Աստվածաշունչ

Արարատ թարգմանություն

1 Դաւիթի Սաղմոս։

1 ա Ողորմութիւն եւ իրաւունք երգեմ. Քեզ, ով Տէր, սաղմոս ասեմ։

2 բ Իմաստութիւնով կ’գնամ կատարելութեան ճանապարհում. Ե՞րբ կ’գաս ինձ մօտ. գ իմ սրտի անմեղութիւնովը կ’գնամ իմ տան մէջ։

3 Իմ աչքի առաջին չար բան չեմ դնիլ. դ անօրէնութիւն գործողին ե ատում եմ. Նա ինձ չ’մօտենայ։

4 Ծուռ սիրտը պէտք է հեռանայ ինձանից. զ չարին չեմ ճանաչիլ։

5 Նա որ ծածուկ բամբասում է իր ընկերի դէմ, նորան կ’ջնջեմ. է նա որ ամբարտաւան է աչքերով եւ հպարտ սրտով, նորան չեմ կարող համբերել։

6 Իմ աչքերը երկրի հաւատարիմների վերայ է, որ ինձ հետ բնակուեն. ը անմեղ ճանապարհ գնացողը կ’ծառայէ ինձ։

7 Նենգութիւն անողը չի բնակուիլ իմ տան մէջ. Նա որ սուտ է խօսում՝ հաստատ չի մնալ իմ աչքի առաջին։

8 թ Առաւօտանց կ’ջնջեմ երկրի ամեն ամբարիշտներին, որ ժ Տիրոջ քաղաքիցը սատկեցնեմ բոլոր անօրէնութիւն գործողներին։