1 Եւ եղաւ որ Դարեհ թագաւորի չորրորդ տարումը Տիրոջ խօսքը եղաւ Զաքարիային իններորդ ամսի՝ այսինքն Քասղեւի չորսին, 2 Երբոր Սարասարին եւ Ռէկէմմելէքին եւ նորա մարդկանցը Աստուծոյ տունը ուղարկեցին, որ ա Տիրոջ առաջին աղօթք մատուցանեն. 3 Ասելով Զօրաց Տիրոջ տան վերայ եղող բ քահանաներին եւ մարգարէներին. Արդեօ՞ք լաց լինեմ գ հինգերորդ ամիսը ինձ պահելով, ինչպէս որ այսքան տարիներ արել եմ։ 4 Եւ Զօրաց Տիրոջ խօսքը եղաւ ինձ ասելով. 5 Ասիր այս երկրի բոլոր ժողովրդին եւ քահանաներին թէ Երբոր դ ծոմ էիք պահում եւ սուգ անում հինգերորդ ու ե եօթներորդ ամիսները զ ահա այս եօթանասուն տարին, մի՞թէ է ինձ համար էիք ծոմ պահում։ 6 Եւ երբոր ուտում էիք, ու երբոր խմում էիք, մի՞թէ ձեզ համար չէիք ուտում եւ ձեզ համար խմում։ 7 Մի՞թէ նոյն խօսքերը չ’հրատարակեց Տէրը առաջի մարգարէների ձեռովը, քանի որ Երուսաղէմը եւ նորա շրջակայ քաղաքները շէն եւ հանգիստ էին, եւ ը հարաւային ու դաշտային կողմերը շէն էին։
8 Եւ Տիրոջ խօսքը եղաւ Զաքարիային ասելով. 9 Այսպէս է ասում Զօրաց Տէրը թէ թ Արդար դատաստան արէք, եւ ողորմութիւն ու գթութիւն արէք ամեն մէկդ իր եղբօրը. 10 Եւ ժ որբեւայրիին ու որբին, օտարականին ու տնանկին մի զրկէք, եւ ի միմեանց դէմ չարութիւն մի մտածէք ձեր սրտերումը։ 11 Բայց նորանք մերժեցին ականջ դնել, եւ լ ուսը խոտորեցին, եւ խ իրանց ականջները ծանրացրին որ չ’լսեն։ 12 Եւ իրանց ծ սիրտը անդամանդի պէս շինեցին, կ որ չ’լսեն օրէնքը եւ այն խօսքերը որ Զօրաց Տէրը իր հոգովը առաջի մարգարէների ձեռովը ուղարկեց. հ եւ մեծ բարկութիւն եղաւ Զօրաց Տիրոջ կողմանէ։ 13 Եւ եղաւ որ ինչպէս նա կանչեց, ու նորանք չ’լսեցին, այնպէս էլ ձ նորանք կանչեցին եւ ես չ’լսեցի, ասում է Զօրաց Տէրը։ 14 Եւ ես փոթորիկով քշեցի նորանց ղ ամեն ազգերի մէջ, որոնց ճ նորանք չ’գիտէին, եւ մ երկիրը ամայացաւ նորանց ետեւից անցուդարձից, եւ յ ցանկալի երկիրը ամայի արին։
Զաքարիա 7
