1 ա Եւ ցոյց տուաւ ինձ մի մաքուր գետ, կենդանի ջրի ակնվանու նման փայլուն, որ դուրս էր գալիս Աստուծոյ եւ Գառի աթոռից։ 2 բ Եւ նորա հրապարակի միջումը եւ գետի այս կողմին եւ այն կողմին գ կեանքի ծառ կար, որ տասնեւերկու կերպ պտուղ էր բերում. Ամեն մէկ ամիս տալիս էր իր պտուղը. դ եւ այն ծառի տերեւը բժշկում էր հեթանոսներին։ 3 ե Եւ այլ եւս նզովք բնաւ չի լինիլ. զ եւ Աստուծոյ եւ Գառի աթոռը նորանում կ’լինի. է եւ նորա ծառաները կ’պաշտեն նորան։ 4 Եւ նորա երեսը կ’տեսնեն, ը եւ նորա անունը նորանց ճակատների վերայ։ 5 թ Եւ գիշեր չի լինիլ այնտեղ, եւ ճրագի եւ արեգակի լոյս պէտք չէր նորանց. ժ որովհետեւ Տէր Աստուածը լուսաւորում է նորանց, ի եւ կ’թագաւորեն յաւիտեանս յաւիտենից։
6 Եւ ասեց ինձ. լ Այս խօսքերը հաւատարիմ եւ ճշմարիտ են. Եւ Տէրը՝ սուրբ մարգարէից Աստուածն խ իր հրեշտակն ուղարկեց որ իր ծառաներին ցոյց տայ այն որ շուտով պիտի լինի։ 7 ծ Ահա շուտով գալիս եմ. կ երանի նորան որ այս գրքի մարգարէութեան խօսքերը պահում է։
8 Եւ ես Յովհաննէսս՝ այս բաները լսող եւ տեսնողս, երբոր լսեցի եւ տեսայ, հ ընկայ որ երկրպագեմ այն հրեշտակի ոտների առաջին, որ այս բաները ցոյց էր տալիս ինձ։ 9 Եւ նա ինձ ասեց. ձ Զգուշացիր. Մի անիր. Որովհետեւ ես ծառայակից եմ քեզ եւ քո եղբայր մարգարէների եւ այս գրքի մարգարէութեան խօսքերը պահողների. Աստուծուն երկրպագիր։ 10 ղ Եւ ասեց ինձ. Մի կնքիր այս գրքի մարգարէութեան խօսքերը. ճ որովհետեւ ժամանակը մօտ է։ 11 մ Անիրաւութիւն գործողը թող էլ անիրաւանայ, եւ կեղտոտը թող էլ կեղտոտուի, եւ արդարը թող էլ արդարանայ, եւ սուրբը թող էլ սրբուի։ 12 յ Եւ ահա շուտով գալիս եմ ն եւ իմ վարձքն ինձ հետ, շ որ ամեն մէկին կ’հատուցանեմ ինչպէս իր գործը կ’լինի։ 13 ո Ես եմ Ալֆան եւ Օմեղան. Սկիզբը եւ վերջը, առաջինը եւ վերջինը։
14 չ Երանելի են նորա պատուիրանքները պահողները. պ որ նորանցը կ’լինի իշխանութիւնը կեանքի ծառի վերայ, եւ ջ քաղաքի դռնովը ներս կ’մտնեն։ 15 ռ Բայց դուրսն են ս շները եւ կախարդները եւ պոռնիկները եւ սպանողները եւ կռապաշտները. Եւ ամեն ստութիւն սիրողն ու գործողը։
16 վ Ես Յիսուսս իմ հրեշտակն ուղարկեցի, որ վկայէ ձեզ այս բաները եկեղեցիների մասին. տ ես եմ Դաւիթի արմատը եւ սերունդը ր եւ առաւօտեան պայծառ աստղը։ 17 Եւ Հոգին ց եւ հարսն ասում են. Եկ. Եւ լսողն ասէ, Եկ. ւ եւ նա որ ծարաւ է՝ թող գայ, եւ նա որ կամենում է՝ թող առնէ կեանքի ջուրը ձրի։
18 Որովհետեւ ես վկայում եմ ամենին որ լսում է այս գրքի մարգարէութեան խօսքերը. փ եթէ մէկը բան աւելացնէ սորանց վերայ, Աստուած կ’աւելացնէ նորա վերայ այն պատուհասները որ այս գրքումը գրուած են։ 19 Եւ եթէ մէկն այս գրքի մարգարէութեան խօսքերիցը բան պակասեցնէ, ք Աստուած կ’պակասեցնէ նորա բաժինը կեանքի գրքիցը, օ եւ սուրբ քաղաքիցը, եւ այս գրքում գրուածներիցը։ 20 Այս բաներին վկայողը ասում է. Այո. ֆ ես շուտով գալիս եմ։ և Ամէն։ ա Եկ, Տէր Յիսուս։
21 բ Մեր Տէր Յիսուս Քրիստոսի շնորհքը լինի ձեր ամենի հետ։ Ամէն։
Հայտնություն 22
