Աստվածաշունչ

141 Չարերից պահպանուելու համար աղաչանք։

1 Դաւիթի Սաղմոս։

1 Տէր, ես կանչում եմ դէպի քեզ. ա շուտ արա դէպի ինձ. Ականջ դիր իմ ձայնին՝ ես դէպի քեզ կանչելիս։

2 բ Իմ աղօթքը թող ընդունելի լինի ինչպէս խունկ քո առաջին. գ իմ ձեռքերի բարձրանալը՝ դ իրիկուայ պատարագի պէս։

3 Տէր, պահապան դիր իմ բերանին, իմ շրթունքների դուռը պահպանիր։

4 Սիրտս մի դարձնիր չար բանի վերայ, որ չարութիւնով վատ գործեր չ’գործեմ անօրէնութիւն անողների հետ. ե եւ նորանց ախորժելի կերակրիցը չ’ուտեմ։

5 զ Արդարը թող խրատէ ինձ, նա քաղցրութիւն է, եւ թող յանդիմանէ ինձ, նա գլխի իւղ է. Իմ գլուխը չի մերժիլ. Որովհետեւ իմ աղօթքը լինում է նորանց չարագործութիւնների ժամանակին էլ։

6 Նորանց դատաւորները քարերի վերայ ընկան. Եւ նորանք իմ խօսքերը կ’լսեն որ քաղցր են։

7 Ինչպէս որ վարնորդն ու ակօս ճեղքողը ցանում է հողի մէջ, է այնպէս ցրուած են մեր ոսկորները գերեզմանի բերանումը։

8 Բայց, Տէր Եհովայ, ը իմ աչքերը դէպի քեզ են նայում. Ես քեզ եմ յուսացած. Իմ անձը երեսից մի ձգիր։

9 թ Պահիր ինձ այն որոգայթիցն որ լարեցին ինձ համար, եւ չարագործների վարմիցը։

10 Ամբարիշտները իրանց ցանցերի մէջ պիտի ընկնեն, մինչդեռ ես բոլորովին անց կ’կենամ։

Սաղմոս 141