1 Եւ աթոռի վերայ նստողի աջ ձեռքումը ա մի գիրք տեսայ, որ ներսեւանց եւ դրսեւանց գրուած էր, բ եօթը կնիքով կնքուած։ 2 Եւ մի զօրաւոր հրեշտակ տեսայ որ մեծ ձայնով քարոզում էր. Ո՞վ է արժանի բանալ այս գիրքը եւ սորա կնիքները լուծել։ 3 Եւ գ ոչ ով՝ ոչ երկնքումը եւ ոչ երկրի վերայ եւ ոչ երկրի ներքեւումն, չէր կարողանում այն գիրքը բանալ, եւ ոչ էլ նայել նորա մէջ։ 4 Եւ ես շատ լաց էի լինում, որ ոչ ով չ’գտնուեցաւ արժանի այն գիրքը բանալու [եւ կարդալու] եւ ոչ նորա մէջ նայելու։ 5 Եւ երէցներից մէկն ասեց ինձ. Լաց մի լինիր, դ ահա յաղթեց առիւծը որ Յուդայի ցեղիցն է՝ ե Դաւիթի Արմատը, որ գիրքը բանայ եւ զ նորա եօթը կնիքները լուծէ։ 6 Եւ տեսայ, եւ ահա այն աթոռի մէջ եւ չորս կենդանիների մէջ եւ երէցների մէջ է մի Գառն կանգնած մորթուածի նման, որ եօթը եղջիւր ունէր եւ ը եօթն աչք, թ որ Աստուծոյ եօթը Հոգիքն են, որ ուղարկվում են բոլոր երկիրը։ 7 Եւ նա եկաւ եւ ժ գիրքն առաւ աթոռի վերայ նստողի աջ ձեռքիցը։ 8 Եւ երբոր գիրքն առաւ ի չորս կենդանիները եւ քսանեւչորս երէցները ընկնում էին Գառի առաջին. լ ամեն մէկը ունէին քնարներ եւ ոսկի բուրվառներ խնկով լիքը, խ որ սուրբերի աղօթքն է։ 9 ծ Եւ նոր երգ են երգում եւ ասում. կ Արժանի ես առնելու այդ գիրքը եւ դորա կնիքները բանալու, հ որովհետեւ մորթուեցար, եւ ձ քո արիւնովը մեզ գնեցիր Աստուծոյ համար ղ ամեն ցեղից եւ լեզուից եւ ժողովրդից եւ ազգից. 10 ճ Եւ մեր Աստուծոյ համար մեզ թագաւորներ եւ քահանաներ արիր, եւ երկրի վերայ թագաւորութիւն կ’անենք։ 11 Եւ տեսայ, եւ շատ հրեշտակների ձայն լսեցի մ աթոռի եւ չորս կենդանիների եւ երէցների չորս կողմովը. Եւ յ նորանց համարն էր բիւրերի բիւրեր եւ հազարների հազարներ. 12 Որ մեծ ձայնով ասում էին. ն Արժանի է մորթուած Գառն առնելու եւ զօրութիւն, եւ հարստութիւն, եւ իմաստութիւն, եւ կարողութիւն, եւ պատիւ, եւ փառք, եւ օրհնութիւն։ 13 շ Եւ ամեն ստեղծուած, որ երկնքումն է, եւ երկրի վերայ, եւ երկրի տակ, եւ ծովումը. Եւ նորանք ամենը որ նորա մէջ են, լսեցի որ ասում էին. ո Աթոռի վերայ նստողին եւ Գառին լինի չ օրհնութիւնը, եւ փառքը, եւ կարողութիւնը յաւիտեանս յաւիտենից։ 14 պ Եւ չորս կենդանիներն ասում էին, Ամէն. Եւ քսանեւչորս երէցներն ջ ընկան եւ երկրպագութիւն արին նորան որ կենդանի է յաւիտեանս յաւիտենից։
Հայտնություն 5
