Աստվածաշունչ

Արարատ թարգմանություն

1 Դաւիթի (Սաղմոս). Երբոր իր կերպարանքը փոխեց Աբիմելէքի առաջին, եւ նա դուրս գցեց նորան, եւ նա գնաց։

1 ա Տիրոջը կ’օրհնեմ ամեն ժամանակ. Նորա փառաբանութիւնը միշտ իմ բերանումը պիտի լինի։

2 Թող իմ անձը բ Տէրովը պարծենայ. գ խեղճերը թող լսեն եւ ուրախանան։

3 դ Մեծացրէք ինձ հետ Տիրոջը, թող իրար հետ բարձրացնենք նորա անունը։

4 Ես ե խնդրեցի Տիրոջը, եւ նա պատասխան տուաւ ինձ, եւ իմ ամեն ահ ու վախիցն ազատեց ինձ։

5 նորան են մտիկ տալիս եւ լուսաւորվում. Եւ նորանց երեսը չի ամաչիլ։

6 զ Այս խեղճը կանչեց, եւ Տէրը լսեց. Եւ է իր ամեն նեղութիւններիցը փրկեց սորան։

7 ը Տիրոջը հրեշտակը թ բանակ է շինում նորանից վախեցողների չորս կողմովը եւ փրկում է նորանց։

8 ժ Ճաշակեցէք եւ տեսէք, որ Տէրը քաղցր է. ի երանելի՜ է այն մարդը՝ որ յուսացած է նորան։

9 լ Վախեցէք Տէրիցը, ով նորա սուրբեր, որովհետեւ նորանից վախեցողների համար պակասութիւն չ’կայ։

10 խ Առիւծի կորիւնները կարօտում են եւ սոված են. ծ բայց Տիրոջը խնդրողները ոչ մի բարիքի պակասութիւն չ’ունին։

11 Եկէք, որդիք լսեցէք ինձ. Ես կ Տիրոջը երկիւղը սովորեցնեմ ձեզ։

12 հ Ով մարդ, որ կեանք ես ուզում եւ լաւ օրեր սիրում, բարութիւն տեսնելու համար,

13 Պահիր քո լեզուն չարութիւնից, եւ քո շրթունքները՝ ձ որ նենգութիւն չ’խօսեն։

14 ղ Հեռացիր չարիցը եւ գործիր բարին. Խնդրիր ճ խաղաղութիւն եւ նորա ետեւիցը գնա։

15 մ Տիրոջ աչքերը արդարների վերայ են. Եւ նորա ականջները նորանց աղաղակի վերայ։

16 յ Տիրոջ երեսը չարագործների վերայ է, ն որ նորանց յիշատակը երկրիցը ջնջէ։

17 Արդարներն աղաղակում են եւ շ Տէրը լսում է. Եւ իրանց ամեն նեղութիւններիցը փրկում է նորանց։

18 ո Տէրը մօտիկ է չ սրտով կոտրուածներին, եւ փրկում է հոգով փշրուածներին,

19 պ Շատ են արդարի նեղութիւնները, բայց Տէրն այն ամենիցը փրկում է նորան։

20 Տէրը պահում է նորա ամեն ոսկորները ջ որ նորանցից ոչ մէկն էլ չ’կոտրուի։

21 ռ Չարութիւնը ամբարշտին կ’սպանէ, եւ արդարին ատողները կ’դատապարտուին։

22 Տէրը փրկում է ս իր ծառաների անձը, եւ բոլոր նորան յուսացողները չեն դատապարտուիլ։