1 Եւ Յեսուն առաւօտանց վաղ վեր կացաւ, եւ ինքը եւ բոլոր Իսրայէլի որդիքը ա չուեցին Սատիմիցը, եւ եկան մինչեւ Յորդանանը. եւ անցնելուց առաջ այնտեղ իջեւան արին:
2 Եւ բ երեք օրից յետոյ ոստիկանները անցան բանակի միջովն անցան:
3 Եւ ժողովրդին պատուիրեցին ասելով. գ Երբոր տեսնէք ձեր Տէր Աստուծոյ ուխտի տապանակը, եւ դ Ղեւտացի քահանաներին ու մեր քահանաներին նորան տանելիս, դուք էլ ձեր տեղերիցը չուեցեք, եւ նորա ետեւիցը գնացէք.
4 ե Բայց մի հեռաւորութիւն լինի ձեր եւ նորա մէջտեղում երկու հազար կանգունի չափ. նորան չ’մօտենաք, որպէս զի իմանաք ձեր գնալու ճանապարհը. որովհետեւ այս ճանապարհովն անցած չէք երէկուանից եւ միւս օրուանից:
5 Եւ Յեսուն ասեց ժողովրդին. զ Սրբեցէք ձեր անձերը. որովհետեւ Տէրը էգուց ձեր միջումը հրաշքներ է անելու:
6 Եւ Յեսուն ասեց քահանաներին. թէ Վեր առէք ուխտի տապանակը, եւ անցէք ժողովրդի առաջը: Եւ նորանք վեր առան ուխտի տապանակը. եւ գնացին ժողովրդի առաջիցը:
7 Եւ Տէրն ասեց Յեսուին. Այսօր կ’սկսեմ քեզ մեծացնել է բոլոր Իսրայէլի աչքի առաջին, որ իմանան, թէ ինչպէս որ Մովսէսի հետ էի, քեզ հետ կ’լինեմ:
8 Եւ հիմա դու ուխտի տապանակը վեր առնող քահանաներին պատուիրիր ասելով. Երբոր Յորդանանի ջրի եզերքը հասնէք, Յորդանանումը կանգնեցէք:
9 Եւ Յեսուն ասեց Իսրայէլի որդկանցը. Մօտեցէք այստեղ, եւ ձեր Տէր Աստուծոյ խօսքերը լսեցէք:
10 Եւ Յեսուն ասեց. Սորանով կ’իմանաք, որ ը կենդանի Աստուածը ձեր մէջն է, եւ թ ձեր առաջիցը հալածելով հալածելու է ժ Քանանացիներին, Քետացիներին, Խեւացիներին, Փերեզացիներին, Գերգեսացիներին, Ամօրհացիներին եւ Յեբուսացիներին.
11 Ահա ի բոլոր երկրի Տիրոջ ուխտի տապանակը ձեր առաջը կ’անցնե Յորդանանի մէջ:
12 Եւ հիմա դուք լ Իսրայէլի ցեղերիցը տասնեւերկու մարդ առէք, ամեն մէկ ցեղիցը մէկ մարդ:
13 Եւ երբոր բոլոր երկրի Տէր Եհովայի տապանակը վեր առնող քահանաների ոտքերի թաթերը Յորդանանի ջրի մէջ մտնեն, Յորդանանի ջրերը կ’կտրուին, վերեւիցն իջնող ջրերը խ կարկառակոյտի պէս կ’կանգնեն:
14 Եւ երբոր ժողովուրդը Յորդանանովն անցնելու համար իրանց վրաններիցը չուեցին, ծ ուխտի տապանակը վեր առնող քահանաները ժողովրդի առաջին էին.
15 Եւ հէնց որ տապանակը վեր առնողները մինչեւ Յորդանանը հասան եւ տապանակը վեր առնող քահանաների ոտքերը ջրի եզերքի մէջ մխուեցան, (որովհետեւ կ հունձքի բոլոր ժամանակը հ Յորդանանը լիքն է լինում իր բոլոր եզերքների վերայ,)
16 Այն ժամանակը վերեւիցն իջնող ջրերը կանգնեցին, եւ ձ Սարթանի մօտ եղող Ադամ քաղաքիցը շատ հեռու մի կարկառակոյտի պէս բարձրացաւ. եւ ղ դաշտի ծովը այսինքն ճ Աղի ծովը իջնող ջրերը վերջացան կտրուեցան. եւ ժողովուրդը Երիքովի դէմ անցկացաւ:
17 Եւ Տիրոջ ուխտի տապանակը վեր առնող քահանաները Յորդանանի մէջ ցամաքի վերայ հաստատ կանգնեցին. եւ մ բոլոր Իսրայէլը ցամաքով անցկացաւ, մինչեւ որ բոլոր ժողովուրդը Յորդանանովն անցնելը վերջացրեց:
Հեսու 3
