1 Լսեցէք այս խօսքը, որ Տէրը ասում է ձեր մասին, ով Իսրայէլի որդիք, այն բոլոր ազգատոհմի համար, որ վեր բերի Եգիպտոսի երկրից, ասելով. 2 ա Միայն ձեզ եմ ճանաչել երկրի բոլոր ազգատոհմներից, բ դորա համար ձեզ պիտի պատժեմ ձեր ամեն անօրէնութիւնների համար։ 3 Մի՞թէ երկուսը կ’գնան միասին, եթէ համաձայնուած չ’լինեն։ 4 Մի՞թէ առիւծը կ’մռնչէ անտառումը, եթէ որս չ’ունենայ. Մի՞թէ առոյգ առիւծը ձայնը կ’հանէ իր որջիցը, եթէ մի բան որսած չ’լինի։ 5 Մի՞թէ վայր կ’ընկնի թռչունը երկրի վերայ վարմի մէջը, եթէ նորա համար լարող եղած չ’լինի. Մի՞թէ վարմը վեր կ’առնուի երկրի վերայից, եթէ մի որս որսած չ’լինի։ 6 Կամ եթէ փող փչուի քաղաքում, եւ ժողովուրդը չի՞ վախենալ, կամ գ չարիք կ’լինի՞ մի քաղաքում, որ Տէրը չ’լինի արած այն։ 7 Որովհետեւ Տէր Եհովան ոչ մի բան չի անիլ, դ եթէ չ’յայտնէ իր խորհուրդը իր ծառաներին՝ մարգարէներին։ 8 ե Առիւծը մռնչել է, ո՞վ չէ վախենում. Տէր Եհովան է խօսում, զ ո՞վ չի մարգարէանալ։
9 Հրատարակեցէք Ազովտոսի պալատների վերայ, եւ Եգիպտոսի երկրի մէջ պալատների վերայ, եւ ասեցէք. Ժողովուեցէք Սամարիայի սարերի վերայ, եւ մտիկ արէք նորա միջի շատ խռովութիւններին եւ նորա միջի հարստահարութիւններին։ 10 է Եւ չգիտեն ուղղութիւն անել, ասում է Տէրը, իրանց պալատներումը զրկանք ու յափշտակութիւն դիզողները։ 11 Սորա համար այսպէս է ասում Տէր Եհովան. ը Թշնամի՜, եւ այն էլ երկրի շուրջը. Եւ նա պիտի իջեցնէ քեզանից քո ոյժը, եւ քո պալատները պիտի կողոպտուին։
12 Այսպէս է ասում Տէրը. Ինչպէս որ հովիւն է ազատում առիւծի բերանից երկու ոլոքներ կամ մի ականջի բլթակ, այնպէս էլ պիտի ազատուին Իսրայէլի որդիքը, որոնք բնակվում են Սամարիայումը՝ բազմոցի անկիւնի վերայ եւ դամասկեայ անկողնի վերայ։
13 Լսեցէք եւ վկայեցէք Յակոբի տանը, ասում է Տէր Եհովան՝ Զօրաց Աստուածը. 14 Այն օրը երբ որ կ’բերեմ Իսրայէլի յանցանքների պատիժը իր վերայ, եւ կ’պատժեմ Բեթէլի սեղանները. Այն ժամանակ կ’կոտրուին սեղանի եղջիւրներն ու գետինը կ’ընկնեն։ 15 Եւ ես կ’ջարդեմ թ ձմերային տունը եւ ժ ամարային տունը, եւ կ’կորչեն ի փղոսկրեայ տուները, եւ բնաջինջ կ’լինեն մեծամեծ տները, ասում է Տէրը։
Ամովս 3
