1 Բայց ա միաշաբաթի օրը առաւօտանց կանուխ եկան գերեզմանը, բ եւ բերին այն խնկերը, որ պատրաստեցին. Եւ ոմանք էլ նորանց հետ։ 2 գ Եւ քարը գերեզմանիցը հեռու թաւալած գտան։ 3 դ Եւ երբոր ներս մտան, Տէր Յիսուսի մարմինը չ’գտան։ 4 Եւ եղաւ երբոր նորա համար շատ հիացել էին, ե ահա երկու մարդ հասան նորանց լուսաւոր հանդերձներով։ 5 Եւ երբոր նորանք ահով լցուեցան, եւ իրանց երեսները դէպի երկիր խոնարհեցրին, նորանց ասեցին. Ի՞նչ էք կենդանին մեռելների մէջ որոնում։ 6 Այստեղ չէ, այլ յարութիւն առաւ. զ յիշեցէք ինչպէս նա ձեզ հետ խօսեց, երբոր Գալիլեայումն էր. 7 Որ ասում էր, թէ պէտք է մարդի Որդին մեղաւոր մարդկանց ձեռը մատնուի՝ եւ խաչուի եւ երրորդ օրը յարութիւն առնէ։ 8 է Եւ նորա խօսքերը յիշեցին։ 9 ը Եւ գերեզմանիցը ետ դառան եւ այս բոլոր բաները պատմեցին տասնեւմէկին եւ բոլոր ուրիշներին։ 10 Եւ էին Մարիամ Մագդաղենացին, թ եւ Յովհաննան, եւ Յակոբոսի մայր Մարիամը, եւ նորանց հետ ուրիշներն էլ, որ այս բաները ասում էին առաքեալներին։ 11 ժ Եւ նորանց խօսքերը ցնորք երեւեցաւ նորանց առաջին, եւ չէին հաւատում նորանց։ 12 ի Բայց Պետրոսը վեր կացաւ վազեց գերեզմանը, եւ ծռելով տեսաւ կտաւները մինակ դրուած. Եւ գնաց եղածի վերայ իր մտքումը զարմանալով։
13 լ Եւ ահա նորանցից երկուսը միեւնոյն օրը մի գիւղ էին գնում, որ վաթսուն ասպարէզ Երուսաղէմիցը հեռու էր, անունն Էմմաուս։ 14 Եւ նորանք իրար հետ խօսում էին այն բոլոր անցած բաների համար։ 15 Եւ եղաւ որ նորանք խօսելիս եւ վիճաբանելիս, խ հէնց ինքն Յիսուսը մօտեցաւ եւ գնում էր նորանց հետ։ 16 ծ Բայց նորանց աչքերը բռնուած էին, որ չճանաչեն նորան։ 17 Եւ նորանց ասեց. Այդ ի՞նչ բաներ են, որ դորանց համար իրար հետ վիճում էք գնալիս, եւ տրտմած էք։ 18 Եւ պատասխանեց նորանցից մէկը, կ անունը Կղէոպաս, եւ ասեց նորան. Դո՞ւ ես միայն բնակվում Երուսաղէմումն, որ չ’իմացար այն բաները, որ այս օրերը եղան նորանում։ 19 Եւ նա ասեց նորանց. Ո՞ր բաներ. Եւ նորանք ասեցին. Յիսուս Նազովրեցու մասին, որ մի մարգարէ մարդ էր, հ զօրաւոր գործերով ձ Աստուծոյ եւ բոլոր ժողովրդի առաջին։ 20 Թէ ղ ինչպէս մեր քահանայապետները եւ իշխանները մահի դատաստանի մատնեցին նորան, եւ խաչեցին նորան։ 21 Իսկ մենք յոյս ունէինք ճ թէ նա է, որ Իսրայէլին փրկելու էր. Այլ այսու ամենայնիւ սա երրորդ օրն է, որ այս բաները եղան։ 22 մ Բայց մի քանի կանայք էլ մեր միջիցը զարմացրին մեզ, որ առաւօտանց կանուխ գնացին գերեզմանը։ 23 Եւ նորա մարմինը չ’գտած՝ եկան եւ ասեցին, թէ հրեշտակների տեսիլք են տեսել, որ ասում էին, թէ նա կենդանի է։ 24 յ Եւ մեզանից ոմանք գնացին գերեզմանը, եւ իսկ այնպէս գտան, ինչպէս կանայքն ասեցին, բայց նորան չ’տեսան։ 25 Եւ նա ասեց նորանց. Ով անմիտներ եւ թուլասիրտներ, հաւատալու այն բոլոր բաներին, որ մարգարէները խօսեցին։ 26 ն Չէ՞ որ պէտք էր՝ որ Քրիստոսը այս չարչարանքները քաշէր եւ իր փառքը մտնէր։ 27 շ Եւ սկսելով ո Մովսէսիցը եւ չ բոլոր մարգարէներիցը մեկնում էր նորանց՝ ինչ որ գրքերի մէջ գրուած էր իր մասին։ 28 Եւ մօտեցան այն գիւղին, ուր որ գնում էին. պ եւ նա այնպէս էր ցոյց տալիս, թէ աւելի հեռու տեղ է գնում։ 29 ջ Եւ նորանք բռնադատեցին նորան եւ ասեցին. Մնա մեզ հետ, որովհետեւ իրիկուայ դէմ է եւ օրն իջել է. Եւ նա մտաւ որ նորանց հետ մնայ։ 30 Եւ եղաւ երբոր նա նորանց հետ սեղան նստեց, ռ հաց առաւ՝ օրհնեց, կտրեց եւ տուաւ նորանց։ 31 Եւ նորանց աչքերը բացուեցան եւ նորան ճանաչեցին. Եւ նա աներեւոյթ եղաւ նորանցից։ 32 Եւ իրար ասեցին. Չէ՞ որ մեր սրտերը բորբոքվում էին մեզանում, երբոր ճանապարհին մեզ հետ խօսում էր, եւ ինչպէս գրքերը բաց էր անում մեզ համար։
33 Եւ նոյն ժամին վերկացան՝ ետ դառան Երուսաղէմ, եւ այն տասնեւմէկին ժողովուած գտան, եւ նորանց հետ լինողներին. 34 Որ ասում էին թէ Արդարեւ Տէրը յարութիւն է առել, ս եւ երեւացել Սիմօնին։ 35 Եւ նորանք պատմում էին այն որ ճանապարհին եղաւ, եւ թէ ինչպէս իրան ճանաչեցրեց իրանց՝ հաց կտրելու ժամանակին։
36 վ Եւ նորանք այս խօսելիս, Յիսուսն ինքը կանգնեց նորանց միջումը եւ նորանց ասեց. Խաղաղութիւն ձեզ։ 37 Եւ նորանք զարհուրելով վախեցած, համարում էին, թէ տ ոգի են տեսնում։ 38 Եւ նորանց ասեց. Ի՞նչու էք շփոթուած. Ի՞նչու համար խորհուրդներ են վերկենում ձեր սրտերումը։ 39 Տեսէք իմ ձեռքերը եւ իմ ոտները, որ ես ինքս եմ. ր շօշափեցէք ինձ եւ տեսէք. Որովհետեւ ոգին մարմին եւ ոսկերք չ’ունի, ինչպէս ինձ էք տեսնում որ ունիմ։ 40 Եւ սա որ ասեց, ձեռքերն ու ոտները ցոյց տուաւ նորանց։ 41 Եւ քանի որ դեռ ց չէին հաւատում ուրախութիւնից եւ զարմացած էին, ասեց նորանց. ւ Կերակուր ունի՞ք այս տեղ։ 42 Եւ նորանք խորոված ձկան կտոր տուին նորան՝ եւ մեղրախորիսխ։ 43 փ Եւ առաւ կերաւ նորանց առաջին։ 44 Եւ ասեց նորանց. ք Այս այն բաներն են՝ որ ձեզ հետ խօսեցի, քանի որ ես ձեզ հետ էի, թէ պէտք է կատարուի Մովսէսի օրենքումը եւ մարգարէներումը եւ սաղմոսներումը բոլոր ինձ համար գրուածները։ 45 օ Այն ժամանակ նորանց միտքը բացաւ, որ գրքերը իմանան։ 46 Եւ նորանց ասեց թէ ֆ Այսպէս է գրուած, եւ այսպէս պէտք էր Քրիստոսին չարչարուիլ եւ երրորդ օրը մեռելների միջից յարութիւն առնել. 47 Եւ նորա անունովը և ապաշխարութիւն եւ մեղքերի թողութիւն քարոզուիլ ա բոլոր ազգերի մէջ Երուսաղէմից սկսած։ 48 բ Եւ դուք այս բաների համար վկաներ էք։ 49 գ Եւ ահա ես իմ Հօր խոստմունքը կուղարկեմ ձեզ վերայ. Դուք էլ նստեցէք Երուսաղէմ քաղաքումը, մինչեւ վերեւիցը զօրութիւն հագնիք։
50 դ Եւ նորանց հանեց մինչեւ Բեթանիա. Եւ իր ձեռքերը բարձրացրեց եւ օրհնեց նորանց։ 51 ե Եւ եղաւ որ նա նորանց օրհնելիս, ջոկուեց նորանցից, եւ վերանում էր երկինքը։ 52 զ Եւ նորանք երկրպագեցին նորան, եւ մեծ ուրախութիւնով ետ դառան Երուսաղէմ։ 53 է Եւ ամեն ժամանակ տաճարումն էին. Գովում եւ օրհնում էին Աստուծուն։ Ամէն։
Ղուկաս 24
