1 Եւ սորանցից յետոյ լսեցի շատ բազմութեան ա մեծ ձայնի պէս մի ձայն երկնքումը որ ասում էր. Ալէլուիա, բ փրկութիւնը եւ փառքը եւ պատիւը եւ զօրութիւնը մեր Տէր Աստուծուն։ 2 գ Որովհետեւ ճշմարիտ եւ արդար են նորա դատաստանները. Որովհետեւ նա այն մեծ պոռնիկին դատեց նորա պոռնկութիւնումը, եւ դ իր ծառաների արիւնի վրէժն առաւ նորա ձեռքիցը։ 3 Եւ երկրորդ անգամ ասեցին, Ալէլո՜ւիա. Եւ ե նորա ծուխը բարձրանում էր յաւիտեանս յաւիտենից։ 4 Եւ զ քսան եւ չորս երէցները եւ չորս կենդանիները վայր ընկան եւ երկրպագեցին Աստուծուն որ աթոռի վերայ նստած էր եւ ասեցին. է Ամէն, Ալէլո՜ւիա։ 5 Եւ աթոռիցը մի ձայն դուրս եկաւ ասելով. ը Օրհնեցէք մեր Աստուծուն, ով նորա բոլոր ծառաները, եւ նորանից վախեցողները, թ փոքրերը եւ մեծերը։ 6 ժ Եւ ես լսեցի իբր մի մեծ բազմութեան ձայն եւ իբր շատ ջրերի ձայն, սաստիկ որոտմունքի ձայնի նման. Որ ասում էր. Ալէլո՜ւիա, ի որովհետեւ Ամենակալ Տէր Աստուածը թագաւորեց։ 7 Խնդանք եւ ուրախ լինենք, եւ փառքը տանք նորան լ որ եկաւ Գառի հարսանիքը, եւ նորա կինը պատրաստեց իրան։ 8 խ Եւ տրուեցաւ նորան որ սպիտակ սուրբ եւ լուսափայլ բեհեզ հագնի. ( ծ որովհետեւ բեհեզը սուրբերի արդարութինն է։) 9 Եւ ասեց ինձ. Գրիր, կ Երանելի են Գառի հարսանիքի ընթրիքին կանչուածները. Եւ ասեց ինձ. Սորանք Աստուծոյ ճշմարիտ խօսքերն են։ 10 հ Եւ ես ընկայ նորա ոտների առաջին որ երկրպագեմ նորան, եւ ասեց ինձ. Զգոյշ կաց, ձ մի անիր. Ես ծառայակից եմ քեզ եւ քո եղբայրներին, ղ որ Յիսուս Քրիստոսի վկայութիւնն ունին. Տէր Աստուծուն երկրպագիր. Որովհետեւ Յիսուսի վկայութիւնը մարգարէութեան հոգին է։
11 ճ Եւ տեսայ երկինքը բացուած, մ եւ ահա մի սպիտակ ձի, եւ նա որ նորա վերայ նստած էր, կոչվում էր յ Հաւատարիմ եւ Ճշմարիտ, եւ ն արդարութիւնով է դատաստան անում եւ պատերազմում։ 12 շ Եւ նորա աչքերը կրակի բոցի պէս, ո եւ նորա գլխի վերայ շատ պսակներ. Եւ չ անուն ունէր գրած, որ ոչ ով չ’գիտէր բայց միայն ինքն։ 13 պ Եւ իր վերայ հանդերձ էր հագած արիւնով ներկուած, ջ եւ նորա անունն կոչվում է Աստուծոյ Բան։ 14 ռ Եւ երկնքի զօրքերը նորա ետեւից գնում էին սպիտակ ձիերի վերայ ս սպիտակ եւ մաքուր բեհեզ հագած։ 15 վ Եւ նորա բերանիցը դուրս է գալիս սրած սուր, որ նորանով զարկէ ազգերին. տ եւ ինքը հովուում է նորանց երկաթէ գաւազանով. Եւ ր ինքը կոխում է Ամենակարող Աստուծոյ բարկութեան եւ սրտմտութեան գինու հնձանը։ 16 ց Եւ իր հանդերձի վերայ, եւ իր ազդրի վերայ գրած էր անունը, ւ ԹԱԳԱՒՈՐՆԵՐԻ ԹԱԳԱՒՈՐ ԵՒ ՏԷՐԵՐԻ ՏԷՐ։
17 Եւ տեսայ մի ուրիշ հրեշտակ որ կանգնած էր արեգակի վերայ, եւ փ մեծ ձայնով աղաղակեց ասելով ամեն թռչուններին որ երկնքի մէջ թռչում են. ք Եկէք հաւաքուեցէք մեծ Աստուծոյ ընթրիքին. 18 օ Որ ուտէք թագաւորների մարմինները, եւ հազարապետների մարմինները եւ հզօրների մարմինները. Եւ ձիերի եւ նորանց վերայ նստողների մարմինները, եւ ամենի մարմինները՝ ազատների եւ ծառաների, մեծերի եւ փոքրերի։
19 ֆ Եւ տեսայ գազանը եւ երկրի թագաւորները եւ նորանց զօրքերը մէկ տեղ ժողովուած որ պատերազմ անեն ձիին վերայ նստողի հետ եւ նորա զօրքերի հետ։ 20 և Եւ գազանը բռնուեցաւ, եւ նորա հետ սուտ մարգարէն էլ որ նշաններ էր անում նորա առաջին, որոնցով մոլորեցրեց նորանց որ գազանի դրոշմն առան, եւ նորանց էլ ա որ երկրպագեցին նորա պատկերին. Եւ բ երկուսն էլ կենդանի կենդանի գցուեցան կրակի լիճի մէջը գ որ ծծմբով այրվում է։ 21 դ Եւ մնացեալները սպանուեցան ձիին վերայ նստողի սրիցը, որ նորա բերանիցը դուրս էր գալիս. ե եւ բոլոր թռչունները զ կշտացան նորանց մարմիններիցը։
Հայտնություն 19
