Աստվածաշունչ

Արարատ թարգմանություն

1 Երգ. Կորխի որդկանց Սաղմոս. Երգողների գլխաւորին Մախալաթ լէանօթի վերայ. ա Եզրահեցի Եմանի երգ։

1 Ով Տէր՝ բ իմ փրկութեան Աստուած, գ ցերեկը կանչում եմ, եւ գիշերը քո առաջին եմ։

2 Թող իմ աղօթքը քո առաջը գայ. Խոնարհեցրու քո ականջը դէպի իմ աղաղակը։

3 Որովհետեւ իմ անձը լցուեցաւ չարիքներով, եւ կեանքս դ մօտեցաւ դժոխքին։

4 Ես ե գերեզմանի մէջ իջնողների հետ համարուեցայ. Եղայ զ ինչպէս մի մարդ որ ոյժ չ’ունի։

5 Մեռելների մէջ թուլացածի պէս եմ. Ինչպէս խոցուածներ, որ գերեզմանումը ընկած են, որ նորանց այլ եւս չես յիշում, եւ է երեսից գցուած են քո ձեռքիցը։

6 Դու ինձ ներքի փոսի մէջ դրիր՝ խաւար եւ խոր տեղերի մէջ։

7 Քո սրտմտութիւնը հաստատուեցաւ ինձ վերայ, եւ ը քո ալիքներովը նեղեցիր ինձ։ (Սէլա։)

8 թ Իմ ճանաչներին հեռացրիր ինձանից եւ ինձ գարշելի արիր նորանց համար. ժ փակուած եմ եւ չեմ դուրս գալիս։

9 ի Աչքս մաշուեցաւ խեղճութեան պատճառով. Կանչում եմ դէպի քեզ, Տէր, լ բոլոր օրը. խ մեկնում եմ իմ ձեռքը դէպի քեզ։

10 ծ Մի՞թէ մեռելների վերայ ես հրաշք անելու. Մի՞թէ մահացածները վեր կ’կենան եւ քեզանից կ’գոհանան։ (Սէլա։)

11 Մի՞թէ գերեզմանումը կ’պատմեն քո ողորմութիւնը, եւ քո ճշմարտութիւնը կորստի մէջ։

12 կ Մի՞թէ խաւարի մէջ կ’ճանաչուին քո հրաշքները, եւ հ արդարութիւնը մոռացութեան երկրումը։

13 Բայց ես դէպի քեզ եմ աղաղակում, Տէր. Եւ ձ իմ աղօթքը կանուխ առաւօտանց գալիս է քեզ մօտ։

14 Տէր, ղ ի՞նչու ես իմ անձը երեսից գցում. ճ երեսդ թագցնո՞ւմ ես ինձանից։

15 Ես աղքատ եմ եւ մեռնում եմ իմ մանկութիւնիցը. մ քո զարհուրանքը քաշեցի, եւ յոյսս կտրուած է։

16 Քո սրտմտութիւնը հասաւ ինձ վերայ, քո զարհուրանքները կորցնում են ինձ։

17 Նորանք ամեն օր ջրի նման պատում են ինձ. յ պատում են ինձ մէկ տեղ։

18 ն Դու հեռացրիր ինձանից բարեկամիս եւ մօտաւորիս. Իմ ճանաչները խաւարի մէջ են։