1 ԱԼԷՖ
1 Երանելի են ճանապարհով անմեղները, ա որ գնում են Տիրոջ օրէնքումը։
2 Երանելի են նորա վկայութիւնները պահողները, որ բոլոր սրտով խնդրում են նորան։
3 Որովհետեւ նորանք բ անօրէնութիւն չեն գործում, այլ գնում են նորա ճանապարհներովը։
4 Դու պատուիրեցիր պինդ պահել քո պատուիրանքները։
5 Երանի թէ իմ ճանապարհները յաջողուէին, որ պահեմ քո պատուիրանքները։
6 գ Ապա չեմ ամաչիլ, երբոր քո բոլոր հրամաններին մտիկ կ’տամ։
7 Ես կ’գոհանամ քեզանից սրտի ուղղութիւնով. Երբոր քո արդարութեան իրաւունքները կ’սովորեմ։
8 Քո հրամանները կ’պահեմ. Մի թողիր ինձ իսպառ։
8 ԲԷԹ
9 Երիտասարդն ի՞նչով իստակ կ’անէ իր ճանապարհը. Քո խօսքի պէս զգուշանալով։
10 Իմ բոլոր սրտովը դ խնդրեցի քեզ, ե թող մի տար քո պատուիրանքներիցը մոլորուիմ։
11 զ Իմ սրտումը թագցրի քո խօսքերը, որ չ’մեղանչեմ քեզ դէմ։
12 Օրհնեալ ես դու, Տէր, է սովորեցրու ինձ քո հրամանները։
13 Իմ շրթունքներովը ը պատմում եմ քո բերանի բոլոր իրաւունքները։
14 Քո վկայութիւնների ճանապարհովը ուրախանում եմ, ինչպէս ամեն կերպ հարստութիւնով։
15 թ Քո պատուիրանքների վերայ կ’մտածեմ. Եւ քո ճանապարհին մտիկ կ’տամ։
16 ժ Քո հրամաններովը կ’ուրախանամ. Եւ քո խօսքը չեմ մոռանալ։
16 ԳԻՄԷԼ
17 ի Բարի արա քո ծառային, որ ապրիմ եւ քո խօսքը պահեմ։
18 Բաց արա իմ աչքերը, որ քո օրէնքի հրաշքները տեսնեմ։
19 լ Ես պանդուխտ եմ երկրիս վերայ. Մի թագցնիր ինձանից քո պատուիրանքները։
20 խ Իմ անձը մաշուած է ամեն ժամանակ՝ ցանկանալով քո իրաւունքներին։
21 Դու սաստեցիր անիծուած ամբարտաւաններին, որ ծ քո պատուիրանքներիցը մոլորուեցան։
22 կ Նախատինքը եւ անարգանքը վեր առ ինձանից, որ քո վկայութիւնները պահում եմ։
23 Իշխաններ էլ նստում են ինձ դէմ խօսում, քո ծառան քո հ հրամանների վերայ է մտածում։
24 Իրաւի որ ձ քո վկայութիւններն իմ ուրախութիւնն են եւ իմ խորհրդականները։
24 ԴԱԼԷԹ
25 ղ Իմ անձը կպաւ հողի հետ. ճ ապրեցրու ինձ քո խօսքի պէս։
26 Ես իմ ճանապարհները պատմում եմ եւ դու լսում ես ինձ. մ սովորեցրու ինձ քո հրամանները։
27 Պատուիրանքներիդ ճանապարհը ինձ իմացրու, եւ ես յ կ’մտածեմ քո սքանչելիքների վերայ։
28 ն Իմ անձը հալուեցաւ տրտմութիւնից. Հաստատիր ինձ քո խօսքին պէս։
29 Ստութեան ճանապարհը հեռացրու ինձանից, եւ քո օրէնքը շնորհիր ինձ։
30 Ես ճշմարտութեան ճանապարհը ընտրեցի. Քո իրաւունքներն իմ առաջին դրի։
31 Քո վկայութիւններին մօտեցայ. Տէր, ամօթ մի անիր ինձ։
32 Քո պատուիրանքների ճանապարհովը կ’վազեմ. Որ դու շ իմ սիրտը լայնացրիր։
32 ՀԷ
33 Տէր, ո ցոյց տուր ինձ քո հրամանների ճանապարհը, որ չ մինչեւ վերջը պահեմ նորան։
34 պ Իմաստուն արա ինձ, որ քո օրէնքը պահեմ եւ նորան կատարեմ բոլոր սրտով։
35 Առաջնորդիր ինձ քո պատուիրանքների շաւիղներումը. Որ նորանց հաւանեցիր։
36 Խոնարհեցրու իմ սիրտը դէպի քո վկայութիւնները, եւ ոչ թէ ջ դէպի ագահութիւնը։
37 ռ Ետ դարձրու իմ աչքերը ս որ ունայն բան չ’տեսնեն. Բայց ապրեցրու ինձ քո ճանապարհներումը։
38 վ Հաստատիր քո խօսքը քո ծառայի համար, որ քեզանից վախենում է։
39 Ետ դարձրու ինձանից իմ նախատինքը, որ նորանից վախեցայ. Որովհետեւ քո իրաւունքները բարի են։
40 Ահա տ ցանկանում եմ քո պատուիրանքներին. Քո արդարութիւնովը ր ապրեցրու ինձ։
40 ՎԱՎ
41 Տէր, ց թող քո ողորմութիւնը գայ ինձ վերայ, եւ քո փրկութիւնը քո խօսքին պէս։
42 Ապա ես կ’պատասխանեմ ինձ խօսքով նախատողներին. Որովհետեւ քո խօսքին եմ յուսացած։
43 Եւ քո ճշմարտութեան խօսքը ամենեւին մի հեռացնիր իմ բերանիցը. Որովհետեւ քո իրաւունքին եմ յուսացած։
44 Ապա քո օրէնքը կ’պահեմ ամեն ժամանակ՝ յաւիտեանս յաւիտենից։
45 Եւ լայնարձակ կ’գնամ. Որովհետեւ քո պատուիրանքները խնդրեցի։
46 Եւ ւ քո վկայութիւնների համար կ’խօսեմ թագաւորների առաջին, եւ չեմ ամաչիլ։
47 Եւ փ քո պատուիրանքներովը կ’ուրախանամ, որ նորանց սիրում եմ։
48 Եւ իմ ձեռքը կ’բարձրացնեմ դէպի քո պատուիրանքները որ սիրում եմ. Եւ ք քո հրամանների վերայ կ’մտածեմ։
48 ԶԱՅԻՆ
49 Յիշիր քո ծառայի վերայ եղած խօսքը, որ ինձ նորան օ յուսալ տուիր։
50 ֆ Իմ նեղութիւնումն այն է իմ մխիթարութիւնը՝ որ քո խօսքն ապրեցնում է ինձ։
51 Ամբարտաւաններն ինձ վերայ շատ և ծաղր են անում. Բայց ես ա քո օրէնքիցը չեմ ծռվում։
52 Տէր, յիշում եմ քո իրաւունքները յաւիտենից, եւ մխիթարվում եմ։
53 բ Բարկութիւն բռնեց ինձ ամբարիշտների մասին, որ քո օրէնքը թողում են։
54 Քո հրամաններն ինձ համար երգ են՝ իմ պանդխտութեան տան մէջ։
55 Տէր, գ գիշերը յիշում եմ քո անունը, եւ պահում եմ քո օրէնքը։
56 Այս եղաւ ինձ, որ քո հրամանները պահեմ։
56 ԽԷԹ
57 դ Իմ բաժինը դու ես, Տէր. Ես ասեցի՝ թէ քո խօսքերը պահեմ։
58 Աղաչում եմ քո առաջին բոլոր սրտով, ողորմիր ինձ ե քո խօսքի պէս։
59 զ Ես մտածում եմ քո ճանապարհների վերայ. Եւ իմ ոտները դարձնում եմ քո վկայութիւններին։
60 Շտապում եմ եւ չեմ ուշանում, որ քո պատուիրանքները պահեմ։
61 Ամբարիշտների չուանները պատեցին ինձ. Ես քո օրէնքը չեմ մոռանում։
62 է Կէս գիշերին վեր եմ կենում, որ քեզանից գոհանամ քո արդար իրաւունքների համար։
63 Ես ընկեր եմ այն ամենի որ վախենում եմ քեզանից՝ եւ քո պատուիրանքները պահում են։
64 Տէր, ը երկիրը լիքն է քո ողորմութիւնովը. թ քո հրամանները սովորեցրու ինձ։
64 ԹԷԹ
65 Բարի արիր, Տէր, քո ծառային, քո խօսքի պէս։
66 Բարի իմաստութիւն եւ գիտութիւն սովորեցրու ինձ, որովհետեւ հաւատում եմ քո պատուիրանքներին։
67 ժ Դեռ որ խոնարհուած չէի, սխալվում էի, բայց հիմա քո խօսքը պահում եմ։
68 ի Բարի ես դու, եւ բարի անող. լ սովորեցրու ինձ քո հրամանները։
69 Ամբարտաւանները խ սուտ են հնարում ինձ վերայ. Ես բոլոր սրտով կ’պահեմ քո պատուիրանքները։
70 ծ Նորանց սիրտը պարարտ է ինչպէս ճարպ. կ ես ուրախանաում եմ քո օրէնքովը։
71 հ Լաւ է ինձ համար որ խոնարհուեցայ, որ քո հրամանները սովորիմ։
72 ձ Բարի է ինձ համար քո բերանի օրէնքը, աւելի քան թէ հազարաւոր ոսկի ու արծաթ։
72 ԵՕԹ
73 ղ Քո ձեռքերը շինեցին ինձ եւ հաստատեցին ինձ. ճ իմաստուն արա ինձ որ քո պատուիրանքները սովորիմ։
74 մ Քեզանից վախեցողները կ’տեսնեն ինձ եւ ուրախ կ’լինին, յ որովհետեւ քո խօսքերին յուսացայ։
75 Գիտեմ, Տէր, որ քո դատաստանները արդարութիւնով են. Եւ ն իրաւունքով խոնարհեցրիր ինձ։
76 Թող քո ողորմութիւնը լինի ինձ մխիթարելու համար, քո ծառային տուած խօսքիդ պէս։
77 շ Թող քո բարեգթութիւնն ինձ վերայ գայ որ ապրիմ, որովհետեւ ո քո օրէնքն է իմ ուրախութիւնը։
78 Ամբարտաւանները չ թող ամօթ լինին, որովհետեւ պ զուր անիրաւութիւն գործեցին ինձ վերայ. Բայց ջ ես քո պատուիրանքների վերայ եմ մտածում։
79 Թող ինձ մօտ դառնան քեզանից վախեցողները եւ քո վկայութիւնները ճանաչողները։
80 Թող իմ սիրտն անմեղ լինի քո հրամանների մէջ, որպէս զի չ’ամաչեմ։
80 ՔԱՖ
81 ռ Իմ անձը մաշուեցաւ քո փրկութեանը սպասելով. Բայց ս ես քո խօսքին յուսացայ։
82 վ Իմ աչքերը մաշուեցան քո խօսքին ցանկանալով. Ես ասում եմ՝ Ե՞րբ կ’մխիթարես ինձ։
83 Որովհետեւ ես տ ծխի մէջ կախուած տկի պէս եղայ. Բայց քո հրամանները չեմ մոռանում։
84 ր Քանի՞ են քո ծառայի օրերը. ց ե՞րբ դատաստան կ’անես իմ հալածողներին։
85 ւ Ամբարտաւանները հորեր փորեցին ինձ համար, որ քո օրէնքի պէս չեն։
86 Քո բոլոր պատուիրանքները ճշմարիտ են. փ զուր են ք հալածում ինձ. Օգնիր ինձ։
87 Քիչ էր մնացել որ ինձ կորցնէին երկրի մէջ. Ես քո պատուիրանքները չեմ թողում։
88 օ Քո ողորմութեան պէս ապրեցրու ինձ. Եւ ես քո բերանի վկայութիւնները կ’պահեմ։
88 ԼԱՄԷԴ
89 Ով Տէր, ֆ քո խօսքը յաւիտեան հաստատ է երկնքումը։
90 Քո ճշմարտութիւնը մնում է ազգից մինչեւ ազգ. Դու երկիրը հաստատեցիր եւ նա կենում է։
91 և Քո հրամանների պէս կենում են այսօր, որովհետեւ ամենքը քո ծառաներն են։
92 Եթէ ա քո օրէնքն իմ ուրախութիւնը չ’լինէր, ես վաղուց կորած կ’լինէի իմ խեղճութիւնումը.
93 Յաւիտեան չեմ մոռանալ քո պատուիրանքները, որովհետեւ նորանցով ապրեցրիր ինձ։
94 Քոնն եմ ես. Փրկիր ինձ. Որովհետեւ քո պատուիրանքները խնդրում եմ։
95 Ամբարիշտներն սպասում են ինձ որ կորցնեն ինձ. Եւ ես քո վկայութիւնները միտքս եմ բերում։
96 բ Ամեն կատարեալ բանի վերջը տեսայ. Քո պատուիրանքը շատ լայնարձակ է։
96 ՄԷՄ
97 Ո՜րքան եմ սիրում քո օրէնքը. գ ամեն օր նա է իմ մտածմունքը։
98 Քո պատուիրանքներն ինձ դ իմաստուն են անում իմ թշնամիներիցը. Որովհետեւ նորանք յաւիտեան իմս են։
99 Աւելի իմաստուն եղայ քան թէ իմ ամեն վարժապետները. Որովհետեւ ե քո վկայութիւններն են իմ մտածմունքը։
100 զ Աւելի խելացի եղայ քան թէ ծերերը, որովհետեւ քո պատուիրանքները պահում եմ։
101 է Ամեն չար ճանապարհից իմ ոտները ետ եմ քաշում, որ քո խօսքը պահեմ։
102 Քո իրաւունքիցը չեմ հեռանում. Որովհետեւ դու սովորեցնում ես ինձ։
103 ը Ո՜րքան քաղցր է քո խօսքն իմ քիմքին. Մեղրիցն էլ աւելի է իմ բերանին։
104 Քո պատուիրանքներովն ես իմաստուն եղայ. Սորա համար թ ատում եմ ստութեան ամեն ճանապարհը։
104 ՆՈՒՆ
105 ժ Քո խօսքը ճրագ է իմ ոտների համար, եւ լոյս իմ ճանապարհի համար։
106 ի Ես երդում արի եւ կ’կատարեմ, թէ քո արդարութեան իրաւունքը կ’պահեմ։
107 Ես շատ խոնարհուեցայ. Տէր, լ ապրեցրու ինձ քո խօսքի պէս։
108 խ Իմ բերանի կամաւոր զոհերն ընդունիր, Տէր. Եւ ծ քո իրաւունքները սովորեցրու ինձ։
109 կ Իմ անձն ամեն ժամանակ ձեռքումս է, եւ քո օրէնքը չեմ մոռանում։
110 հ Ամբարիշտները որոգայթ դրին ինձ համար. Բայց ես ձ քո պատուիրանքներիցը չեմ մոլորվում։
111 ղ Ես քո վկայութիւնները ժառանգեցի մինչեւ յաւիտեան. Որովհետեւ ճ նորանք իմ սրտի ցնծութիւնն են։
112 Ես խոնարհեցրի իմ սիրտը որ քո հրամաններն անեմ յաւիտեան մ մինչեւ վերջը։
112 ՍԱՄԷԽ
113 Ես երկմիտներին ատում եմ, բայց քո օրէնքը սիրեցի։
114 յ Հովանիս եւ պահապանս դու ես. ն ես քո խօսքին յուսացի։
115 շ Հեռու կացէք ինձանից, ով չարեր. Որ ես պահեմ իմ Աստուծոյ պատուիրանքները։
116 Պահպանիր ինձ քո խօսքին պէս որ ապրիմ. Եւ ո ամօթ մի անիր ինձ իմ յոյսի համար։
117 Օգնիր ինձ եւ ես կ’ապրեմ. Եւ ամեն ժամանակ հրամաններիդ մտիկ կ’տամ։
118 Դու անարգում ես այն ամենին որ չ հրամաններիցդ հեռանում են. Որովհետեւ նորանց նենգութիւնը սուտ է։
119 պ Դու կղկղանք ես համարում երկրի բոլոր ամբարիշտներին. Սորա համար ես սիրում եմ քո վկայութիւնները։
120 ջ Մարմինս դողում է քո ահիցը, եւ քո դատաստաններիցը վախենում եմ։
120 ԱՅԻՆ
121 Ես իրաւունք եւ արդարութիւն եմ անում. Մի մատնիր ինձ իմ նեղացնողների ձեռքը։
122 ռ Երաշխաւորիր ծառայիդ որ բարի լինի նորան. Որ ամբարտաւանները չ’նեղացնեն ինձ։
123 ս Աչքերս մաշուեցան քո փրկութեանը, եւ քո արդարութեան խօսքին սպասելով։
124 Քո ծառայի հետ արա քո ողորմութեան պէս. Եւ վ քո հրամանները սովորեցրու ինձ։
125 տ Ես քո ծառան եմ. Իմաստուն արա ինձ, որ քո վկայութիւնները ճանաչեմ։
126 Ժամանակ է որ Տէրն անէ այս. Որովհետեւ նորանք քո օրէնքը խափանեցին։
127 ր Սորա համար ես սիրում եմ քո պատուիրանքները ոսկիից եւ ազնիւ ոսկիից աւելի։
128 Սորա համար բոլոր պատուիրանքները բոլորովին ուղիղ պահում եմ. ց ստութեան ամեն ճանապարհն ատում եմ։
128 ՓԷ
129 Քո վկայութիւնները զարմանալի են. Սորա համար իմ անձը պահում է նորանց։
130 Խօսքերիդ յայտնութիւնը լոյս է տալիս, եւ ւ իմաստուն է անում պարզամիտներին։
131 Իմ բերանը բաց եմ անում եւ շունչ առնում, որովհետեւ փ քո պատուիրանքներին ցանկանում եմ։
132 ք Նայիր ինձ վերայ եւ ողորմիր ինձ. Ինչպէս որ օ դու սովոր ես անելու քո անունը սիրողներին։
133 ֆ Իմ գնացքը հաստատիր քո խօսքի մէջ, եւ և անօրէնութիւն չ’տիրէ ինձ վերայ։
134 ա Փրկիր ինձ մարդկանց բռնութիւնիցը, եւ ես կ’պահեմ քո պատուիրանքները։
135 բ Երեսդ լուսաւորիր քո ծառայի վերայ. Եւ գ սովորեցրու ինձ քո հրամանները։
136 դ Ջրերի առուներ են վայր գալիս իմ աչքերիցը, որովհետեւ քո օրէնքը չեն պահում։
136 ՑԱԴԷ
137 ե Դու արդար ես, Տէր. Եւ քո դատաստաններն ուղիղ են։
138 զ Քո վկայութիւնների արդարութիւնը պատուիրեցիր, եւ նորանք շատ ճշմարիտ են։
139 է Նախանձս ինձ մաշեց, որովհետեւ թշնամիքս մոռանում են քո խօսքը։
140 ը Քո խօսքը շատ մաքրուած է, եւ քո ծառան սիրում է նորան։
141 Ես ցած եւ անարգուած եմ, բայց չեմ մոռանում քո պատուիրանքները։
142 Քո արդարութիւնը յաւիտենական արդարութիւն է. Եւ թ քո օրէնքը՝ ճշմարիտ։
143 Նեղութիւն եւ ցաւ գտաւ ինձ. Քո պատուիրանքներն ժ իմ ուրախութիւնն են։
144 Քո վկայութիւնների արդարութիւնը յաւիտեան է. ի իմաստուն արա ինձ եւ կ’ապրեմ։
144 ՔՕՖ
145 Բոլոր սրտով կանչում եմ. Լսիր ինձ, Տէր, որ հրամաններդ պահեմ։
146 Դէպի քեզ եմ կանչում, փրկիր ինձ. Եւ քո վկայութիւնները կ’պահեմ։
147 լ Կանուխ գալիս եմ արշալուսին եւ աղաղակում. խ ես քո խօսքին յուսացի։
148 ծ Գիշերուայ պահերիցն առաջ են զարթնում իմ աչքերը, որ խօսքիդ վերայ մտածեմ։
149 Իմ ձայնին լսիր քո ողորմութեան պէս, կ Տէր, քո իրաւունքի պէս ապրեցրու ինձ։
150 Անօրէնութեան հետեւողները մօտեցան. Նորանք քո օրէնքիցը հեռացան։
151 Տէր, դու հ մօտիկ ես. ձ եւ քո բոլոր պատուիրանքները ճշմարտութիւն են։
152 Առաջուց իմացայ քո վկայութիւններիցը, որ դու ղ հաստատեցիր նորանց յաւիտեան։
152 ՐԷՇ
153 ճ Տես իմ խեղճութիւնը եւ փրկիր ինձ. Որովհետեւ քո օրէնքը չեմ մոռանում։
154 մ Ինձ իրաւունք արա եւ ազատիր ինձ. Քո խօսքի պէս յ ապրեցրու ինձ։
155 ն Փրկութիւնը հեռու է ամբարիշտներիցը, որովհետեւ քո հրամանները չեն խնդրում։
156 Տէր, քո բարեգթութիւնը շատ է. Քո իրաւունքին պէս շ ապրեցրու ինձ։
157 Շատ են ինձ հալածողներն ու նեղացնողները. Քո օրէնքիցը ո դուրս չեմ գալիս։
158 Ես տեսնում եմ ապստամբուածներին եւ չ զզվում եմ, նորա համար որ խօսքդ չեն պահում։
159 Տես որ քո պատուիրանքները սիրում եմ. Տէր, քո ողորմութեան պէս պ ապրեցրու ինձ։
160 Քո խօսքի սկիզբը ճշմարտութիւն է. Եւ քո արդարութեան բոլոր իրաւունքները հաւիտեան։
160 ՇԻՆ
161 ջ Իշխանները զուր տեղը հալածում են ինձ. Բայց իմ սիրտը վախենում է քո խօսքերիցը։
162 Ես ցնծում եմ քո խօսքովը, ինչպէս մէկ շատ աւար գտնող։
163 Ստութիւնն ատում եմ եւ գարշելի համարում. Բայց քո օրէնքը սիրում եմ։
164 Օրը եօթն անգամ օրհնում եմ քեզ քո արդարութեան իրաւունքների համար։
165 ռ Շատ խաղաղութիւն կայ քո օրէնքը սիրողների համար. Եւ գայթակղութիւն չ’կայ նորանց համար։
166 ս Տէր, ես քո փրկութեանն եմ սպասում, եւ պատուիրանքներդ կատարում։
167 Իմ անձը պահում է քո վկայութիւնները. Եւ ես շատ սիրում եմ նորանց։
168 Ես պահում եմ քո պատուիրանքներն ու վկայութիւնները. Որովհետեւ վ բոլոր ճանապարհներս քո առաջին են։
168 ԹԱՎ
169 Տէր, թող իմ աղաղակը մօտենայ քո առաջին. Քո խօսքի պէս տ իմաստուն արա ինձ։
170 Թող իմ աղաչանքը մտնէ քո առաջը. Քո խօսքի պէս փրկիր ինձ։
171 Իմ շրթունքները օրհնութիւն են բղխում, որ հրամաններդ սովորեցնես ինձ։
172 Թող իմ լեզուն խօսի քո խօսքի համար. Որովհետեւ քո բոլոր պատուիրանքներն արդարութիւն են։
173 Թող ձեռքդ ինձ օգնական լինի. Որովհետեւ ես ընտրում եմ ր քո պատուիրանքներն։
174 ց Տէր, ես ցանկանում եմ քո փրկութեանը. Եւ քո ւ օրէնքն է իմ ուրախութիւնը։
175 Թող իմ անձն ապրի եւ քեզ օրհնէ. Եւ քո իրաւունքներն օգնեն ինձ։
176 փ Ես մոլորուեցայ ինչպէս կորած ոչխար. Ման եկ քո ծառային. Որովհետեւ քո պատուիրանքները ես չ’մոռացայ։
Սաղմոս 119
