Աստվածաշունչ

Արարատ թարգմանություն

1 Դաւիթի օրհնաբանութիւն։

1 Բարձր կ’անեմ քեզ, ով իմ Աստուած, ով Թագաւոր. Եւ կ’օրհնեմ քո անունը յաւիտեանս յաւիտենից։

2 Ամեն օր կ’օրհնեմ քեզ, եւ քո անունը կ’գովեմ յաւիտեանս յաւիտենից։

3 ա Մեծ է Տէրը եւ շատ օրհնեալ. Եւ բ նորա մեծութեանը չափ չ’կայ։

4 գ Ազգ ազգի կ’գովէ քո գործերը. Եւ կ’պատմեն քո զօրութիւնները։

5 Քո փառաւոր մեծութեան գեղեցկութեան վերայ, եւ քո հրաշալի գործերի վերայ կ’մտածեմ։

6 Քո ահաւոր զօրութեան մասին կ’խօսեն. Եւ ես քո մեծութիւնը կ’պատմեմ։

7 Քո շատ քաղցրութեան յիշատակը կ’հրատարակեն. Եւ ցնծութիւնով կ’պատմեն քո մեծութիւնը։

8 դ Ողորմած եւ գթած է Տէրը. Երկայնամիտ եւ բազումողորմ։

9 ե Բարի է Տէրը ամենի համար. Եւ նորա ողորմութիւնը իր բոլոր գործերի վերայ է։

10 Տէր, զ քո բոլոր գործերը պիտի գոհանան քեզանից, եւ քո սուրբերը պիտի օրհնեն քեզ։

11 Քո թագաւորութեան փառքը պիտի խօսին. Եւ քո զօրութիւնները պիտի պատմեն։

12 Որ իմացնեն մարդկանց որդիներին նորա զօրութիւնները, եւ նորա թագաւորութեան փառաւոր մեծութիւնը։

13 է Քո թագաւորութիւնը ամենայաւէտ թագաւորութիւն է, եւ քո իշխանութիւնը՝ միշտ ազգից մինչեւ ազգ։

14 Տէրը հաստատում է ընկածներին, եւ կանգնեցնում է ամեն ը կռացածներին։

15 թ Ամենի աչքերը քեզ են սպասում, եւ ժ դու տալիս ես նորանց կերակուրը իրանց ժամանակին։

16 Դու բաց ես անում քո ձեռքը, եւ ի կշտացնում ես ամեն կենդանին հաճութիւնով։

17 Տէրն արդար է իր բոլոր ճանապարհներումը. Եւ ողորմած՝ իր բոլոր գործերումը։

18 լ Տէրը մօտիկ է բոլոր դէպի իրան կանչողներին, այն ամենին՝ որ խ կանչում են նորան ճշմարտութիւնով։

19 Իրանից վախեցողների կամքը անում է նա. Եւ նորանց աղաղակին լսում եւ նորանց փրկում է։

20 ծ Տէրը պահում է բոլոր իրան սիրողներին. Բայց բոլոր ամբարիշտներին կ’կորցնէ։

21 Իմ բերանը Տիրոջ օրհնութիւնը կ’խօսի, եւ ամեն մարմին նորա սուրբ անունը կ’օրհնէ յաւիտեանս յաւիտենից։