Աստվածաշունչ

18 Գոհանում է իր հրաշալի փրկուելու համար և խնդրում է Աստուծոյ հզօր օգնութիւնը։

1 Երգողների գլխաւորին։ ա Տիրոջ ծառայ Դաւիթի Սաղմոս, բ որ այս երգի խօսքերն ասեց Տիրոջը այն օրումը, որ Տէրը նորան փրկել էր իր բոլոր թշնամիների ձեռքիցը եւ Սաւուղի ձեռքիցը. Եւ ասեց.

1 Սրտանց սիրում եմ քեզ, գ ով Տէր՝ իմ զօրութիւնը։

2 Տէր, իմ վէմ, եւ իմ բերդ եւ իմ ազատիչ. Իմ Աստուած, իմ ամրութիւն, դ որին ես յուսացած եմ։ Ով իմ ասպար եւ իմ փրկութեան եղջիւր, նա իմ բարձր աշտարակն է.

3 ե Ես օրհնեալ Տիրոջը կանչեցի, եւ իմ թշնամիներիցը կ’փրկուիմ։

4 զ Մահի լարերը շրջապատեցին ինձ, եւ կորստեան վտակները վախեցրին ինձ,

5 Գերեզմանի ցաւերը պատեցին ինձ, մահի որոգայթները հասան ինձ վերայ։

6 Ես իմ նեղութիւնումը կանչեցի դէպի Տէրը, եւ դէպի իմ Աստուածն աղաղակեցի. Նա լսեց իմ ձայնը իր տաճարիցը. Եւ իմ աղաղակը նորա առաջը հասաւ՝ նորա ականջներին։

7 է Այն ժամանակ երկիրը դողաց ու շարժուեցաւ, եւ սարերի հիմունքները սարսափեցան եւ դողացին. Որովհետեւ նա բարկացաւ։

8 Ծուխ դուրս եկաւ նորա քթիցը, եւ փչացնող կրակ՝ նորա բերանիցը. Կայծակներ փայլատակեցին նորանից։

9 ը Նա խոնարհեցրեց երկինքը եւ վայր եկաւ, եւ մառախուղ կար նորա ոտների տակ։

10 թ Նա հեծաւ քերովբէի վերայ եւ թռաւ. Եւ ժ սլացաւ քամիի թեւերի վերայ։

11 Նա խաւարը ծածկոյթ դրաւ իր վերայ. ի խորան եղան նորան չորս կողմովը խաւարային ջուրերը եւ երկնքի ամպերը։

12 լ Նորա առաջին փայլող լոյսիցը նորա ամպերն անցան, կարկուտ եւ կրակի կայծակներ դառան։

13 Եւ Տէրը որոտաց երկնքումը, եւ Բարձրեալն խ իր ձայնը տուաւ կարկուտով եւ կրակի կայծակներով։

14 Եւ ծ նա իր նետերն ուղարկեց եւ ցրուեց նորանց, եւ կայծակները գցեց եւ շփոթեցրեց նորանց։

15 Եւ կ երեւեցան ջրերի անդունդքը, եւ երկրի հիմունքը յայտնուեցան քո սաստելուցը, Տէր. Քո բարկութեան հողմի փչելուցը։

16 հ Նա վերեւիցն ուղարկեց եւ բռնեց ինձ. Նա շատ ջրերից հանեց ինձ։

17 Նա ազատեց ինձ իմ զօրաւոր թշնամիիցը, եւ իմ ատողներիցը, որ ինձանից զօրաւոր էին։

18 Նորանք իմ նեղութեան օրումը առաջս առան. Բայց Տէրը նեցուկ եղաւ ինձ համար։

19 Եւ ձ ինձ հանեց լայնարձակ տեղ եւ ինձ փրկեց. Որովհետեւ հաւանեց ինձ։

20 ղ Տէրը բարի է անում ինձ իմ արդարութեան պէս, եւ ինձ հատուցանում է իմ ձեռքի մաքրութեան պէս։

21 Որովհետեւ ես պահեցի Տիրոջ ճանապարհները եւ իմ Աստուածանից ամբարշտութիւնով չ’հեռացայ։

22 Որովհետեւ նորա ամեն իրաւունքներն իմ առաջն են, եւ ես նորա պատուիրանքներն ինձանից չեմ հեռացնում։

23 Ես անարատ եմ նորա առաջին, եւ զգուշանում եմ իմ անօրէնութիւնիցը։

24 ճ Ուստի Տէրը հատուցանում է ինձ իմ արդարութեան պէս. Իմ ձեռքի մաքրութեան պէս՝ նորա աչքի առաջին։

25 մ Ողորմածի հետ ողորմած ես. Եւ անարատի հետ անարատ ես.

26 Իստակի հետ իստակ ես. Եւ յ ծուռի հետ՝ ծուռ։

27 Որովհետեւ դու աղքատ ժողովրդին ապրեցնում ես. Եւ ն բարձր աչքերը խոնարհեցնում ես։

28 շ Որովհետեւ դու լուսաւորում ես իմ ճրագը. Տէր Աստուածը լուսաւոր է անում իմ խաւարը.

29 Որովհետեւ քեզանով վազում եմ զօրքի վերայ. Եւ իմ Աստուծովն անց եմ կենում պարսպի վերայից։

30 ո Աստուծոյ ճանապարհը կատարեալ է. չ Տիրոջ խօսքը կրակով մաքրուած է. պ նա պահապան է ամեն իրան յուսացողների համար.

31 ջ Որովհետեւ ո՞վ է Աստուած բացի Տէրիցը. Եւ ո՞վ է վէմ մեր Աստուածանից ջոկ.

32 Այն Աստուածը, ռ որ զօրութիւն է հագցնում ինձ. Եւ իմ ճանապարհն անարատ անում.

33 Նա ս որ իմ ոտներն եղջերուների ոտների նման է շինում, եւ վ ինձ՝ բարձր տեղերումը կանգնեցնում.

34 Նա տ իմ ձեռքը վարժեցնում է պատերազմ անելու, որ իմ բազուկը պղնձի աղեղը լարեն։

35 Եւ տալիս ես ինձ քո փրկութեան վահանը, եւ քո աջը հաստատում է ինձ, եւ քո քաղցրութիւնը մեծացնում է ինձ։

36 Դու լայնարձակ ես անում իմ գնացքը իմ տակ, եւ ր իմ սրունքները չեն դողում։

37 Ես կ’հալածեմ իմ թշնամիները եւ նորանց կ’հասնեմ. Եւ ետ չեմ դառնալ մինչեւ որ փչանան։

38 Ես կ’զարկեմ նորանց, որ չ’կարողանան վեր կենալ. Նորանք իմ ոտների տակ կ’ընկնեն։

39 Դու ինձ զօրութիւն ես հագցնում պատերազմի համար. Եւ ինձ դէմ վեր կացածներին իմ տակն ես գցում։

40 Դու իմ թշնամիներին հալածական ես անում. Եւ ես ինձ ատողներին կ’փչացնեմ։

41 Նորանք կանչում են, բայց փրկող չ’կայ. ց դէպի Տէրը՝ բայց նա նորանց չէ պատասխանում։

42 Ես կ’փշրեմ նորանց ինչպէս փոշի քամիի առաջին. Դուրս կ’թափեմ նորանց ինչպէս փողոցի ցեխը։

43 Դու ազատում ես ինձ ժողովրդի հակառակութիւնիցը, ինձ հեթանոսների վերայ գլուխ ես դնում. Այն ժողովուրդը, որ ես նորան չէի ճանաչում, ծառայում է ինձ։

44 Հէնց ականջով լսելով՝ հնազանդուեցան ինձ. Օտարների որդիքը ինձ շողոքորթեցին։

45 Օտարների որդիքը թուլացան, եւ սարսափում էին իրանց ապաստարաններիցը։

46 Կենդանի է Տէրը. Եւ օրհնեալ է իմ Վէմը. Եւ բարձրացած լինի իմ փրկութեան Աստուածը.

47 Այն Աստուածը՝ որ վրէժս առնում է, եւ ւ ժողովուրդները հնազանդեցնում է իմ ներքեւը.

48 Որ փրկում է ինձ իմ թշնամիներիցը. Եւ բարձրացնում է ինձ նորանցից, որ ինձ դէմ վեր կացան. Դու ազատում ես ինձ անիրաւ մարդիցը։

49 փ Սորա համար հեթանոսների մէջ կ’գոհանամ քեզանից, ով Տէր. Եւ քո անունին սաղմոս կ’ասեմ։

50 Նա մեծացնում է իր փրկութիւնը իր թագաւորի համար. Եւ ողորմութիւն է անում իր ք օծեալ Դաւիթին եւ նորա զաւակին մինչեւ յաւիտեան։

Սաղմոս 18