Աստվածաշունչ

Արարատ թարգմանություն

1 Ալէլուիա։ ա Երանելի է այն մարդը որ Տէրիցը վախենում է, եւ բ նորա պատուիրանքներին շատ հաւանում է։

2 գ Նորա զաւակը զօրաւոր կ’լինի երկրի վերայ. դ ուղիղների ցեղը կ’օրհնուի։

3 Ապրանք եւ հարստութիւն կ’լինի նորա տանը. Եւ նորա արդարութիւնը կ’մնայ յաւիտեան։

4 ե Խաւարի մէջ լոյս է ծագում ուղիղների համար. Ողորմած, գթած եւ արդար է։

5 զ Երանի այն մարդին որ ողորմած է եւ փոխ է տալիս, եւ իր բանը շինում է է իրաւունքով.

6 Որովհետեւ ը նա տեղիցը յաւիտեան չի շարժուիլ. թ յաւիտենական յիշատակի համար կ’լինի արդարը։

7 ժ Չար համբաւից չի վախենալ. Նորա սիրտը պատրաստ է, որ ի Տիրոջը յուսայ։

8 Նորա սիրտը հաստատուած է եւ լ չի վախենալ, մինչեւ որ խ նայի իր նեղիչների վերայ։

9 ծ Նա փռեց եւ աղքատներին տուաւ. կ նորա արդարութիւնը կ’մնայ յաւիտեան. հ նորա եղջիւրը կ’բարձրանայ փառքով։

10 ձ Ամբարիշտը կ’տեսնէ եւ կ’բարկանայ. ղ իր ատամները կ’կրճտեցնէ եւ ճ կ’հալուի. մ ամբարիշտների ցանկութիւնը կ’կորչի։