1 Սիրելիներ, ա ամեն հոգու մի հաւատաք. բ այլ փորձեցէք հոգիները թէ արդեօք Աստուածանից են. գ որովհետեւ շատ սուտ մարգարէներ են դուրս եկել աշխարհք։ 2 Սորանով ճանաչեցէք Աստուծոյ Հոգին. դ ամեն հոգի որ խոստովանում է Յիսուս Քրիստոսին մարմնով եկած, Աստուածանից է։ 3 ե Եւ ամեն հոգի որ չէ խոստովանում Յիսուս Քրիստոսին մարմնով եկած, Աստուածանից չէ. Եւ նա Նեռի հոգին է, որ լսեցիք թէ գալիս է, եւ զ հիմա արդէն աշխարհքումն է։ 4 է Դուք Աստուածանից էք, որդեակներ, եւ յաղթեցիք նորանց. Որովհետեւ աւելի մեծ է նա որ ձեզանում է, ը քան թէ նա որ աշխարհքիս մէջ է։ 5 թ Նորանք աշխարհքիցն են. Նորա համար աշխարհքիցն են խօսում. ժ եւ աշխարհքը լսում է նորանց։ 6 Մենք Աստուածանից ենք. ի ով որ Աստուծուն ճանաչում է՝ լսում է մեզ, ով որ Աստուածանից չէ, չէ լսում մեզ. Սորանից ենք ճանաչում լ ճշմարտութեան Հոգին եւ խաբէութեան հոգին։
7 խ Սիրելիներ, իրար սիրենք, որ սէրն Աստուածանից է. Եւ ամեն ով որ սիրում է Աստուածանից է ծնուած, եւ ճանաչում է Աստուծուն։ 8 Նա որ չէ սիրում, ծ Աստուծուն չէ ճանաչել. կ որովհետեւ Աստուած սէր է։ 9 հ Սորանով Աստուծոյ սէրն երեւեցաւ մեզանում, ձ որ Աստուած իր միածին Որդուն ուղարկեց աշխարհք, որ նորանով կեանք ունենանք։ 10 Սորանում է սէրը, ղ որ ոչ թէ մենք սիրեցինք Աստուծուն, այլ որ նա սիրեց մեզ, ճ եւ ուղարկեց իր Որդուն քաւութիւն մեր մեղքերի համար։ 11 Սիրելիներ, մ եթէ Աստուած այսպէս սիրեց մեզ, ապա մենք էլ պէտք է իրար սիրենք։ 12 յ Աստուծուն երբէք մէկը չէ տեսել. Եթէ իրար սիրենք Աստուած մեզանում է բնակվում, ն եւ նորա սէրը կատարեալ է մեզանում։ 13 շ Սորանով գիտենք, որ մենք նորանում ենք բնակուած եւ նա մեզանում. Որ իր Հոգուցը տուաւ մեզ։ 14 ո Եւ մենք տեսանք եւ վկայում ենք, չ որ Հայրն իր Որդուն ուղարկեց աշխարհքի Փրկիչ լինելու։ 15 պ Ով որ դաւանէ թէ Յիսուսն է Աստուծոյ Որդին, Աստուած նորանում է բնակվում եւ նա Աստուածանում։ 16 Եւ մենք ճանաչեցինք եւ հաւատացինք այն սէրը, որ Աստուած ունի մեզ վերայ. ջ Աստուած սէր է, ռ եւ ով որ մնում է սէրի մէջ, Աստուծոյ մէջ է բնակվում, եւ Աստուած նորանում։ 17 Սորանում է սէրը կատարեալ մեզ հետ, ս որ համարձակութիւն ունենանք դատաստանի օրումը. վ որովհետեւ ինչպէս նա է, այնպէս էլ մենք ենք այս աշխարհքումը։ 18 Վախ չ’կայ սէրի մէջ. Այլ կատարեալ սէրը հեռացնում է վախը. Որովհետեւ վախը տանջանք ունի. Բայց նա որ վախենում է, տ կատարեալ չէ սէրի մէջ։ 19 Մենք սիրենք նորան, որովհետեւ առաջ նա սիրեց մեզ։ 20 ր Եթէ մէկն ասէ թէ Սիրում եմ Աստուծուն եւ իր եղբօրն ատէ, նա ստախօս է. Որովհետեւ նա որ իր տեսած եղբօրը չէ սիրում, ց Աստուծուն որ չէ տեսել ի՞նչպէս կարող է սիրել։ 21 ւ Եւ այս պատուիրանքն ունինք նորանից, թէ նա որ Աստուծուն սիրում է, իր եղբօրն էլ սիրէ։
Ա Հովհաննես 4
