1 Ամովսի խօսքերը, որ ա Թեկուէի բ հովիւներիցն էր, որ նա տեսաւ Իսրայէլի մասին Յուդայի գ Ոզիա թագաւորի օրերին եւ Իսրայէլի թագաւոր՝ Յովասեան դ Յերոբովամի օրերին, ե երկու տարի գետնաշարժից առաջ։ 2 Եւ ասեց. Տէրը զ Սիօնից պիտի կանչէ, եւ Երուսաղէմից պիտի տայ իր ձայնը.եւ սուգ պիտի անեն հովիւների արօտները, եւ է Կարմեղոսի գլուխը պիտի չորանայ։
3 Այսպէս է ասում Տէրը, ը Դամասկոսի երեք յանցանքի համար, եւ չորսի համար՝ թ ետ չեմ դարձնելու նորա պատիժը. ժ որովհետեւ նորանք երկաթի կամնասայլերով կալի պէս կասեցին Գաղաադին. 4 ի Այլ կրակ պիտի գցեմ Ազայէլի տունը, որ լափէ Բենադադի պալատները։ 5 Եւ պիտի լ կոտրեմ Դամասկոսի նիգը, եւ պիտի կտրեմ բնակիչը Աւենի հովիտիցը, եւ գաւազան բռնողը՝ Եդեմի տունիցը, եւ գերի պիտի գնայ խ Ասորիների ժողովուրդը ծ Կիր, ասում է Տէրը։
6 Այսպէս է ասում Տէրը, կ Գազայի երեք յանցանքի համար, եւ չորսի համար՝ ետ չեմ դարձնելու. Որովհետեւ նորանք գերիներին գերի քշեցին բոլորովին որ հ յանձնեն Եդովմացիներին. 7 ձ Այլ կրակ պիտի ուղարկեմ Գազայի պարսպի վերայ, եւ պիտի լափէ նորա պալատները։ 8 Եւ պիտի կտրեմ բնակիչը ղ Ազովտոսից, եւ գաւազան բռնողը՝ Ասկալոնից, եւ ճ իմ ձեռքը պիտի Ակկարոնի վերայ դարձնեմ, որ կորչի մ Փղշտացիների մնացորդը, ասում է Տէր Եհովան։
9 Այսպէս է ասում Տէրը. յ Տիւրոսի երեք յանցանքի համար, եւ չորսի համար՝ ետ չեմ դարձնելու. ն որովհետեւ նորանք գերիները բոլորովին մատնեցին Եդովմացիներին, եւ շ չ’յիշեցին եղբայրական ուխտը. 10 ո Այլ ես կրակ պիտի գցեմ Տիւրոսի պարսպի վերայ, եւ նա պիտի լափէ նորա պալատները։
11 Այսպէս է ասում Տէրը. չ Եդովմի երեք յանցանքի համար, եւ չորսի համար՝ ետ չեմ դարձնելու. Որովհետեւ պ սրով հալածեց ջ իր եղբօրը, եւ կտրեց իր ողորմութիւնը, եւ միշտ ռ պատառեց իր բարկութիւնը, եւ իր ցասումը պահեց յաւիտեան. 12 Այլ ես կրակ պիտի գցեմ ս Թեմանի մէջ, եւ պիտի լափէ Բօսրայի պալատները։
13 Այսպէս է ասում Տէրը. վ Ամմոնի որդկանց երեք յանցանքի համար, եւ չորսի համար՝ ետ չեմ դարձնելու. Որովհետեւ տ նորանք ճղեցին Գաղաադի յղիներին, ր որպէս զի լայնացնեն իրանց սահմանները. 14 Բայց ես կրակ պիտի վառեմ ց Ռաբբայի պարսպի վերայ, եւ պիտի լափէ նորա պալատները, պատերազմի օրը ւ աղաղակի ժամանակին, փոթորիկի օրը մրրկի մէջ. 15 Եւ նորանց թագաւորը գերի պիտի գնայ, թէ ինքը թէ իր իշխանները միասին, ասում է Տէրը։
Ամովս 1
