1 ա Նորա օրերումը Բաբիլոնի Նաբուգոդոնոսոր թագաւորը վեր եկաւ. Եւ Յովակիմը ծառայ եղաւ նորան երեք տարի, եւ դարձեալ նորանից ապստամբուեց։ 2 բ Եւ Տէրը նորա վերայ ուղարկեց գ Քաղդէացիների գունդերը, եւ Ասորիների գունդերը, եւ Մովաբացիների գունդերը եւ դ Ամմոնի որդկանց գունդերը, եւ նորանց ուղարկեց Յուդայի վերայ, որ նորան փչացնէ ե Տիրոջ այն խօսքին համեմատ, որ խօսել էր իր ծառաների՝ մարգարէների ձեռով։ 3 Սակայն սա Տիրոջ պատուէրի համեմատ եղաւ Յուդայի դէմ, որ նորան մերժէ իր առաջիցը զ Մանասէի մեղքերի համար՝ այն բոլորի համար, որ արել էր։ 4 է Նաեւ անմեղ արիւն էր թափել եւ Երուսաղէմը լցրել էր անմեղ արիւնով. Եւ Տէրը չ’ուզեց ներել։
5 ը Եւ Յովակիմի գործերի մնացորդը եւ նորա բոլոր արածը, ահա նորանք բոլորը գրուած են Յուդայի թագաւորների յիշատակաց գրքումը։ 6 Եւ թ Յովակիմը ննջեց իր հայրերի հետ, եւ նորա որդի ժ Յովաքինը թագաւոր եղաւ նորա տեղ։
7 Եգիպտոսի թագաւորը այլ եւս դուրս չ’եկաւ իր երկրիցը. Որովհետեւ ի Բաբիլոնի թագաւորը Եգիպտոսի հեղեղատիցը մինչեւ Եփրատ գետը առաւ բոլորը ինչ որ Եգիպտոսի թագաւորինն էր։
8 լ Տասնեւութ տարեկան էր Յովաքինը, երբոր թագաւոր եղաւ եւ երեք ամիս թագաւորեց Երուսաղէմումը, եւ նորա մօր անունն էր Նեհուսթա՝ դուստր Երուսաղէմացի Եղնաթանի։ 9 Եւ նա չարութիւն արաւ Տիրոջ աչքի առաջին բոլորովին խ իր հօր արածին պէս։
10 ծ Այն ժամանակը Բաբիլոնի Նաբուգոդոնոսոր թագաւորի ծառաները վեր եկան Երուսաղէմ, եւ քաղաքը պաշարման մէջ ընկաւ։ 11 Եւ Բաբիլոնի Նաբուգոդոնոսոր թագաւորը եկաւ քաղաքի վերայ, եւ նորա ծառաները նորան պաշարել էին։ 12 Եւ կ Յուդայի Յովաքին թագաւորը դուրս եկաւ Բաբիլոնի թագաւորի դէմ իր մօր եւ իր ծառաների եւ իշխանների եւ իր ներքինիների հետ, եւ նորան հ բռնեց Բաբիլոնի թագաւորը իր թագաւորութեան ութերորդ տարին։ 13 Եւ այնտեղից հանեց Տիրոջ տան բոլոր գանձերը եւ ձ թագաւորի տան գանձերը, եւ կոտրատեց այն բոլոր ոսկի ղ անօթները, որ Իսրայէլի ճ Սողոմոն թագաւորը շինել էր Տիրոջ տաճարումը, մ ինչպէս որ Տէրը ասել էր։ 14 Եւ գերի փոխադրեց յ բոլոր Երուսաղէմին եւ բոլոր իշխաններին եւ բոլոր քաջազուններին՝ ն տասը հազար գերի եւ շ բոլոր հիւսերին եւ դարբիններին. Ոչ ոք չ’մնաց բացի ժողովրդի ո աղքատներից։ 15 Եւ չ գերի փոխադրեց Յովաքինին Բաբիլոն, եւ թագաւորի մօրը եւ թագաւորի կնիկներին եւ նորա ներքինիներին եւ երկրի զօրաւորներին գերի տարաւ Երուսաղէմից Բաբիլոն։ 16 Եւ պ բոլոր զինուորներին՝ եօթը հազար, եւ հիւսերին եւ դարբիններին՝ հազար, բոլոր քաջերին, պատերազմ անողներին Բաբիլոնի թագաւորը գերի տարաւ Բաբիլոն։ 17 Եւ Բաբիլոնի ջ թագաւորը ռ նորա հօրեղբօրը՝ Մաթանիային թագաւոր շինեց նորա տեղ, եւ ս նորա անունը փոխեց Սեդեկիա։
18 վ Քսանեւմէկ տարեկան էր Սեդեկիան, երբոր թագաւոր եղաւ եւ տասնեւմէկ տարի թագաւորեց Երուսաղէմումը եւ նորա մօր անունն էր տ Ամիտաղ՝ դուստր Լեբնացի Երեմիայի։ 19 ր Եւ նա չարութիւն արաւ Տիրոջ աչքի առաջին բոլորովին Յովակիմի արածին պէս։ 20 Որովհետեւ Տիրոջ բարկութիւնը Երուսաղէմի եւ Յուդայի դէմ էր, մինչեւ որ նորանց մերժէ իր երեսի առաջից։ Եւ ց ապստամբուեց Սեդեկիան Բաբիլոնի թագաւորի դէմ։
Դ Թագավորաց 24
