1 ա Գոհացէք Տէրիցը, կանչեցէք նորա անունը. բ պատմեցէք ազգերի մէջ նորա գործերը։
2 Օրհնեցէք նորան. Սաղմոս ասեցէք նորան. գ խօսեցէք նորա ամեն հրաշքները։
3 Պարծենցէք նորա սուրբ անունովը. Ուրախ լինի Տիրոջը խնդրողների սիրտը։
4 դ Խնդրեցէք Տիրոջը եւ նորա զօրութիւնը. Խնդրեցէք նորա երեսը ամեն ժամանակ։
5 ե Յիշեցէք նորա հրաշքները որ արաւ. Նորա նշանները եւ նորա բերանի իրաւունքը։
6 Ով նորա Աբրահամ ծառայի զաւակները, նորա ընտրեալ Յակոբի որդիքը։
7 Ինքը Եհովան է մեր Աստուածը. զ նորա իրաւունքներն ամեն երկրի մէջ են։
8 է Նա յիշում է յաւիտեան իր ուխտը. Այն խօսքը որ պատուիրեց մինչեւ հազար ազգ.
9 ը Այն որ Աբրահամի հետ դրաւ. Եւ իր երդումը՝ Իսահակի հետ։
10 Եւ հաստատեց, որ Յակոբի համար օրէնք եւ Իսրայէլի համար յաւիտենական ուխտ լինի.
11 Ասելով. թ Քեզ կ’տամ Քանանի երկիրը, որ ձեզ ժառանգութեան երկիր լինի.
12 ժ Երբ նորանք սակաւաթիւ էին, քիչ եւ ի պանդուխտ՝ նորանում.
13 Եւ ազգից ազգ էին գնում, թագաւորութիւնից՝ ուրիշ ժողովրդի մէջ։
14 լ Նա թոյլ չ’տուաւ մարդկանց որ նեղացնեն նորանց. Եւ խ թագաւորներ պատժեց նորանց համար.
15 Մի դպչիք իմ օծեալներին, եւ իմ մարգարէներին չար մի անէք։
16 Եւ ծ սով կանչեց երկրի վերայ, եւ կ հացի ամեն զօրութիւնը կոտրեց։
17 հ Նորանց առաջից մարդ ուղարկեց. Յովսէփը ձ ծառայութեան մէջ ծախուեցաւ։
18 ղ Չարչարեցին նորա ոտները կապանքի մէջ. Նորա անձը երկաթի մէջ մտաւ։
19 Մինչեւ այն ժամանակ որ նորա խօսքն եկաւ. ճ Տիրոջ խօսքը փորձեց նորան։
20 մ Թագաւորն ուղարկեց եւ արձակեց նորան. Նա որ տիրապետում էր ժողովուրդներին՝ ազատեց նորան։
21 յ Նա տէր դրաւ նորան իր տան վերայ, եւ իշխան իր ամեն ստացուածքի վերայ.
22 Որ իշխաններին կապէ իր կամքի պէս, եւ ծերերին իմաստուն անէ։
23 ն Եւ Իսրայէլն եկաւ Եգիպտոս. Եւ Յակոբը պանդուխտ եղաւ շ Քամի երկրումը։
24 ո Եւ նա խիստ շատացրեց իր ժողովուրդը, եւ նորան զօրեղացրեց իր թշնամիներիցը։
25 չ Փոխեց նորանց սիրտերը, որ ատեն իր ժողովուրդը, որ նենգութիւն անեն իր ծառաների դէմ։
26 պ Իր ծառայ Մովսէսին ուղարկեց, ջ Ահարօնին՝ որ ընտրել էր։
27 ռ Նորանք ցոյց տուին նորանց մէջ նորա նշանների գործերը, ս եւ հրաշքներ Քամի երկրումը։
28 վ Խաւար ուղարկեց եւ խաւարեցրեց, եւ տ նորա խօսքին չ’հակառակուեցան։
29 ր Նորանց ջուրերը փոխեց արիւն, եւ նորանց ձկներն սպանեց։
30 ց Նորանց երկիրը գորտեր դուրս տուաւ, թագաւորի ներսի սենեակներումն էլ։
31 ւ Ասեց՝ եւ շանաճանճն եկաւ. Մժեղներն էլ՝ նորանց բոլոր սահմանների մէջ։
32 փ Անձրեւի տեղ կարկուտ տուաւ նորանց, եւ կրակի բոց՝ նորանց երկրումը։
33 ք Նորանց որթերն ու թզենիները զարկեց, եւ նորանց սահմանների ծառերը փշրեց։
34 օ Ասեց՝ եւ մարախն ու թրթուրն եկաւ, որ թիւ չ’կար.
35 Որ կերաւ բոլոր խոտը նորանց երկրումը. Եւ նորանց արտերի պտուղը կերաւ։
36 ֆ Եւ զարկեց նորանց երկրումն ամեն անդրանիկներին՝ եւ և նորանց զօրութեան ամեն առաջիններին։
37 Եւ ա նորանց հանեց արծաթով եւ ոսկիով, եւ նորանց ցեղերումը տկար մարդ չ’կար։
38 բ Եգիպտոսն ուրախացաւ նորանց դուրս գալու վերայ, որ սորանց սարսափն ընկել էր նորանց վերայ։
39 գ Ամպ տարածեց որ հովանի լինի, եւ կրակ՝ որ գիշերը լոյս տայ։
40 դ Խնդրեցին եւ նա լորամարգիներ բերաւ. Եւ ե երկնքի հացով կշտացրեց նորանց։
41 զ Վէմը պատառեց եւ ջուրեր բղխեցին. Գետեր գնացին անջուր տեղերումը։
42 Որովհետեւ է նա յիշեց իր սուրբ խօսքը, եւ իր Աբրահամ ծառային։
43 Եւ հանեց իր ժողովրդին ցնծումով, եւ իր ընտրեալներին ուրախութիւնով։
44 ը Եւ հեթանոսների երկիրները տուաւ նորանց, եւ ազգերի վաստակները ժառանգեցին նորանք.
45 թ Որ նորա պատուիրանքները պահեն եւ նորա օրէնքները կատարեն։ Ալէլուիա։
Սաղմոս 105
