Աստվածաշունչ

129 Իսրայէլին հարստահարողները պիտի խայտառակուին։

1 Աստիճանների երգ։

1 ա Շատ անգամ նեղացրին ինձ իմ մանկութիւնիցը. բ թող ասէ Իսրայէլը.

2 Շատ անգամ նեղացրին ինձ իմ մանկութիւնիցը, բայց չ’յաղթեցին ինձ։

3 Հերկողները իմ թիկունքի վերայ հերկեցին եւ իրանց ակօսները երկար արին։

4 Տէրն արդար է. Նա ամբարիշտների չուանները կտորեց։

5 Ամօթ պիտի լինին եւ ետ դառնան այն ամենքը, որ ատում են Սիօնը։

6 Կտուրի գ խոտի պէս պիտի լինին, որ դեռ չ’հնձած չորանում է։

7 Որ նորանից չէ լցնում հնձողն իր ձեռքը, եւ ոչ խուրձ կապողն իր գիրկը։

8 Եւ անցնողներն էլ չեն ասում. դ Տիրոջ օրհնութիւնը ձեզ վերայ. Օրհնում ենք ձեզ Տիրոջ անունովը։

Սաղմոս 129