Աստվածաշունչ

Արարատ թարգմանություն

1 Երգողների գլխաւորին. Դաւիթի Սաղմոս։

1 Տէր, ապրեցրու ինձ չար մարդիցը. Պահիր ինձ ա բռնաւոր մարդիցը.

2 Որ չար բաներ են մտածում սրտով, եւ բ ամեն օր կռիւներ են յարուցանում։

3 Իրանց լեզուները սրում են օձի նման. գ իժ օձի թոյն կայ նորանց շրթունքների տակ։ (Սէլա։)

4 Տէր, դ պահիր ինձ ամբարշտի ձեռքիցը, ե պահիր ինձ բռնաւոր մարդկանցից, որ հնարում են իմ ոտքերը սահեցնելու համար։

5 զ Ամբարտաւաններն ինձ համար որոգայթ եւ չուաններ թագցրին, որոգայթ լարեցին իմ ճանապարհումը. Վարմեր դրին ինձ համար։ (Սէլա։)

6 Ես ասեցի Տիրոջը, Դու ես իմ Աստուածը. Տէր, լսիր իմ աղաչանքների ձայնին։

7 Ով Եհովայ Տէր, իմ փրկութեան զօրութիւնը. Դու հովանի ես իմ գլխին կռուի օրումը։

8 Տէր, մի տար ամբարշտին նորա ցանկութիւնը մի յաջողեցնիր նորա չար խորհուրդը. է նորանք կ’բարձրանան։ (Սէլա։)

9 Ինձ պաշարողների գլուխը՝ ը իրանց շրթունքների վաստակը պիտի ծածկէ։

10 թ Թող այրող ածուխներ ընկնեն նորանց վերայ. Թող նա կրակը գցէ նորանց՝ խոր հորերը՝ որ բնաւ չ’կանգնեն։

11 Չարախօս մարդը չի հաստատուիլ երկրի վերայ. Չարիքը կ’որսայ բռնաւոր մարդին, մինչեւ որ կործանուի։

12 Գիտեմ որ ժ Տէրը դատաստան կ’անէ խեղճի համար, եւ իրաւունք՝ աղքատի համար։

13 Իրաւի որ արդարները կ’գոհանան քո անունիցը, եւ ուղիղները կ’բնակուին քո երեսի առաջին։