Աստվածաշունչ

Արարատ թարգմանություն

1 Դաւիթի Սաղմոս. Յիշատակի համար։

1 Ով ա Տէր, մի յանդիմանիր ինձ քո բարկութիւնովը, եւ մի խրատիր ինձ քո սրտմտութիւնովը։

2 Որովհետեւ բ քո նետերը խրուեցան իմ մէջը, եւ գ քո ձեռքը ծանրացաւ ինձ վերայ։

3 Չ’կայ իմ մարմնումը առողջութիւն քո բարկութեան պատճառով. դ իմ ոսկորներումը խաղաղութիւն չ’կայ իմ մեղքի համար։

4 Որովհետեւ ե իմ անօրէնութիւնները գլխիցս վեր բարձրացան. Ինչպէս մեծ ծանր բեռ զ ծանր են ինձ վերայ։

5 է Խոցերս հոտում եւ փտում են՝ իմ յիմարութեան համար։

6 Ես կռացած եւ ը խիստ ցած ընկած եմ, եւ թ ամեն օր ման եմ գալիս սգաւոր։

7 Որովհետեւ իմ երիկամունքները լիքն են ժ բորբոքումով, եւ ի առողջութիւն չ’կայ իմ մարմնումը։

8 Ես թուլացած եւ շատ սաստիկ փշրուած եմ. լ հոգոց եմ հանում իմ սրտի հառաչելուցը։

9 Ով Տէր, քո առաջին է իմ բոլոր փափաքը. Եւ իմ հառաչանքը քեզանից ծածուկ չէ։

10 Սիրտս դողում է. Զօրութիւնս թողել է ինձ. Եւ խ իմ աչքի լոյսն էլ ինձ մօտ չէ։

11 ծ Իմ սիրելիներն ու ընկերները կանգնած են իմ խոցի կ դէմ. Եւ հ իմ ազգականները կանգնած են հեռուանց։

12 Եւ իմ անձը խնդրողները ձ որոգայթ են լարում, եւ ինձ չար ուզողներն ղ անօրէնութիւն են խօսում, եւ ամեն օր ճ նենգութիւններ են հնարում։

13 Բայց մ ես խուլի պէս չեմ լսում, եւ համրի պէս՝ յ որ իր բերանը չէ բաց անում։

14 Եւ ես եղայ ինչպէս մարդ՝ որ չէ լսում, եւ որ նորա բերանումը փաստ չ’կայ։

15 Որովհետեւ ես ն քեզ եմ ապաւինում, Տէր. Դու պատասխան կ’տաս, ով Տէր՝ իմ Աստուած։

16 Որովհետեւ ես ասեցի՝ շ Թող ինձ վերայ չ’ուրախանան, որ ո իմ ոտքը սահելիս՝ չ ինձ վերայ պարծենան։

17 Որովհետեւ ես պատրաստ եմ ընկնելու համար. Եւ իմ ցաւը միշտ առաջս է։

18 Որովհետեւ ես պատմում եմ պ իմ անօրէնութիւնը. Եւ ջ տրտմում եմ իմ մեղքի համար։

19 Բայց իմ թշնամիները կենդանի եւ զօրաւոր են. Եւ ռ ինձ զուր ատողները շատ են։

20 Եւ ս բարիի տեղ ինձ չար հատուցանողները հակառակում են ինձ, վ նորա փոխարէն որ ես հետեւում եմ բարի բանի։

21 Մի թողիր ինձ, ով Տէր՝ իմ Աստուած, տ մի հեռանար ինձանից։

22 Շուտ արա՝ որ ինձ օգնես, ով Տէր՝ իմ ր Փրկիչ։