Աստվածաշունչ

18 Խորանը Սելովումը: Մնացած երկիրը բաժանվում է: Բենիամինի բաժինը:

1 Եւ Իսրայէլի որդկանց բոլոր ժողովքը ա Սելովումը ժողովուեցան, եւ այնտեղ կանգնեցրին ժողովքի խորանը, եւ երկիրը նորանց առաջին նուաճուեցաւ:

2 Եւ Իսրայէլի որդկանց մէջ եօթը ցեղ էր մնացել, որոնք իրանց ժառանգութիւնը չէին առել:

3 Եւ Յեսուն Իսրայէլի որդկանցն ասեց. Մինչեւ ե՞րբ էք դուք թուլութիւն անելու, որ չէք գնում ժառանգէք այն երկիրը որ ձեր հայրերի Տէր Աստուածը ձեզ է տուել:

4 Ամեն ցեղից երեք մարդ բերէք , եւ ես նորանց ուղարկեմ, որ վեր կենան ման գան այն երկրի մէջ եւ գրեն նորան իրանց ժառանգութեան համեմատ եւ ինձ մօտ դառնան:

5 Եւ նորան եօթը մասերի բաժանեն. բ Յուդան կանգնէ իր սահմանումը հարաւային կողմին, եւ գ Յովսէփի տունը իրանց սահմաններումը կանգնեն հիւսիսային կողմին:

6 Եւ դուք երկիրը եօթը բաժին գրեցէք, եւ ինձ մօտ բերէք այստեղ, եւ դ ես ձեզ համար վիճակ գցեմ այստեղ մեր Տէր Աստուծոյ առաջին:

7 Որովհետեւ ե Ղեւտացիները ձեր միջում բաժին չ’ունեն, որովհետեւ նորանց ժառանգութիւնը Տիրոջ քահանայութիւնն է. եւ զ Գադ ու Ռուբէն եւ Մանասէի կէս ցեղը առան իրանց ժառանգութիւնները Յորդանանի այն կողմում դէպի արեւելք, որ Տիրոջ ծառայ Մովսէսը տուաւ նորանց:

8 Եւ այն մարդիկը վեր կացան գնացին. եւ Յեսուն հրամայեց այն երկիրը գրելու գնացողներին ասելով. Գնացէք եւ այն երկրումը ման եկէք եւ նորան գրեցէք. եւ ինձ մօտ դառէք, որ այստեղ Սելովումը Տիրոջ առաջին ձեզ համար վիճակ գցեմ:

9 Եւ այն մարդիկը գնացին, եւ այն երկրի մէջ ման եկան, եւ նորան իր քաղաքներովը եօթը բաժին անելով գրեցին մի գրքի վերայ, եւ եկան Յեսուի մօտ բանակը՝ Սելով:

10 Եւ Յեսուն Սելովումը Տիրոջ առաջին նորանց համար վիճակ գցեց. Եւ Յեսուն այնտեղ երկիրը բաժանեց Իսրայէլի որդկանց վերայ է իրանց բաժինների համեմատ:

11 Եւ Բենիամինի որդկանց ցեղի վիճակն ելաւ իրանց տոհմերի համեմատ. եւ իրանց վիճակի սահմանն ելաւ Յուդայի որդկանց եւ Յովսէփի որդկանց մէջտեղը:

12 ը Եւ նորանց սահմանը եղաւ հիւսիսային կողմումը Յորդանանից, եւ այս սահմանը վեր է ելնում հիւսիսային կողմիցն Երիքովի մօտ, եւ բարձրանում դէպի սարը արեւմուտքում, եւ վերջը հասնում թ Բեթաւանի անապատը.

13 Եւ անցնում է սահմանը այնտեղից Լուզ՝ դէպի Լուզ ժ այսինքն Բեթէլի մօտ հարաւային կողմիցը. եւ իջնում է այս սահմանը Ատարօթ-ադար այն սարի վերայ, որ ի ցածի Բեթորոնի հարաւային կողմումն է:

14 Եւ գնում է այս սահմանը եւ պտոյտ տալիս արեւմտեան կողմով դէպի հարաւ այն սարիցը, որ հարաւային կողմիցը Բեթորոնի դիմացն է, եւ վերջը հասնում է լ Կարիաթ-բաաղի, որ է Կարիաթարիմ Յուդայի որդկանց քաղաքը: Արեւմտեան կողմը այս է:

15 Եւ հարաւային կողմը Կարիաթարիմի ծայրիցը սկսելով, սահմանը դուրս է գալիս դէպի արեւմուտք, ու գնում խ Նափթովայի ջրի աղբիւրը:

16 Եւ իջնում է այս սահմանը Ռափայնոց հովիտի մէջ՝ հիւսիսային կողմում եղող ծ Ենովմի որդիի ձորի դիմացի սարի եզերքը, եւ Յեբուսի մօտիցը դէպի հարաւ Ենովմի ձորն է իջնում կ Ռովդելի աղբիւրը.

17 Եւ գնում է հիւսիսային կողմիցը դուրս գալիս հ Ենսամիւս, եւ գնում է այնտեղից Եդովմինի զառիվերի դէմ եղող Գալիլովթ, եւ իջնում ձ Ռուբէնեան Բաանի վէմը,

18 Եւ անցնում ղ Արաբայի դիմացի կողմիցը դէպի հիւսիս եւ իջնում Արաբաթ.

19 Եւ անցնում է այս սահմանը դէպի հիւսիս ճ Բեթագղայի մօտով եւ վերջը հասնում է այս սահմանը Աղի ծովի հիւսիսային ծոցը՝ Յորդանանի հարաւային ծայրը:

20 Եւ նորա արեւելեան կողմի սահմանը Յորդանանն է: Այս է Բենիամինի որդկանց ժառանգութիւնը շուրջանակի իր սահմաններովը նորանց տոհմերի համեմատ:

21 Եւ Բենիամինի որդկանց ցեղի քաղաքներն իրանց տոհմերի համեմատ՝ մ Երիքով, յ Բեթագղա, Եմեկկասիս,

22 ն Բեթարաբա, շ Սեմարիմ,

23 ո Բեթէլ, Աւիմ, Փարա, չ Եփրա,

24 Քեփարամոննա, Հոփնի եւ պ Գաբա. տասնեւերկու քաղաք եւ նորանց գիւղերը:

25 ջ Գաբաւօն, ռ Ռամա, ս Բերովթ,

26 վ Մասփա, Կեփիրա,

27 Մոսա, Ռէկեմ,

28 Յերփայէլ, Թարաղա, տ Սելա, Էլէփ, ր Յեբուս՝ այսինքն Երուսաղէմ, ց Գաբաաթը, ւ Կարիաթ. տասնեւչորս քաղաք եւ նորանց գիւղերը: Այս է Բենիամինի որդկանց ժառանգութիւնը իրանց տոհմերի համեմատ:

Հեսու 18