Աստվածաշունչ

Արարատ թարգմանություն

1 Դաւիթի (Սաղմոս)։

1 Օրհնեալ է Տէրը՝ ա իմ Վէմը, բ որ սովորեցնում է իմ ձեռքերը կռիւ անելու եւ իմ մատները պատերազմելու։

2 Ով իմ գ ողորմութիւն եւ ապաւէն, իմ օգնական եւ փրկիչ. Իմ պահապան, որին ես յուսացած եմ, որ հնազանդեցնում է իմ ժողովուրդն իմ ձեռքի տակ։

3 դ Տէր, ի՞նչ է մարդը որ նորան ճանաչես. Եւ մարդի որդին որ ուշ դնես նորան։

4 ե Մարդը նման է ունայնութեան, զ նորա օրերը անցնող շուքի պէս են։

5 է Տէր, խոնարհեցրու երկինքդ եւ իջիր. ը մօտեցիր սարերին՝ եւ նորանք կ’ծխեն։

6 թ Փայլատակիր փայլատակով եւ ցրուիր նորանց. Ուղարկիր նետերդ եւ շփոթեցրու նորանց։

7 ժ Ձեռքդ մեկնիր բարձրիցը եւ ի ազատիր ինձ. Եւ փրկիր ինձ շատ ջրերիցը՝ լ օտար որդկանց ձեռքիցը.

8 խ Որ նորանց բերանը ունայն բան է խօսում, եւ նորանց աջը ստութեան աջ է։

9 Ով Աստուած, ծ նոր օրհնութիւն կ’երգեմ քեզ. Տասնաղեայ տաւիղով սաղմոս կ’ասեմ քեզ։

10 կ Որ փրկութիւն է տալիս թագաւորներին, եւ իր Դաւիթ ծառային փրկում է չար սուրիցը։

11 հ Ազատիր ինձ եւ փրկիր ինձ օտար որդկանց ձեռքիցը, որ նորանց բերանը ունայն բան է խօսում, եւ նորանց աջը ստութեան աջ է.

12 Որ մեր որդիքը մեծանան տղայութիւնից ինչպէս ձ նորատունկ ծառեր, եւ մեր աղջիկներին՝ ինչպէս անկիւնի սիւներ՝ պալատների ձեւով քանդակուած։

13 Որ մեր շտեմարանները լիքը լինին եւ զանազան կերակուր բղխեն, մեր ոչխարները հազարներ ու տասը հազարներ լինին մեր արտերումը։

14 Որ մեր եզերը պարարտ լինին, եւ ախտ ու կորուստ չ’լինի, եւ ոչ աղաղակ՝ մեր հրապարակներումը։

15 ղ Երանի այն ժողովրդին, որ նորա վիճակը այսպէս է. Երանի այն ժողովրդին, որ նորա Աստուածը Եհովան է։