1 Այսպէս ասեց Տէրը. Գնա մի բրուտի հողի կուժ առ, եւ ժողովրդի ծերերիցն ու քահանաների ծերերիցն էլ. 2 ա Եւ դուրս եկ Ենովմի որդիի ձորը, որ Հարսութի դռան մուտքի մօտին է, եւ կանչիր այնտեղ այն խօսքերը, որ կ’ասեմ քեզ։ 3 բ Եւ ասիր. Լսեցէք Տիրոջ խօսքը, ով Յուդայի թագաւորներ, եւ ով Երուսաղէմի բնակիչներ. Այսպէս է ասում Զօրաց Տէրը՝ Իսրայէլի Աստուածը. Ահա ես չարիք եմ բերելու այս տեղի վերայ, որ ամեն լսողի գ ականջները ծվվան։ 4 Նորա համար դ որ ինձ թողեցին եւ օտարացրին այս տեղը, եւ նորանում խունկ ծխեցին ուրիշ աստուածների, որոնց չէին ճանաչում իրանք եւ իրանց հայրերն ու Յուդայի թագաւորները, եւ այս տեղն ե անմեղների արիւնով լցրին։ 5 Եւ զ շինեցին Բահաղի բարձրաւանդակները, որ իրանց որդկանցը կրակով այրեն, իբրեւ ողջակէզներ Բահաղի համար, է որ ես չեմ պատուիրել, եւ չեմ ասել, եւ միտքս էլ չէ եկել։ 6 Վասն որոյ ահա օրեր կ’գան, ասում է Տէրը, որ այլ եւս այստեղին Տօփէթ եւ ը Ենովմի որդիի ձոր չի ասուիլ, այլ սպանութեան ձոր։ 7 Եւ ես պիտի խափանեմ այս տեղումը Յուդայի եւ Երուսաղէմի խորհուրդը, եւ թ նորանց պիտի սրով կործանեմ իրանց թշնամիների առաջին, եւ նորանց հոգիները պահանջողների ձեռքովը, եւ ժ նորանց դիակները պիտի տամ իբրեւ կերակուր երկնքի թռչուններին եւ երկրի գազաններին։ 8 Եւ այս քաղաքը կ’շինեմ ի աւերակ եւ նախատինք. Ամեն նորա մօտով անցնողը պիտի հիանայ եւ պիտի սուլէ նորա բոլոր հարուածների մասին։ 9 Եւ լ նորանց պիտի ուտեցնեմ իրանց որդկանց միսը եւ իրանց աղջկերանց միսը, եւ ամեն մարդ իր ընկերի միսն է ուտելու այն պաշարմունքի եւ նեղութեան մէջ, որով պիտի նեղեն նորանց իրանց թշնամիքը եւ նորանց հոգին պահանջողները։
10 Եւ խ կոտրիր այն կուժը քեզ հետ գնացող մարդկանց աչքի առաջին։ 11 Եւ ասիր նորանց. Այսպէս է ասում Զօրաց Տէրը. ծ Սորա պէս պիտի կոտրեմ այս ժողովուրդը եւ այս քաղաքը, ինչպէս որ մի մարդ կոտրում է բրուտի ամանը, որ այլ եւս չի նորոգուիլ. Եւ կ Տօփէթումը պիտի թաղուին, թաղելու տեղ չ’լինելու համար։ 12 Այսպէս պիտի անեմ այս տեղին, ասում է Տէրը, եւ նորա բնակիչներին, եւ այս քաղաքը Տօփէթի պէս պիտի անեմ։ 13 Եւ Երուսաղէմի տները, եւ Յուդայի թագաւորների տները հ Տօփէթի տեղին պէս պիղծ կ’լինեն, այն բոլոր տների մասին, ձ որոնց կտրներին խունկ են ծխել երկնքի բոլոր զօրքերի համար եւ ղ թափելու նուէրներ են թափել օտար աստուածների։
14 Եւ Երեմիան եկաւ Տօփէթից, ուր որ Տէրը ուղարկել էր նորան մարգարէութիւն անելու, եւ կանգնեց ճ Տիրոջ տան գաւիթումը եւ ասեց բոլոր ժողովրդին. 15 Այսպէս է ասում Զօրաց Տէրը՝ Իսրայէլի Աստուածը. Ահա ես այս քաղաքի վերայ եւ նորա բոլոր քաղաքների վերայ պիտի բերեմ այն ամեն չարիքը, որ ասել եմ նորա մասին. Որովհետեւ մ նորանք խստացրել են իրանց պարանոցը, որ իմ խօսքերը չ’լսեն։
Երեմիա 19
