1 ա Մովաբի մասին այսպէս է ասում Զօրաց Տէրը՝ Իսրայէլի Աստուածը. Վա՜յ բ Նաբաւին, որ աւերակ է դառել. գ Կարիաթեմն ամաչեց՝ առնուեցաւ, ամաչեց Մասգաբը եւ զարհուրեց։ 2 Այլ եւս դ Մովաբի պարծենալը չ’կայ ե Եսեբոնում. Նորա վերայ չարիք են խորհում, ասելով՝ Գնանք նորան փչացնենք ազգութիւնից. Դու էլ, ով Մադմէն, պիտի պապանձես. Ետեւիցդ գալիս է սուրը։ 3 զ Աղաղակի ձայն է գալիս Որոնայիմիցը, աւերո՜ւմ եւ մեծ կոտորա՜ծ։ 4 Մովաբը փշրուեցաւ. Նորա պզտիկները աղաղակ բարձրացրին։ 5 Որովհետեւ է Ղուիթի զառիվերովը լացով են վեր ելնում՝ լացով. Որովհետեւ Որոնայիմի զառիվայրի վերայ լսում են թշնամիքը կոտորածի աղաղակ։ 6 ը Փախէք, ազատեցէք ձեր անձը. Եւ թ մոշենիի պէս եղէք անապատումը։ 7 Որովհետեւ քո գործերին եւ քո գանձերին վստահելուդ համար դու էլ պիտի առնուիս. Եւ ժ Քամովսը պիտի գերի գնայ՝ ի նորա քահանաները եւ նորա իշխանները միասին իր հետ։ 8 Եւ լ պիտի գայ կործանողը ամեն քաղաքի վերայ, եւ ոչ մի քաղաք պիտի չ’պրծնէ, եւ հովիտը պիտի փչանայ եւ դաշտը աւերուի, որն որ ասել է Տէրը։ 9 խ Մովաբին թեւեր տուէք, որ թռչէ փախչէ. Եւ նորա քաղաքները աւերակ պիտի դառնան, բնակիչ պիտի չ’լինի նորանցում։ 10 ծ Անիծեալ լինի Տիրոջ գործը թուլութեամբ անողը, եւ անիծեալ լինի իր սուրը արիւնից խնայողը։
11 Հանգիստ էր Մովաբն իր մանկութիւնից ի վեր, եւ հանդարտ մնացել էր կ իր մրուրի վերայ, նա չ’թափուեցաւ ամանից աման, եւ գերութեան չ’գնաց. Դորա համար նորա համը մնաց իրանում եւ հոտը չ’փոխուեցաւ։ 12 Ուրեմն ահա օրեր են գալիս, ասում է Տէրը, որ ես նորա համար փոխադրողներ կ’ուղարկեմ, եւ նորանք կ’փոխադրեն նորան, եւ նորա ամանները կ’դարտակեն եւ նորա տիկերը կ’պատառոտեն։ 13 Եւ Մովաբը կ’ամաչէ հ Քամովսից, ինչպէս որ Իսրայէլի տունը ձ ամաչեց իր ապաւինած ղ Բեթէլից։ 14 Ի՞նչպէս էք ասում, ճ Մենք տղամարդիկ ենք, եւ զօրաւոր մարդիկ՝ պատերազմի համար։ 15 մ Մովաբը քանդուեցաւ եւ նորա քաղաքները վեր ելան, եւ նորա ընտիր երիտասարդները իջան յ մորթուելու, ասում է ն Թագաւորը՝ որի անունը Զօրաց Տէր է։ 16 Մօտ է Մովաբի կորուստը որ գայ, եւ նորա ձախորդութիւնը շտապում է։ 17 Ողբացէք նորա վերայ, ով բոլոր նորա շրջակայքը, եւ ով բոլոր նորա անունը գիտացողներ, ասեցէք, Ի՜նչպէս կոտրուեցաւ շ զօրութեան գաւազանը՝ փառաց ցուպը։ 18 Իջիր փառքիցը եւ նստիր ծարաւութիւնում, ո ով Դեբոնում բնակող աղջիկ. Որովհետեւ չ Մովաբը կործանողը քեզ վերայ է յարձակուելու, եւ քարուքանդ է անելու քո բերդերը։ 19 պ Ճանապարհին կանգնիր եւ դիտիր, ով ջ Արոերի բնակիչ, հարցրու փախչողին եւ պրծնողին, ասիր՝ Ի՞նչ դառաւ։
20 Ամաչեց Մովաբը, որովհետեւ կոտրուեցաւ. ռ ոռնա եւ գոռա. Պատմեցէք ս Առնոնումը, թէ աւերակ եղաւ Մովաբը։ 21 Եւ դատաստան եկաւ վ դաշտի երկրի վերայ Քօզոնի, Յասսայի եւ Մեփայաթի վերայ. 22 Եւ Դեբոնի վերայ, Նաբաւի վերայ, եւ Բեթդէբլաթեմի վերայ, 23 Եւ Կարիաթեմի վերայ, եւ Բեթգամովղի վերայ եւ Բեթմաւոնի վերայ. 24 Եւ տ Կարիօթի վերայ, եւ Բօսրայի վերայ, եւ Մովաբի երկրի բոլոր քաղաքների վերայ, հեռաւորների եւ մօտաւորների վերայ։ 25 ր Կոտրուեցաւ Մովաբի եղջիւրը, եւ ց նորա բազուկը փշրուեցաւ, ասում է Տէրը։ 26 ւ Նորան արբեցրէք, որովհետեւ նա գոռոզացաւ Տիրոջ դէմ, որ թաւալուի Մովաբն իր փսխածումը եւ ինքն էլ ծաղր լինի։ 27 Կամ փ մի՞թէ Իսրայէլը ծաղր չ’եղաւ քեզ համար, ք կամ նա գողերի միջում գտնուեցա՞ւ. Որ քանիցս որ նորա վերայ խօսէիր, գլուխդ էիր շարժում։ 28 Ձգեցէք քաղաքները եւ օ վէմերում բնակուեցէք, ով Մովաբի բնակիչներ. Եւ աղաւնիի նման եղէք, որ բոյն է դնում անդունդի բերանի անցքումը։
29 ֆ Մենք լսել ենք Մովաբի ամբարտաւանութիւնը. Նա շատ ամբարտաւան է. Նորա հպարտութիւնը, եւ նորա ամբարտաւանութիւնը, նորա գոռոզութիւնը եւ նորա բարձրամտութիւնը։ 30 Ես գիտեմ, ասում է Տէրը, նորա սրտմտութիւնը, բայց պարապ է. Նորա և սնապարծ խօսքերը ոչինչ չեն գործել։ 31 Սորա համար ա պիտի ողբամ Մովաբի վերայ, եւ աղաղակեմ բոլոր Մովաբի վերայ, Կիրհարեսի մարդկանց համար հառաչում են։ 32 Յազերի լացովը լաց եմ լինելու քեզ վերայ, բ ով Սեբամայի որթը, քո շառաւիղները անցան ծովիցը, մինչեւ Յազերի ծովն են հասել. Քո ամառային պտուղի եւ քո այգեկութի վերայ աւարառու յարձակուեցաւ։ 33 Եւ վեր է առնուելու ուրախութիւնն ու ցնծութիւնը գ պտղաբեր արտերիցն ու Մովաբի երկրիցը, եւ գինին դադարեցնելու եմ հնձաններիցը, ուրախութիւնով խաղող պիտի չ’կոխուի, եւ խաղող կոխելու ուրախութիւնը ուրախութիւն չէ լինելու։ 34 դ Եսեբոնի աղաղակից մինչեւ Եղէաղէ մինչեւ Յասսա տուին իրանց ձայնը. ե Սեգովրից մինչեւ Որոնայիմ եռամեայ երինջի նման. Որովհետեւ Նեմերիմի ջուրերը անապատ են դառել։ 35 Եւ պիտի դադարեցնեմ Մովաբից, ասում է Տէրը, զ բարձրաւանդակում ողջակէզ մատուցանողին, եւ նորա աստուածներին խունկ ծխողին։
36 Սորա համար է սիրտս հնչում է սրինգների պէս Մովաբի վերայ, եւ իմ սիրտը Կիրհարեսի մարդկանց վերայ հնչում է սրինգների պէս, սորա համար ը այն հարստութիւնը, որ արել էին, փչանում է։ 37 Որովհետեւ թ ամեն գլուխ պիտի կնտանայ, եւ ամեն մօրուք կտրուի, բոլոր ձեռքերի վերայ կտրածներ պիտի լինեն, եւ ժ մէջքի վերայ՝ քուրձ։ 38 Մովաբի բոլոր կտուրների վերայ եւ նորա փողոցներումը բոլորովին ողբ պիտի լինի, որ ես կոտրեցի Մովաբին մի այնպիսի ի ամանի պէս, որից չեն ախորժիլ, ասում է Տէրը։ 39 Ի՜նչպէս կոտրուեցաւ. Ոռնում են. Ի՜նչպէս է Մովաբը մէջքը դարձնում ամօթով. Եւ Մովաբը ծաղր ու սոսկում պիտի լինի բոլոր իրան շրջապատողների համար։ 40 Որովհետեւ այսպէս է ասում Տէրը. Ահա լ արծիւի պէս թռչում է, եւ տարածում խ իր թեւերը Մովաբի վերայ։ 41 Քաղաքները առնվում են, եւ բերդերը՝ նուաճվում. Եւ այն օրը ծ Մովաբի տղամարդկանց սիրտը երկանց ցաւ քաշող կնոջ սրտին պէս կ’լինի։ 42 Եւ Մովաբը կ պիտի ոչնչանայ ժողովուրդ լինելուց, որովհետեւ նա գոռոզացաւ Տիրոջ դէմ։ 43 հ Վախ ու վիհ ու վարմ քեզ վերա՜յ, ով Մովաբի բնակիչ, ասում է Տէրը։ 44 Վախիցը փախչողը վիհը պիտի ընկնէ, եւ վիհիցը դուրս ելնողը վարմումը պիտի բռնուի. Որովհետեւ ես ձ նորա վերայ այսինքն Մովաբի վերայ պիտի բերեմ նորանց այցելութեան տարին, ասում է Տէրը։ 45 Եսեբոնի հովանումը կանգնում են ուժը գնացած փախստականները. Բայց կրակ դուրս եկաւ ղ Եսեբոնից եւ Սեհոնի միջից՝ բոց, եւ կերաւ ճ Մովաբի ծայրը եւ աղմուկի որդկանց գագաթը։ 46 մ Վա՜յ քեզ, Մովաբ, կորաւ Քամովսի ժողովուրդը, որովհետեւ քո տղերքը գերի առնուեցան, եւ աղջկերքդ՝ գերութեան։ 47 Բայց յ ետքի օրերը ետ պիտի դարձնեմ Մովաբի գերութիւնը, ասում է Տէրը։
47 Մինչեւ այստեղ է Մովաբի դատաստանը։
Երեմիա 48
