Աստվածաշունչ

Արարատ թարգմանություն

1 Ցնծացէք ա Տէրով, ով արդարներ. Ուղիղներին վայելում է բ օրհնութիւն։

2 Գոհացէք Տէրիցը քնարով. գ տասը թելաւոր սաղմոսարանով սաղմոս երգեցէք նորան։

3 դ Նոր երգ երգեցէք նորան. քնարը լավ ածեցէք ցնծութեան բարձր աղաղակով:

4 Որովհետեւ ուղիղ է Տիրոջ խօսքը, եւ նորա ամեն գործերը հաւատարմութիւնով են:

5 ե Նա արդարութիւն եւ իրաւունք է սիրում. զ երկիրը լիքն է Տիրոջ ողորմութիւնովը:

6 է Տիրոջ խօսքովը երկինքն ստեղծուեցաւ, եւ ը նորա բերանի հոգովը թ նորա բոլոր զօրքերը:

7 ժ Նա ժողովում է ծովի ջուրերը ինչպէս դէզ, եւ անդունդները դնում է ամբարներում:

8 Թող Տերիցը վախենան ամեն երկիր. թող նորանից սարսափեն աշխարհքի ամեն բնակիչները:

9 Որովհետեւ ի նա ասեց եւ եղաւ. նա հրամայեց եւ հաստատուեցաւ:

10 լ Տէրը ոչնչացնում է հեթանոսների խորհուրդները, եւ փչացնում է ժողովուրդների մտածմունքները:

11 խ Բայց Տիրոջ խորհուրդը հաստատ է յաւիտեան. նորա սրտի մտածմունքները՝ ազգից մինչեւ ազգ:

12 ծ Երանի այն ազգին՝ որ նորա Աստուածը Տէրն է, եւ այն ժողովրդին՝ որ նա իր համար ժառանգութիւն ընտրեց նորան:

13 կ Տէրը մտիկ է անում երկնքիցը. տեսնում է մարդկանց ամեն որդիքը:

14 Իրան բնակութեան վայրիցը նայում է երկրի ամեն բնակիչների վերայ:

15 Նորանց ամենի սիրտը ստեղծողը, հ նորանց ամեն գործքերը տեսնողը:

16 ձ Թագաւորը չէ փրկվում զօրքի շատութիւնով, եւ հսկան չէ պրծնում շատ զօրութիւնով:

17 ղ Սուտ է ձին փրկութեան համար. եւ իր շատ զօրութիւնովը չէ ազատում:

18 ճ Ահա Տիրոջ աչքը մ նորանից վախեցողների վերայ է եւ նորանց վերայ՝ որ նորա ողորմութեանն են սպասում.

19 Որ փրկէ նորանց անձերը մահիցը, եւ յ սովի ժամանակին նորանց կերակրէ:

20 ն Մեր անձը մտիկ է տալիս Տիրոջը. շ նա է մեր օգնութիւնն ու պահապանը:

21 Որովհետեւ նորանով է ուրախանում մեր ո սիրտը. որ մենք նորա սուրբ անունին ենք յուսացած:

22 Տէր, քո ողորմութիւնը լինի մեզ վերայ՝ ինչպէս որ սպասում ենք քեզ: