1 Եւ Փարիսեցիներիցը մի մարդ կար՝ անունը Նիկոդեմոս՝ Հրէաների իշխան։ 2 ա Սա գիշերը Յիսուսի մօտ եկաւ եւ ասեց նորան. Ռաբբի, գիտենք որ Աստուածանից վարդապետ ես եկել. Որովհետեւ բ ոչ ով չէ կարող այդ նշաններն անել՝ որ դու ես անում, եթէ գ Աստուած նորա հետ չ’լինի։ 3 Յիսուսը պատասխանեց եւ ասեց նորան. Ճշմարիտ ճշմարիտ ասում եմ քեզ. դ Եթէ մէկը վերստին չ’ծնուի՝ կարող չէ Աստուծոյ արքայութիւնը տեսնել։ 4 Նիկոդեմոսը նորան ասեց. Մարդ ի՞նչպէս կարող է ծնուիլ՝ որ ծեր է. Մի՞թէ կարող է երկրորդ անգամ իր մօր արգանդը մտնել եւ ծնուիլ։ 5 Յիսուսը պատասխանեց. Ճշմարիտ ճշմարիտ ասում եմ քեզ. ե եթէ մէկը ջրից եւ Հոգուց չ’ծնուի, նա կարող չէ Աստուծոյ արքայութիւնը մտնել։ 6 զ Մարմնիցը ծնուածը մարմին է. Եւ Հոգուցը ծնուածը հոգի է։ 7 է Մի զարմանար՝ որ ասեցի քեզ թէ Պէտք է ձեզ՝ վերստին ծնուիլ։ 8 ը Քամին որտեղ ուզում է՝ փչում է, եւ նորա ձայնը լսում ես. Բայց չ’գիտես թէ ո՞ր տեղից է գալիս եւ ո՞ր տեղ է գնում. Այսպէս է ամեն Հոգուցը ծնուածը։ 9 Նիկոդեմոսը պատասխանեց եւ ասեց նորան. թ Այդ ի՞նչպէս կարող է լինիլ։ 10 Յիսուսը պատասխանեց եւ ասեց նորան. Դու ես Իսրայէլի վարդապետը, եւ այս չ’գիտե՞ս։ 11 ժ Ճշմարիտ ճշմարիտ ասում եմ քեզ, թէ ինչ որ գիտենք՝ խօսում ենք, եւ ինչ որ տեսանք՝ վկայում ենք. ի եւ մեր վկայութիւնը չէք ընդունում։ 12 Եթէ երկրաւոր բաներն ասեցի ձեզ, եւ չէք հաւատում, ապա ի՞նչպէս կ’հաւատաք, եթէ երկնաւոր բաներն ասեմ։ 13 լ Եւ ոչ ով վեր չ’ելաւ երկինքը, եթէ ոչ երկնքից իջնողը՝ մարդի Որդին՝ նա որ երկնքումն է։ 14 խ Եւ ինչպէս Մովսէսն օձը բարձրացրեց անապատումը, ծ այնպէս պէտք է մարդի Որդուն բարձրացուիլ. 15 Որ ամեն նորան հաւատացողը չ’կորչի, կ այլ յաւիտենական կեանքն ունենայ։ 16 հ Որովհետեւ Աստուած այնպէս սիրեց աշխարհքը որ իր միածին Որդին տուաւ. Որ ամեն նորան հաւատացողը չ’կորչի, այլ յաւիտենական կեանքն ունենայ։ 17 ձ Որովհետեւ Աստուած իր Որդին չ’ուղարկեց աշխարհքը, որ աշխարհքին դատէ, այլ որ աշխարհքը նորանով փրկուի։ 18 ղ Նորան հաւատացողը չի դատապարտուիլ, իսկ չ’հաւատացողն արդէն դատապարտուած է. Որովհետեւ չ’հաւատաց Աստուծոյ ճ միածին Որդու անունին։ 19 Եւ սա է դատաստանը, մ որ լոյսն եկաւ աշխարհքը, եւ մարդիկ խաւարն աւելի սիրեցին քան թէ լոյսը, որովհետեւ նորանց գործերը չար էին։ 20 Որովհետեւ յ ամեն չար գործողը ատում է լոյսին, եւ չէ գալիս դէպի լոյսը, որ նորա գործերը չ’յանդիմանուին։ 21 Իսկ ճշմարտութիւն գործողը գալիս է դէպի լոյսը, որ նորա գործերը յայտնուին, ու Աստուծով գործուեցան։
22 Սորանից յետոյ եկաւ Յիսուսը եւ նորա աշակերտները Հրէաստանի երկիրը. Եւ այնտեղ նորանց հետ մնում՝ եւ ն մկրտում էր։ 23 Եւ Յովհաննէսն էլ Այենոնումն էր մկրտում՝ շ Սաղեմի մօտ. Որովհետեւ այնտեղ շատ ջուր կար. Եւ ո գալիս էին եւ մկրտվում էին։ 24 չ Որովհետեւ Յովհաննէսը դեռ բանտի մէջ չէր գցուած։
25 Արդ Յովհաննէսի աշակերտները Հրէաների հետ վեճ ունեցան պ մաքրութեան համար։ 26 Եւ Յովհաննէսի մօտ եկան եւ ասեցին նորան. ջ Ռաբբի, նա որ Յորդանանի այն կողմումն էր քեզ հետ, ռ որի համար դու վկայեցիր, ահա նա մկրտում է, եւ ամենքը նորա մօտ են գալիս։ 27 Յովհաննէսը պատասխանեց եւ ասեց. ս Մարդ չէ կարող ոչինչ վեր առնել, եթէ երկնքիցը տրուած չ’լինի նորան։ 28 վ Դուք ինքներդ վկայում էք ինձ համար, որ ասեցի ձեզ, թէ Ես Քրիստոսը չեմ, տ այլ թէ նորա առաջից ուղարկուած եմ։ 29 ր Հարսն ունեցողն է փեսայ. ց բայց փեսայի բարեկամը, որ կանգնած է եւ լսում է նորան, ուրախութիւնով ուրախանում է փեսայի ձայնի համար. Արդ իմ այս ուրախութիւնը լցուած է։ 30 Նորան պէտք է աճել, եւ ինձ փոքրանալ։ 31 ւ Վերեւից եկողն փ ամենից վեր է. ք երկրիցը լինողը երկրիցն է եւ երկրիցն է խօսում. օ երկնքից եկողն ամենից վեր է. 32 ֆ Ինչ որ տեսաւ եւ լսեց, նա է վկայում. Եւ նորա վկայութիւնը ոչ ով չէ ընդունում։ 33 Նորա վկայութիւնն ընդունողը և կնքեց, թէ Աստուած ճշմարիտ է։ 34 ա Որովհետեւ նա որին Աստուած ուղարկեց, Աստուծոյ բանն է խօսում. Որովհետեւ բ Աստուած Հոգին չափով չէ տալիս։ 35 գ Հայրը սիրում է Որդուն, եւ ամեն բան նորա ձեռն է տուել։ 36 դ Որդուն հաւատացողը յաւիտենական կեանք ունի. Իսկ Որդուն չ’հնազանդողը կեանքը չի տեսնիլ, այլ Աստուծոյ բարկութիւնը մնում է նորա վերայ։
Հովհաննես 3
