Աստվածաշունչ

Արարատ թարգմանություն

1 Ասափի Սաղմոս։

1 Ով Աստուած, հեթանոսները մտան ա քո ժառանգութեան մէջ. Պղծեցին բ քո սուրբ տաճարը. գ Երուսաղէմն աւերակ արին։

2 Նորանք դ քո ծառաների դիակները կերակուր տուին երկնքի թռչուններին, եւ քո սուրբերի մարմինը երկրի գազաններին։

3 Նորանց արիւնը թափեցին ինչպէս ջուր Երուսաղէմի չորս կողմովը. Եւ ե թաղող չ’կար։

4 զ Մենք նախատինք եղանք մեր դրացիներին, ծաղր եւ անարգանք մեր չորս կողմովը եղողների առաջին։

5 է Մինչեւ ե՞րբ, Տէր. Կ’բարկանաս իսպառ, եւ ը քո նախանձը կրակի պէս կ’բորբոքուի՞։

6 թ Թափիր քո բարկութիւնը այն ազգերի վերայ՝ որ ժ քեզ չեն ճանաչում, եւ այն թագաւորութիւնների վերայ՝ ի որ քո անունը չեն կանչում։

7 Որովհետեւ նորանք Յակոբին կերան եւ նորա բնակութիւնը աւերեցին։

8 լ Մի յիշիր մեզ դէմ առաջի անօրէնութիւնները, թող շուտով հասնի մեզ քո ողորմութիւնը. Որովհետեւ մենք խ շատ տկարացանք։

9 ծ Օգնիր մեզ, ով մեր փրկութեան Աստուած, կ քո անուան փառքի համար, եւ փրկիր մեզ եւ քաւիր մեր մեղքերը քո անունի համար։

10 հ Ի՞նչու ասեն հեթանոսները՝ թէ Ո՞ր տեղ է նորանց Աստուածը. Թող հեթանոսների մէջ մեր աչքի առաջին յայտնուի այն քո ծառաների թափուած արեան վրէժը։

11 ձ Թող գերիների հառաչանքը քո առաջը մտնէ. Քո բազուկի մեծութեան պէս ապրեցրու մահի որդկանցը։

12 ղ Եօթնապատիկ հատուցում արա մեր դրացիներին իրանց ծոցի մէջ՝ ճ իրանց այն նախատինքը, որով քեզ անարգեցին, ով Տէր։

13 Բայց մ մենք քո ժողովուրդը եւ քո արօտի հօտն ենք. Յաւիտեան կ’գոհանանք քեզանից, եւ յ քո գովասանքը կ’պատմենք ազգից մինչեւ ազգ։