Աստվածաշունչ

Արարատ թարգմանություն

1 Երգողների գլխաւորին։ Դաւիթի Սաղմոս։

1 ա Երկինքները պատմում են Աստուծոյ փառքը, եւ հաստատութիւնը իմացնում է նորա ձեռքի գործքերը։

2 Օրը օրին խօսք է բղխում. Եւ գիշերը գիշերին գիտութիւն է ցոյց տալիս։

3 Լեզու չ’կայ եւ խօսք չ’կայ. Նորանց ձայնը լսելի չէ.

4 Բայց նորանց բարբառը դուրս է գալիս բ ամեն երկիր, եւ նորանց խօսքը մինչեւ աշխարհքի ծայրերը. Արեգակի համար խորան դրաւ նորանց միջումը։

5 Եւ նա փեսայի նման դուրս է գալիս իր առագաստիցը, եւ գ զուարճանում է ինչպէս հսկայ որ իր ճանապարհը գնայ։

6 նորա ելքը երկնքի մի ծայրիցը, եւ նորա գնացքը մինչեւ նորա միւս ծայրը. Եւ ոչինչ չէ ծածկվում նորա տաքութիւնիցը։

7 դ Տիրոջ օրէնքը անարատ է, հանգստացնում է հոգիին. Տիրոջ վկայութիւնը ճշմարիտ է, իմաստուն է անում պարզամիտին։

8 ե Տիրոջ պատուիրանքները ուղիղ են, ուրախացնում են սիրտը. Տիրոջ հրամանները մաքուր են, զ լուսաւորում են աչքերը։

9 Տիրոջ վախը սուրբ է, մնում է յաւիտեան. Տիրոջ դատաստանները ճշմարիտ են, բոլորովին արդար։

10 Նորանք աւելի ցանկալի են է քան թէ ոսկի եւ քան թէ շատ մաքրուած ոսկի. ը էլ աւելի քաղցր են քան թէ մեղր եւ մեղրահաց։

11 Քո ծառան էլ նորանցով լուսաւորվում է. թ նորանց պահպանութիւնումը շատ հատուցում կայ։

12 ժ Ո՞վ է իմանում իր սխալմունքները. ի ծածուկ սխալմունքներիցս էլ լ սուրբ արա ինձ։

13 խ Եւ պահիր քո ծառային ամբարտաւաններից, ծ որ իշխանութիւն չ’անեն ինձ վերայ. Այն ժամանակ անարատ կ’լինիմ եւ մեծ անօրէնութիւնից սուրբ կ’լինիմ։

14 կ Թող հաճոյ լինին քեզ իմ բերանի խօսքերը. Եւ սրտիս խորհուրդը՝ քո առաջին, ով Տէր, իմ վէմ եւ հ իմ Փրկիչ։