1 Եւ սորանից յետոյ տեսայ չորս հրեշտակ՝ կանգնած երկրի չորս անկիւնումը, եւ ա երկրի չորս քամին բռնած, բ որ քամի չ’փչէ երկրի վերայ, եւ ոչ էլ ծովի վերայ, եւ ոչ մի ծառի վերայ։ 2 Եւ մի ուրիշ հրեշտակ տեսայ, որ դուրս էր գալիս արեւելքիցը, եւ Կենդանի Աստուծոյ կնիքն ունէր, եւ մեծ ձայնով աղաղակեց այն չորս հրեշտակներին որոնց իշխանութիւն տրուեցաւ երկրին եւ ծովին վնասելու, 3 Եւ ասում էր. գ Վնաս մի տաք ոչ երկրին, ոչ ծովին. Եւ ոչ էլ ծառերին, մինչեւ որ մեր Աստուծոյ ծառաների վերայ դ կնիք դնենք նորանց ե ճակատներումը։ 4 զ Եւ կնքուածների համարը լսեցի է հարիւր քառասունեւչորս հազար կնքուած Իսրայէլի որդկանց ամեն ցեղերիցը։ 5 Յուդայի ցեղիցը տասնեւերկու հազար կնքուած. Ռուբենի ցեղիցը տասնեւերկու հազար կնքուած. Գադի ցեղիցը տասնեւերկու հազար կնքուած. 6 Ասերի ցեղիցը տասնեւերկու հազար կնքուած. Նեփթաղիմի ցեղիցը տասնեւերկու հազար կնքուած. Մանասէի ցեղիցը տասնեւերկու հազար կնքուած. 7 Շմաւոնի ցեղիցը տասնեւերկու հազար կնքուած. Ղեւիի ցեղիցը տասնեւերկու հազար կնքուած. Իսաքարի ցեղիցը տասնեւերկու հազար կնքուած. 8 Զաբուղոնի ցեղիցը տասնեւերկու հազար կնքուած. Յովսէփի ցեղիցը տասնեւերկու հազար կնքուած. Բենիամինի ցեղիցը տասնեւերկու հազար կնքուած։
9 Եւ սորանցից յետոյ տեսայ, ը եւ ահա մի շատ ժողովուրդ որ ոչ ով չէր կարող համարել, թ ամեն ազգից եւ ցեղերից եւ ժողովուրդներից եւ լեզուներից, կանգնած աթոռի առաջին եւ Գառի առաջին, եւ ժ սպիտակ հանդերձներ հագած, եւ իրանց ձեռքերումն արմաւենիներ. 10 Եւ աղաղակում էին բարձր ձայնով եւ ասում. ի Փրկութիւնը մեր Աստուծուն, լ որ նստում է աթոռի վերայ, եւ Գառին։ 11 խ Եւ բոլոր հրեշտակները կանգնել էին աթոռի եւ երէցների եւ չորս կենդանիների չորս կողմովը, եւ ընկնում էին երեսների վերայ աթոռի առաջին եւ երկրպագում էին Աստուծուն, 12 ծ Ասելով. Ամէն. Օրհնութիւնը եւ փառքը եւ իմաստութիւնը եւ գոհութիւնը եւ պատիւը եւ կարողութիւնը եւ զօրութիւնը լինի մեր Տէր Աստուծուն յաւիտեանս յաւիտենից. Ամէն։ 13 Եւ երէցներից մէկը պատասխանելով ասեց ինձ. Սորանք որ կ սպիտակ հանդերձներ են հագել՝ ո՞վ են եւ կամ ո՞րտեղից են եկել։ 14 Եւ ես ասեցի նորան. Տէր, դու գիտես. Եւ նա ասեց ինձ. հ Սորանք են որ գալիս են այն մեծ նեղութիւնիցը, ձ եւ իրանց հանդերձները լուացին եւ սպիտակացրին Գառի արիւնովը։ 15 Նորա համար Աստուծոյ աթոռի առաջին են, եւ պաշտում են նորան ցերեկ եւ գիշեր նորա տաճարի մէջ. Եւ ղ աթոռի վերայ նստողը իր վրանը կ’տարածէ նորանց վերայ՝՝. 16 ճ Այլ եւս ոչ կ’սովեն եւ ոչ կ’ծարաւին, եւ չի ընկնիլ նորանց վերայ մ ոչ արեւը եւ ոչ մի տաքութիւն։ 17 Որովհետեւ Գառը՝ որ աթոռի մէջ է, յ կ’հովուէ նորանց եւ կ’առաջնորդէ նորանց դէպի կենդանի ջրերի աղբիւրները. Եւ ն Աստուած կ’սրբէ ամեն արտասուքը նորանց աչքերիցը։
Հայտնություն 7
