես նորանց չէի մերժել, որովհետեւ ես եմ նորանց Տէր Աստուածը, եւ հ նորանց պիտի լսեմ։ 7 Եւ զօրաւորի պէս պիտի լինի Եփրեմը, եւ նորանց սիրտը պիտի ուրախանայ իբր թէ գինիով, եւ նորանց որդիքն էլ պիտի տեսնեն եւ ուրախանան. Նորանց ձ սիրտը պիտի ցնծայ Տէրովը։ 8 ղ Ես նորանց պիտի սուլեմ եւ նորանց ժողովեմ, որովհետեւ ես փրկել եմ նորանց, եւ ճ նորանք պիտի շատանան ինչպէս որ շատ էին։ 9 Թէեւ ես նորանց ցանեմ ազգերի մէջ, բայց նորանք մ հեռու տեղերում էլ պիտի յիշեն ինձ, եւ պիտի ապրեն իրանց որդկանց հետ եւ ետ դառնան։ 10 Եւ յ ես նորանց ետ պիտի դարձնեմ Եգիպտոսի երկրիցը, եւ Ասորեստանից պիտի ժողովեմ նորանց. Եւ նորանց պիտի բերեմ Գաղաադի երկիրը ու Լիբանանը, եւ ն տեղ չ’պիտի գտնուի նորանց համար։ 11 Եւ շ նա պիտի անց կենայ նեղութեան ծովովը, եւ պիտի զարկէ ծովումը ալիքներին, եւ պիտի չորանան գետի բոլոր խորութիւնները, եւ ո պիտի իջեցնուի Ասորեստանի հպարտութիւնը, եւ չ Եգիպտոսի գաւազանը պիտի հեռանայ։ 12 Եւ նորանց պիտի զօրացնեմ Տէրովը, եւ պ նորանք ման պիտի գան նորա անունովը, ասում է Տէրը։
Զաքարիա 10
