Աստվածաշունչ

Արարատ թարգմանություն

1 ա Ասափի Սաղմոս։

1 Իրաւի որ Աստուած բարի է Իսրայէլի համար՝ սրտով ուղիղների համար։

2 Եւ քիչ էր մնացել որ ոտներս ծռուէին, եւ բան չէր մնացել որ գնացքս սահէր.

3 բ Որովհետեւ նախանձով լցուեցայ հպարտների վերայ՝ ամբարիշտների խաղաղութիւնը տեսնելիս։

4 Որովհետեւ նորանք ցաւ չ’ունին մինչեւ իրանց մահը. Եւ նորանց մարմինը փափուկ է։

5 գ Նորանք մարդի նեղութեան մէջ չեն, եւ ուրիշ մարդկանց հետ չեն տանջվում։

6 Սորա համար ամբարտաւանութիւնը վզանոցի պէս պատում է նորանց. Եւ դ բռնութիւնը զարդարանքի պէս ծածկում է նորանց։

7 ե Նորանց աչքերը պարարտութիւնից դուրս են գալիս, իրանց սրտի խորհուրդների պէս են կենցաղավարվում։

8 Ծիծաղում են եւ զ չարութիւնով բռնութիւն խօսում. է բարձրից են խօսում։

9 Իրանց բերանը ը երկնքումն են դնում. Բայց նորանց լեզուն երկրի մէջ է ման գալիս։

10 Սորա համար նորա ժողովուրդը այստեղ է դառնում, թ եւ լիութիւնով ջուր են քամում իրանց համար։

11 Եւ ասում են. ժ Աստուած ի՞նչպէս գիտէ, եւ գիտութի՞ւն կայ Բարձրելոյն մօտ։

12 Ահա սորանք են ամբարիշտները որ յաջողակ են աշխարհքումս, եւ աւելացնում են հարստութիւնը։

13 ի Իրաւի որ իմ սիրտն զուր տեղն եմ սրբում եւ լ իմ ձեռքերը սրբութիւնով լուանում։

14 Եւ ամեն օր տանջվում եմ եւ խրատվում՝ ամեն առաւօտ։

15 Եթէ ասէի թէ ես էլ նորանց նման կ’խօսիմ. Ահա քո որդկանց ազգին նենգութիւն կ’անէի։

16 խ Եւ ես միտք արի որ իմանամ այս. Սակայն դժուար էր իմ աչքերի առաջին.

17 Մինչեւ որ Աստուծոյ սրբութեան տեղը մտայ եւ ծ նորանց վերջն իմացայ։

18 Իրաւի որ կ դու նորանց հեշտ սահելու տեղ ես դնում, կործանուելու մէջ ես գցում նորանց։

19 Ի՜նչպէս յանկարծակի փչանում՝ սատակվում՝ կորչում են զարհուրանքով։

20 հ Ինչպէս երազն է զարթնելուց յետոյ. Այնպէս դու, Տէր, զարթնելիս կ’անարգես նորանց պատկերը։

21 Երբոր դառն ցաւեցաւ իմ սիրտը, եւ իմ երիկամունքներիցը խոցուեցայ.

22 Այն ժամանակ ձ ես յիմար եղայ եւ չ’իմացայ. Ինչպէս անասուն եղայ քո առաջին։

23 Բայց միշտ քեզ հետ եմ. Դու իմ աջ ձեռքիցը բռնեցիր։

24 ղ Դու առաջնորդում ես ինձ քո խորհրդովը, եւ վերջը փառքով կ’ընդունես ինձ։

25 ճ Ո՞վ ունիմ ես երկնքումը, եւ քեզանից ջոկ բան չեմ ուզում երկրի վերայ։

26 Թէեւ մ մարմինս ու սիրտս մաշուին. Աստուած յաւիտեան իմ սրտի ոյժն ու յ իմ բաժինն է։

27 Որովհետեւ ն ահա քեզանից հեռացողները կ’կորչեն. Դու կ’սատկեցնես բոլոր քեզ դէմ շ շնացողին։

28 ո Բայց ինձ համար բարի է որ մօտենամ Աստուծուն. Իմ յոյսը Տէր Աստուծոյ վերայ եմ դնում, որ չ քո ամեն գործքերը պատմեմ։